Dutolonomi 11:7 - Baibo Busansulushi Bwa Libuku Ili

⁷ Ee, ndimwe mwakabona shintu shinene shoonse isho shakacita Mwaami Lesa.

Dutolonomi 11:7 ပူးပေါင်းရင်းမြစ်များ

Kulumbaisha 106:2

Ngani weenga waambilisha milimo ya nkusu ya Mwaami Lesa? Ngani weenga wamulumbaisha mbwaaelete?

Kulumbaisha 145:12

Balaakucita boobo ayi bantu boonse bakeshibe shamicito yanu yankusu ashabulemu bwa bweene bwanu bukankamika.

Kulumbaisha 150:2

Amulumbaishe ceebo ca micito yakwe ya nkusu. Amumulumbaishe ceebo ca bunene bwakwe bwiindaawo.

Dutolonomi 11:6

Amwiibaluke ncaakacita kuli Datani aAbilamu, bana bakwe Eliyabu basankwa, bamumukowa wakwe Lubeni. Mumeenso anu noonse inshi yakacaluka akubamina pantu pomwi abamumaanda abo boonse, misumba yabo, basebenshi babo boonse alimwi ashifubwa.

Dutolonomi 11:8

“Mukonkele milawo yoonse njendamupa sunu. Lyalo mulaakukonsha kusubuka Mulonga wa Joodani akubwesa cishi ico ayi cikabe caanu.

Dutolonomi 27:10

Paceebo ceeci kamumunyumfwila akukonkela milawo amilasho yakwe yoonse iyo njentoomupa sunu.”

Dutolonomi 29:2

Mpomunyaawo Mose wakabunganya bene Isilaeli boonse akubaambila ayi, “Mwakalibonena nobeene shoonse isho Mwaami Lesa nshaakacita kuli Falawo mwaami wa kuIjipiti, bamatanjilili bakwe alimwi akucishi cakwe coonse.

Dutolonomi 4:3

Mwebo nobeene mwakabona cakacita Mwaami Lesa paKalundu ka Peyo. Wakanyonyoola woonse wakalambila lesa wa kuPeyo wiitwa ayi Baali.

Dutolonomi 5:3

kuteshibo abamashali besu bakulukulu beenka, sombi aswebo soonse sotuli boomi sunu.

Dutolonomi 7:19

Amwiibaluke myaalu iyoosha iyo njemwakabona ameenso anu nobeene. Amwiibaluke ashaankamiko, shitondesho shankusu alimwi ankusu shinene isho Mwaami Lesa, Lesa wanu nshaakasebensesha ayi amwaangulule. Mwaami Lesa ulaakunyonyoola mishobo iyo njemutooloonda bulya bweenka mbwaakacita kubene Ijipiti.

Joshuwa 24:31

Bene Isilaeli bakasebensela Mwaami Lesa kushikila Joshuwa abamaloba bakacaalaawo ndibakamana kufwa. Bamaloba abo bakabona ameenso shoonse Mwaami Lesa nshaakacitila bene Isilaeli,