Dutolonomi 13:2 - Baibo Busansulushi Bwa Libuku Ili

² ayi amulengeshe kunoolambila akusebensela balesa mbomutana kulambilawo kale, nabi na nceenga washomesha kucita cacitika cancinencine,

Dutolonomi 13:2 ပူးပေါင်းရင်းမြစ်များ

1 Baami 13:3

Lyalo mulaluki uyo wakatolelela akwaamba ayi, “Ici cipaililo cilaakuwa akumwayuluka. Ayalo milota ili pali ncico ilaakupalangana. Lyalo ulaakwishiba ayi Mwaami Lesa ngowaamba kwiinda muli ndime.”

Kulonga 22:19

“Musankwa uli woonse wakumana amunyama ulyeelete kucaikwa.

Kulonga 7:22

Lyalo beshimampelampela ba mwaami Falawo abalo bakacita mbomunya ubo kwiinda munkusu shabo. Mpeeke mwaami taakwe kucilekaawo cimpamya cakwe. Kweelana abwakaamba Mwaami Lesa, mwaami Falawo wakakaka kunyumfwila Mose aAloni.

Jelemiya 23:32

Ndushinisho ndibapatite balaluka shabubeshi. Balalwiita bantu bangu shiloto isho akubasowa kububeshi bwabo butacite ncito. Sombi nshikwe kubatuma, sobwe. Nebo neMwaami Lesa ndaamba.”

Jelemiya 27:9

Aboobo mutanoonyumfwila balaluki banu, bamukamwaami, beshikupandulula shiloto nabi beshikwaamba amishimu alimwi abaloshi abo bamwaambila ayi, ‘Teshi mukasebenselewo mwaami wa bene Babiloni.’

Jelemiya 28:9

Sombi mulaluki ulaluka shaluumuno ulaakubonwa ayi ncakwiila wakatumwa kuMwaami Lesa na isho nshaakaamba shacitika cancinencine.”

Sekaliya 10:2

Mushibumbwabumbwa taamu lushinisho. Beshikusonda balaba ashili anga nshiloto shabubeshi alimwi balasansulula shiloto shiteshi shalushinisho. Ncakwiila baloombulusha citacite mpindu. Paceebo ceeco bantu baleengailabo anga nimbelele shitacite mweembeshi.

Mateyo 24:24

Mukwiinga abo balyaamba cakubeca ayi, ‘Ndi Usalitwe wakwe Lesa,’ nabi ayi, ‘Ndi mulaluki,’ balaakwisa. Balaakucita shitondesho sha nkusu sha kwiculu alimwi ashaankamiko kwaamba ayi bacenjeeke, na kacikonsheka, abaabo boonse mbwaakasala Lesa.

Dutolonomi 13:13

bantu bamwi bamucita shibi ba mumushobo wanu bayungoola bantu mumandabalaabo ayi balambile balesa abo mbomutakwe kulambilawo kale,

Dutolonomi 13:6

“Na mukwanu, mwanaako musankwa nabi mwanakashi, mukaako usunikwi nabi mubyo ngoonyumfwanaakwe bunene wakunyengelela ayi ulambile balesa bamwi, abo webo abamashali bako bakulukulu mbomutakwe kulambilawo kale,

Dutolonomi 18:20

Sombi mulaluki woonse uyo waamba muliina lyangu makani ngoontakwe kumulwiita, nabi wooyo waamba muliina lya balesa bamwi, ulyeelete kucaikwa.’

Dutolonomi 18:22

Na ico caamba mulaluki muliina lya Mwaami Lesa cabula kucitika nabi kuboneka, mwishibe ayi makani ayo taakwe kuswa kuMwaami Lesa. Nkokwaamba ayi mulaluki uyo waamba munkusu shakwe mwiine, aboobo tamweelete kumuloonda.