Dutolonomi 11:18 - Baibo Busansulushi Bwa Libuku Ili

¹⁸ “Maswi angu aya aakale mumyoyo amumiyeeyo yanu. Amwaange maswi aya pamikono yanu alimwi mwaafwaale pankumo ayi nciibalusho.

Dutolonomi 11:18 ပူးပေါင်းရင်းမြစ်များ

Kulumbaisha 119:11

Ndalama maswi anu mumoyo wangu, kwaamba ayi ntanoomubishisha.

Kulonga 13:16

Ici cilaakuba ciibalusho, bweenka mbuli cimwi cintu caangitwe kumaansa esu alimwi apankumo. Cinanootwiibalusha ayi Mwaami Lesa wakatukusha muIjipiti kwiinda munkusu shakwe shiteelekwa.’ ”

Kulonga 13:9

Kusekelela uku kulaakuba ciibalusho, bweenka mbuli cimwi cintu caangitwe kulyaansa nabi pankumo. Kulaakumwiibalusha kutolelela kwiinduluka alimwi akwiiya Milawo ya Mwaami Lesa ceebo nguMwaami Lesa wakamukusha mucishi ca Ijipiti kwiinda munkusu shakwe shiteelekwa.

Tushimpi 3:1

Omwanaangu utanoolubaako nsheenkwiisha. Kolama milawo yangu mumoyo wako.

Tushimpi 3:3

Utakasuminishi lusuno akushomeka kwaamba ayi shikushiiye. Ulyeelete kushifwala lyoonse anga mbulungu bwa munshingo, ncakwiila ulyeelete kushilemba mumoyo wako.

Jelemiya 32:39

Kuswawaawo ndaakubapa cintu comwi cakucita mubuumi bwabo. Cintu ico nkundemeka ciindi coonse kwaamba ayi shintu shikabeendele kabotu, balo abamulunyungu lwabo.

Mateyo 23:5

Balacita shintu shoonse kwaamba ayi bababoone bantu. Balalyaangilila tukomwe tunene ntobabikamo maswi akwe Lesa palyaansa alimwi apankumo, akulaampya mansambaala ashakufwala shabo.

Dutolonomi 32:46

wakaamba ayi, “Maswi oonse aya ngondamwaambila sunu, abe muli ndimwe kwaamba ayi mukeeishe bana banu ayi bakakonkele milawo iyi kabotu kabotu.

Bene Kolose 3:16

Maswi akwe Klistu aakalilile mumyoyo yanu lyoonse pakwiishanya alimwi akulwiitana cabusongo boonse. Amwiimbe nyimbo shakulumbaisha, shakulemeka Lesa alimwi anyiimbo shimwi sha Mushimu wakwe Lesa. Amwiimbile Lesa amyoyo yakulumba.

Bene Ebulu 2:1

Nceceeco ncetweelete kwiindilaawo kubikaako maano kushalushinisho isho nshetwakanyumfwa kwaamba ayi tutakasoweki.

2 Pita 1:12

Aboobo teshi nkacilekeewo kumwiibalusha makani aya lyoonse nakubi kwaamba ayi mulyeeshi kale alimwi ayi mulashoma amoyo woonse mulushinisho ndomwakatambula.