Dutolonomi 13:3 - Baibo Busansulushi Bwa Libuku Ili

³ mutakamunyumfwili napaceyi. Mulyeelete kwishiba ayi Mwaami Lesa, Lesa wanu utoosebensesha muntu uyo kwaamba ayi amweeleshe akubona na ncakwiila mulimusuni amyoyo yanu yoonse alimwi abuumi bwanu boonse.

Dutolonomi 13:3 ပူးပေါင်းရင်းမြစ်များ

1 Baami 13:19

Lyalo mulaluki wa kuJuda wakaya kumishaabo mulaluki mucembele mukulya akunwa maanshi anguwe.

Kulumbaisha 119:2

Balicite coolwe abo bakonkela kwiisha kwa Mwaami Lesa, abo bamunyumfwila amyoyo yabo yoonse.

Kulumbaisha 66:10

NobaLesa mwakatusunka. Mwakatubotesha bweenka silifa mbooboteshekwa mumulilo.

Kulumbaisha 81:7

Ndimwakalinga mumapensho mwakandilila, lyalo ndakamufuna. Ndakamukumbula kaandi mumakumbi a mfula. Ndakamweelesha kumaanshi a kuMeliba.

Kulonga 20:20

Mose wakabakumbula ayi, “Mutaloondi, mukwiinga Lesa wesabo mukumweelesha akulengesha ayi mutolelele kumunyumfwila kwaamba ayi mutakabishi.”

Isaya 8:20

Mulyeelete kubakumbula ayi, “Amukutike shintu nshaamwiisha Mwaami Lesa! Mutakutiki beshikusonda. Nshebamulwiita teshi shikamucafweewo.”

Mateyo 24:24

Mukwiinga abo balyaamba cakubeca ayi, ‘Ndi Usalitwe wakwe Lesa,’ nabi ayi, ‘Ndi mulaluki,’ balaakwisa. Balaakucita shitondesho sha nkusu sha kwiculu alimwi ashaankamiko kwaamba ayi bacenjeeke, na kacikonsheka, abaabo boonse mbwaakasala Lesa.

Milimo ya Batumwi 17:11

Bene Biliya bakalinga kucite myoyo yakunyumfwishisha kwiinda bene Tesalonika. Bakalinga kukutika maswi amyoyo yabo yoonse alimwi lyoonse bakalinga kwiindulukaamo muMalembo akwe Lesa kwaamba ayi babone na shakalinga kwaamba Paulo nshalushinisho.

1 Bene Kolinto 11:19

Ndushinisho palyeelete kuba kusalululana pakati kanu kwaamba ayi abo bali mubululami baboneke patuba.

2 Bene Kolinto 8:8

Nshintokwaamba ayi uyu ngumulawo, sombi mukwaamba shabamwi mbobasunishi kucafwa, ndisuni kubona lusuno lwanu na ndwancinencine.

Bene Efeso 4:14

Lyalo teshi tukabe alimwi anga mbanike, bali anga mbaabo batootolaanishikwabo amaaba nabi cipuupu cakwiisha kwa bantu babeshi. Balalengesha bantu baanji kushoma shabubeshi kwiinda mumilaka ya bucenjeshi.

Dutolonomi 6:5

Suna Mwaami Lesa, Lesa wako amoyo wako woonse, abuumi bwako boonse alimwi ankusu shako shoonse.

Dutolonomi 8:16

Muluyanga wakamupa mana kwaamba ayi mulye, cakulya citana kulyaawo bamashali banu bakulukulu. Wakatuma makatasho pali ndimwe ayi amweeleshe, kwaamba ayi kumeelelesho akamuboteshele shintu shoonse.

Dutolonomi 8:2

Amwiibaluke mwaami Lesa, Lesa wanu mbwaakamutanjilila mulweendo loonse lwa muluyanga lwa myaaka makumi one iyo yeenda. Wakalinga kumutumina makatasho mukumweelesha kwaamba ayi abone mpomwiimfwi alimwi na inga mwacikonsha kukonkela milawo yakwe.

2 Bene Tesalonika 2:11

Ono paceebo ceeco Lesa ulaakubalengesha kulubilabo limwi cakuswa munshila, kwiinda mukushoma sha bubeshi.

1 Joni 2:19

Bantu aba bakalinga aswebo kale kale, sombi tebakalinga bamulikoto lyesu cancinencine. Mukwiinga nebakalinga bamulikoto lyesu, naakwiinga kabacili aswebo. Sombi bakapatuka kwaamba ayi baboneke patuba ayi taaku nabi womwi pakati kabo wakalinga mulikoto lyesu cancinencine.

1 Joni 4:1

Nomusunikwi, mutanooshoma muntu woonse waamba ayi ulicite Mushimu wakwe Lesa, sombi mulyeelete kubeelesha akubona na ncakwiila mushimu ngobacite ulaswa kuli Lesa. Mulyeelete kucita boobo ceebo balaluki babeshi balibo cishi coonse.

1 Joni 4:4

Ono mwebo nobana bangu, muli bakwe Lesa alimwi mwabakoma kale balaluki babeshi mukwiinga Mushimu uli muli ndimwe ulicite nkusu kwiinda wooyo uli muli baabo basuni sha mucishi ca panshi.

Ciyubululo 13:14

Mpeeke wakabeca bantu boonse ba mucishi ca panshi kwiinda mushaankamiko nshaakasuminishikwa kucita ceebo ca munyama mutaanshi. Munyama uyu wakabaambila ayi bapange cibumbwabumbwa cakubonesha bulemu kumunyama uyo wakabuka ndyaakalinga wayaswa mupeeni.

Boomboloshi 2:22

Anu munshila iyi ndaakubeelesha akubona na balaakunookonkela nshila shangu kweelana abwakalinga kucita bamashali babo bakulukulu.”

1 Samwelo 26:19

Ono nkambo nobaami bangu amukutike makani angu nemusebenshi wanu. Na nguMwaami Lesa walengesha ayi mumbukile, aatambule mulambu. Sombi na mbantu, Mwaami Lesa aabashingane! Mukwiinga bantanda kuswa mucishi ca Mwaami Lesa akundekela mumusena mweenga ndalambilabo balesa beensu.