Dutolonomi 12:20 - Baibo Busansulushi Bwa Libuku Ili

²⁰ “Na Mwaami Lesa, Lesa wanu akakomenye cishi canu, kweelana ambwaakashomesha, mulaakunoolya nyama ciindi cili coonse ncemusuni.

Dutolonomi 12:20 ပူးပေါင်းရင်းမြစ်များ

Matalikilo 28:14

Balaakufula anga ngumuseese pacishi ca panshi. Balaakukomenesha cishi mumbasu shoonse alimwi kwiinda muli ndiwe abamulunyungu lwako, ndaakupa coolwe mishobo yoonse.

Matalikilo 31:30

Ndishi kwaamba ayi wakanyamuka mukwiinga wakalinga kunyumfwite kalyokolyoko ka kuyanda kuboolela kumishaanu, ono wakeepilanshi balesa ba muŋanda yangu?”

2 Samwelo 13:39

Mpeeke mwaami Defedi wakamuyeeya abuumbi kumubonaawo mwanaakwe alimwi, mukwiinga ciindi ico wakalinga kulubitelubiteeko shalufu lwakwe Amunoni.

2 Samwelo 23:15

Ono Defedi wakafwa nyotwa akwaamba ayi, “Kubota muntu waya wakuletelawo maanshi akunwa kumukalo uli kufwaafwi amwinjililo wa ndabala ya Betileemu.”

1 Makani 4:10

Jabesi wakapaila kuli Lesa wa bene Isilaeli ayi, “NobaLesa, amumpe coolwe cakuba acishi cinene. Amube anebo akuntabilila kuswa kushintu sheenga shancisa kwaamba ayi ntakanyumfwiwo kucisa.” Lyalo Lesa wakamupa isho shoonse nshaakasenga.

Kulumbaisha 107:9

Ulapa shakunwa kubaabo bafwite nyotwa, akupa shintu shibotu kubafwite nsala ayi bakute.

Kulumbaisha 119:174

Nobaami baLesa, ntoolangilabo lupulusho lwanu. Ncakwiila milawo yanu ilansangalasha.

Kulumbaisha 119:20

Moyo wangu ulisunishi abuumbi kunyumfwa shamilawo yanu lyoonse.

Kulumbaisha 119:40

Amubone mboonsunishi kukonkela milawo yanu, amumpe buumi bupya ceebo mwebo muliluleme.

Kulumbaisha 63:1

NobaLesa, mwebo muli baLesa bangu. Ndamulambila amoyo wangu woonse, mubili wangu utooyandisha kuba andimwe, muuya wangu ulimucitile nyotwa anga ngumuntu uli mumusena washikula, ncakwiila musena utacite maanshi.

Kulumbaisha 84:2

Moyo wangu ulisuni kushikaamo umo! Ntooyandishisha kwinjila muŊanda ya Mwaami Lesa. Ntoomwiimbila cakusangalala abuumi bwangu boonse, kwiimbila ndimwe nobaLesa boomi.

Kulonga 23:31

Cishi canu cilaakutalikila kuLweenge Lusalala kushikila kuLweenge lwa Mediteleniyani, akuswa kuluyanga kushikila akuMulonga wa Yufuletisi. Ndaakumupa nkusu shakukoma beshi bakanooli mucishi ico, aboobo mulaakubatanda kunembo lyanu.

Kulonga 34:24

Na nkamane kutanda mishobo iyo kunembo lyanu alimwi akukomenyako cishi canu, taaku nabi womwi ngweshi akeeleshe kukoma cishi canu paciindi cakusekelela uko kucitwa mankanda otatwe.

Shakubelenga 11:20

sombi mweenshi wakabumbulu. Mulaakwiilya kushikila ikanoopulila amumatwi anu alimwi kushikila ikamuleemye. Ici cilaakucitika ceebo mwakaka Mwaami Lesa uyo ngomuli akwe pakati kanu, akutongooka kuli nguwe ayi naakwiinga tamuswikobo kucishi ca Ijipiti.’ ”

Shakubelenga 11:34

Mpeeke musena uyo bakootumba ayi Kibuloti Ataafa, nkokwaamba ayi, “Shuumbwe shalunkosha” mukwiinga mpopaapo mpobakafukila beshinkosha.

Shakubelenga 11:4

Pamulongo wa bene Isilaeli pakalinga abaswamashi bamwi abo bakanyumfwa nkosha abuumbi, alimwi abalo bene Isilaeli boonse bakatalika kutongooka ayi, “Kubota bulya kulyawo nyama!

2 Bene Kolinto 9:14

Aboobo bananoomupailila calusuno lwiine lwiine ceebo ca luse lwiindaawo Lesa ndwaamutondesha.

Dutolonomi 11:24

Mulaakukoma cishi cili coonse nceshi mukayeeko. Cishi canu cilaakutalikila kuluyanga lwa kumalenge akuya kutulundu twa Lebanoni kumatwa, alimwi kuswa kuMulonga wa Yufuletisi kwicwe kushikila kuLweenge lwa Mediteleniyani kumbo.

Dutolonomi 12:15

“Sombi mulyaangulukite kucaya akulya banyama banu kuli koonse nkweenga kamushiite. Mulakonsha kulya kweelana abuunji bwabaabo Mwaami Lesa mbwaatoomupa. Tacicite mulandu, muntu usalalite kweelana aMilawo nabi utasalalite, woonse inga walya, bweenka mbuli mbomulya ya konse nabi ya nalufwi.

Dutolonomi 12:21

Na musena womwibo wa kulambililaako uli kulaale bunene, lyalo na mwasuuna nobeene, inga mwacaya ŋombe nabi mbelele ili yoonse Mwaami Lesa njeenga wamupa, alimwi akulita nyama iyo kuŋanda, kweelana ambondamulwiita.

Dutolonomi 19:8

“Na Mwaami Lesa, Lesa wanu akanungeeko acimwi cishi, kweelana ambwaakashomesha cakulumbila kubamashali banu bakulukulu,

Bene Filipi 1:8

Lesa inga wambeta bukamboni kwaamba ayi ndamuyeeya abuumbi mukwiinga ndimusuni amoyo wangu woonse alusuno luli mbuli lwakwe Klistu Jesu mwiine.

Bene Filipi 2:26

Ono wamuyeeya abuumbi noonse alimwi wapenshekwa mumoyo mukwiinga mwakanyumfwa ayi wakalinga mulwashi.