Dutolonomi 11:14 - Baibo Busansulushi Bwa Libuku Ili

¹⁴ Na mukacite boobo, ulaakunoolosha mfula mucishi canu paciindi ceelete, lyalo mulaakuba ashili anga ngamaila, waini, mafuta a olifi

Dutolonomi 11:14 ပူးပေါင်းရင်းမြစ်များ

Isaya 30:23

Kulilabo na mwashanga mbuto shanu Mwaami Lesa ulaakumuloshesha mfula kwaamba ayi shikule kabotu akucata bunene. Ashalo shifubwa shanu shilaakuba amweemfu uunji.

Jelemiya 14:22

Sa shibumbwabumbwa shilicite nkusu shakuleta mfula? Sa liculu lyeenka inga lyakonsha kulosha mfula yatepetepe? Sobwe, ndimwebo, Nobaami baLesa, baLesa besu. Aboobo kulangila kwesu kulibo kuli ndimwe ceebo ndimwebo nweenka nomucita shoonse ishi.

Jelemiya 5:24

Mwebo tamulyaambooshiiwo mumyoyo yanu ayi, ‘Atuloonde Mwaami Lesa, Lesa wesu uyo utupa mfula ya mumupewo aya mainsa muciindi ceelete akutubambila ciindi cakutebwitaamo.’

Esekelo 34:26

“ ‘Ndaakubapa coolwe akubaleka ayi bekale mumisena ishingulukite kalundu kangu kasalalite. Ndaakunootuma mfula yatepetepe muciindi ceelete. Ncakwiila ilaakuba mfula yatepetepe ya coolwe.

Jowelo 2:19

Mwaami Lesa ulaakubakumbula ayi, “Ono bulya ndaakumupa shili anga ngamaila, waini amafuta a olifi. Lyalo mwebo mulaakukuta. Ncakwiila mishobo imwi teshi ikamusebaanyeewo.

Bene Lefi 26:3

“Na munookala kweelana amilawo yangu alimwi amilasho yangu,

Bene Lefi 26:4

ndaakumupa mfula paciindi ceelete kwaamba ayi mumyuunda mukaswe shakulya alimwi ashisamu shikacate shisepo.

Malaki 3:11

Teshi nkasuminishe shilongolo kulya shishango shanu alimwi minyansa teshi ikapukumuke kushisamu sha njiyo.

Milimo ya Batumwi 14:17

Sombi lyoonse ulalicitila bukamboni kwiinda mushintu shibotu nshaacita. Ulamuloshesha mfula kuswa kwiculu akulengesha ayi shishango shicate paciindi ceelete. Ulamupa shakulya, lyalo mulasangalala abuumbi mumyoyo.”

Dutolonomi 28:12

Mwaami Lesa ulaakunoomuloshesha mfula kuswa moomo mwaisunga mwiculu paciindi ceelete, akumupa coolwe mumilimo yoonse. Mpeeke mulaakukweletesha mishobo iinji, sombi mwebo taaku nkweshi mukakweleteewo.

Jemusi 5:7

Ono mwebo nobamakwesu, amube beshimoyonteeka kushikila Mwaami wesu akese. Amubone mulimi mbwaakomenya moyo kulindila shishango mumyuunda yakwe ayi shicate. Ulalindila mfula itaanshi ayakweelaako camoyonteeka.