Dutolonomi 13:13 - Baibo Busansulushi Bwa Libuku Ili

¹³ bantu bamwi bamucita shibi ba mumushobo wanu bayungoola bantu mumandabalaabo ayi balambile balesa abo mbomutakwe kulambilawo kale,

Dutolonomi 13:13 ပူးပေါင်းရင်းမြစ်များ

2 Samwelo 16:7

Shimeyi wakacobola Defedi akwaamba ayi, “Swa! Swa! Omucayi webo, Satana wa muntu!

2 Samwelo 20:1

Ono muGilugala mwakalinga cikwapululwa ca muntu wiitwa ayi Sheba mwanaakwe Bikili wamumukowa wakwe Benjameni. Sheba uyo wakalisha lupeenga akoolobesha ayi, “Taaku ceesu kuli Defedi, Tatubeteeko lubasu kumwanaakwe Jese! Nobene Isilaeli, musankwa womwi awomwi aaboolele kuŋanda yakwe!”

2 Samwelo 23:6

Sombi bakunsengwe boonse bali anga njimyuumfwa iwaalwa kulubasu, myuumfwa iyo muntu njaatakoonshi kucata kali maansabo.

1 Baami 21:10

Mubike basankwa beshishimfulunganya bobilo kwikala kabalangene anguwe kwaamba ayi bamubekeshe ayi wakashingana Mwaami Lesa alimwi amwaami wa cishi. Lyalo mumukusheewo akumutola kunsengwe lya ndabala mukumuuma mabwe akumucaya.”

1 Baami 21:13

Lyalo basankwa beshishimfulunganya bobilo abo bakekala kabalangene anguwe akumubekesha ayi wakashingana Mwaami Lesa alimwi amwaami wa cishi. Lyalo bakamukusha mundabala akumucaya kumabwe.

2 Baami 17:21

Pesule Mwaami Lesa ndyaakamana kupansaanya bene Isilaeli kuswa kubene Juda, bene Isilaeli bakasala Jeloboamu mwanaakwe Nebati ayi abe mwaami wabo. Mpeeke Jeloboamu wakabalengesha kukaka Mwaami Lesa akucita cibiibi ciyoosha.

2 Makani 13:7

Wakabunganya bantu bataaku mbobabete batanyumfwi abo bakakakatisha Leoboamu mwanaakwe Solomoni kucita mbobakalinga kusuni. Paciindi ico Leoboamu wakalinga mwanike alimwi kaatacite lushibo kwaamba ayi abakakile.

Joni 8:44

Mwebo muli kulubasu lwakwe ishiwanu Satana, aboobo mulisuni kucita sheesho shisuni ishiwanu. Lakwe wakalinga mucayi kuswa kumatalikilo. Taana kucitawo kale shalushinisho mukwiinga muli nguwe taamu lushinisho. Na waamba sha bubeshi ingayi waamba mbwaabete mukwiinga ngumubeshi alimwi ngoishi wa bubeshi.

2 Bene Kolinto 6:15

Ino Klistu aMubiibi ulya inga basuminishanya buyani? Ino ono mushomi inga weendelana buyani autashomi?

Dutolonomi 13:12

“Mwaakunookala mumandabala ayo Mwaami Lesa, Lesa wanu ngaatoomupa, ono na mwanyumfwaawo shamashila ayi

Dutolonomi 13:14

mulyeelete kunyumfwishisha kabotu. Na mwacana ayi ncakwiila bubi bwa mushobo uyu bwacitika,

Dutolonomi 13:2

ayi amulengeshe kunoolambila akusebensela balesa mbomutana kulambilawo kale, nabi na nceenga washomesha kucita cacitika cancinencine,

Dutolonomi 13:6

“Na mukwanu, mwanaako musankwa nabi mwanakashi, mukaako usunikwi nabi mubyo ngoonyumfwanaakwe bunene wakunyengelela ayi ulambile balesa bamwi, abo webo abamashali bako bakulukulu mbomutakwe kulambilawo kale,

Dutolonomi 17:4

Na mwanyumfwa makani a mushobo wooyu, mulyeelete kwiipusha kabotu kabotu. Ono na bubi ubu bwacanika ayi bwakacitika cancinencine muIsilaeli,

Dutolonomi 4:19

Mutakeeleshi kulambila nabi kusebensela cimwi ncemubona mwiculu mbuli lisuba, mweenshi, alimwi anyenyeenshi. Shintu ishi Mwaami Lesa, Lesa wanu wakashilekela bantu boonse ba mishobo imwi.

1 Joni 2:19

Bantu aba bakalinga aswebo kale kale, sombi tebakalinga bamulikoto lyesu cancinencine. Mukwiinga nebakalinga bamulikoto lyesu, naakwiinga kabacili aswebo. Sombi bakapatuka kwaamba ayi baboneke patuba ayi taaku nabi womwi pakati kabo wakalinga mulikoto lyesu cancinencine.

1 Joni 3:10

Anu bupusano buliiwo pakati ka bana bakwe Lesa abana ba Mubiibi mboobu. Uyo woonse utaciti shiluleme nabi utasuni mubye, teshi mwanaakwe Lesa.

Judi 1:19

Bantu aba mbobapansaanya babyaabo. Balakonkelabo shintu sha mucishi ca panshi nshebeshi alimwi tabacite Mushimu Usalashi.

Boomboloshi 19:22

Ono kabacilya akulisangalasha, bakabonabo bantu babiibi bamundabala iyo, bashinguluka ŋanda bakonkoonsha kucisasa akwaambila mucembele mwine ŋanda ayi, “Kusha mweensu wako pansengwe tucitaakwe nkwela.”

Boomboloshi 20:13

Amwaabe bene Gibiya abo babiibi mumaanseesu kwaamba ayi tubacaaye akukusha malwesa aya mucishi ca Isilaeli. Sombi bene Benjameni bakakaka kunyumfwila bene Isilaelinyinaabo.”

1 Samwelo 10:27

Sombi bantu bamwi batayeeyi kabotu bakaamba ayi, “Anu musankwa uyu inga watupulusha buyani?” Bakaamba shibiibi pali Saulo, aboobo taaku cipo ncibakamuletelaawo. Sombi Saulo wakalinga kuumwitebo.

1 Samwelo 2:12

Bana bakwe Eli basankwa bakalinga babiibi. Tebakalinga kunyumfwila Lesa

1 Samwelo 25:17

Bulya ndaamba ayi mwishibe cikani ico akwaamba ayi muyeeye mbomweelete kucita, mukwiinga pamwaami wesu abamuŋanda yakwe boonse inga pacitika cilensha boowa. Cibiibi ncakwaamba ayi mwaami wesu ngushicimpamya alimwi taalwiitikwa.”

1 Samwelo 25:25

Nobaami bangu mutabikili mfundilishi ibaangu ulya mubiibi moyo mukwiinga bweenka bubete liina lyakwe alakwe mbwaabete, ee liina lyakwe nguNabali, lisansulula ayi muluya! Nebo nshindakalingaawo basebenshi banu ndibakashika.