Dutolonomi 11:1 - Baibo Busansulushi Bwa Libuku Ili

¹ “Amusune Mwaami Lesa, Lesa wanu alimwi kamukonkela milawo amilasho yakwe yoonse.

Dutolonomi 11:1 ပူးပေါင်းရင်းမြစ်များ

Kulumbaisha 105:45

Wakacita boobo kwaamba ayi bakonkele milasho yakwe, alimwi akulama milawo yakwe yoonse. Amulumbaishe Mwaami Lesa!

Kulumbaisha 116:1

Mwaami Lesa ndimusuni mukwiinga ulanyumfwa mipailo yangu. Ndushinisho ulanyumfwa ndyeensenga ayi anyumfwile nkumbu.

Esekelo 20:19

Nebo ndime Mwaami Lesa, Lesa wanu, amukonkele milasho yangu alimwi akubona kwaamba ayi mutoolama kabotu milawo yangu.

Bene Lefi 18:30

“Amukonkele milawo iyo njendamupa, tamweelete kukonkela sheesho shakalinga kucita bantu bakalinga kwikala mucishi ico, alimwi mutakalilengeshi kutanoosalalite kweelana aMilawo kwiinda mukucita cintu ico cibiibi nabi comwi. Nebo ndime Mwaami Lesa wanu.”

Bene Lefi 22:9

“ ‘Bapailishi boonse balyeelete kukonkela milawo yangu. Ono na baalilwa kwiikonkela, balaakuba amulandu akufwa ceebo cakukaka kukonkela milawo iyo isalalite. Nebo ndime Mwaami Lesa ubasalasha.

Bene Lefi 8:35

Mulyeelete kunooshiite pamulyango wa Tente ya Cipangano malumwi amashiku kwanshiku shili shosanwe ashobilo akucita caamba Mwaami Lesa. Na mukabule kucita boobo, mulaakufwa. Anu Mwaami Lesa mbwaakandwiita ubo.”

Sekaliya 3:7

“Mwaami Lesa Shinkusu shoonse waamba ayi, ‘Na ukanokweenda munshila shangu akucita nsheensuni, ulaakunokweendelesha Ŋanda yangu amansa shangu. Lyalo ndaakukupa musena pakati ka baanjelo aba beemfwi waawa.

Dutolonomi 10:12

“Ono nobene Isilaeli, amukutike Mwaami Lesa ncaasuni ayi mwebo mucite. Ulisuni ayi munoomulemeka akucita shoonse nshaamba. Mumusuune, mumusebensele amyoyo yanu yoonse

Dutolonomi 11:13

“Ono aboobo amukonkele milawo njendamupa sunu. Amusune Mwaami Lesa, Lesa wanu akumusebensela amyoyo yanu yoonse alimwi abuumi bwanu boonse.

Dutolonomi 11:22

“Amukonkele cakushomeka milawo yoonse njendamupa. Amusune Mwaami Lesa, Lesa wanu, amucite shoonse nshaamba, alimwi kamushomeka kuli nguwe.

Dutolonomi 13:4

Amukonkele Mwaami Lesa, Lesa wanu eenka akumulemeka, mumunyumfwile akulama milawo yakwe. Kamumulambila akushomeka kuli nguwe.

Dutolonomi 27:10

Paceebo ceeci kamumunyumfwila akukonkela milawo amilasho yakwe yoonse iyo njentoomupa sunu.”

Dutolonomi 30:6

Kuswawaawo Mwaami Lesa, Lesa wanu ulaakupa ndimwe abamulunyungu lwanu myoyo yakunyumfwila, kwaamba ayi mukamusuune amyoyo alimwi abuumi bwanu boonse, ayi mukatolelele kwikala mucishi ico.

Dutolonomi 4:1

Lyalo Mose wakaambila bantu ayi, “Kamukonkela milawo yoonse iyo njentoomwiisha, mulaakuba abuumi alimwi mulaakwikala mucishi ico ncaatoomupa Mwaami Lesa, Lesa wa bamashali banu bakulukulu.

Dutolonomi 4:40

Amukonkele milawo yoonse njendamupa sunu. Lyalo shintu shoonse shilaakumweendela kabotu kushikila akubamulunyungu lwanu. Alimwi mulaakutolelela kwikala mucishi ico Mwaami Lesa, Lesa wanu ncatoomupa ayi cibe caanu muyayaya.”

Dutolonomi 4:5

“Ndamwiisha milasho amilawo yoonse, bweenka Mwaami Lesa mbwaakandwiita ayi ncite. Mukanooikonkela mucishi ico ncemuli pafwaafwi kulwana akucibwesa.

Dutolonomi 5:1

Mose wakabunganya bene Isilaeli boonse akubaambila ayi, “Nobene Isilaeli, amukutike kumilawo amilasho yoonse njeentoomupa sunu. Muyiiye akwiikonkela cakushinisha.

Dutolonomi 5:29

Na lyoonse banooyeeya bobulya alimwi kabandemeka akukonkela milawo yangu yoonse, shintu shoonse inga kashibeendela kabotu pantu pomwi abamulunyungu lwabo, lyoonse alyoonse.

Dutolonomi 6:1

“Iyi njemilawo amilasho iyo Mwaami Lesa, Lesa wanu njaakandwiita ayi mwiishe. Mukanooikonkela mucishi ico ncemuli pafwaafwi kwinjila akubwesa.

Dutolonomi 6:5

Suna Mwaami Lesa, Lesa wako amoyo wako woonse, abuumi bwako boonse alimwi ankusu shako shoonse.