Dutolonomi 10:8 - Baibo Busansulushi Bwa Libuku Ili

⁸ Paciindi ico, Mwaami Lesa wakasala mukowa wakwe Lefi ayi banoolama Libokoshi lya Cipangano, akumusebensela mubupailishi alimwi akunoopa shoolwe muliina lyakwe. Uyu ucili ngomulimo wabo asunu.

Dutolonomi 10:8 ပူးပေါင်းရင်းမြစ်များ

1 Baami 8:6

Lyalo bapailishi bakanyamuna Libokoshi lya Cipangano akulitola muŊanda yakwe Lesa akulibika muMusena Usalalite Wiindaawo muunshi lya mapapaminwa a bakelebu.

1 Makani 15:2

Lyalo wakaamba ayi, “Bene Lefi beenkabo mbweshi banoonyamuna Libokoshi lya Cipangano mukwiinga Mwaami Lesa mbwaakasala ayi banoolinyamuna alimwi akunoomusebensela lyoonse alyoonse.”

1 Makani 15:26

Mpeeke bakabenga baceende bali bosanwe abobilo alimwi ambelele shili shosanwe ashobilo kwaamba ayi Lesa acafwe bene Lefi abo bakanyamuna Libokoshi lya Cipangano.

1 Makani 23:13

Amulamu munenebantu wakashala Aloni alimwi aMose. Aloni abamulunyungu lwakwe bakapekwa mulimo wakulama shintu shisalalite lyoonsebo, kubenga milambu kunembo lya Mwaami Lesa, kumusebensela alimwi akupa shoolwe bantu muliina lyakwe kwalyoonse alyoonse.

1 Makani 23:26

Aboobo bene Lefi tabeelete kunoonyamuna Tente ya Cipangano ashintu shimwi shoonse shisebenseshekwa pakulambila Lesa.”

2 Makani 29:11

Nobana bangu mutasoowi ciindi. Mwaami Lesa wakasala ndimwe ayi munoomutentela tununkila kabotu akunootanjilila bantu mukulambila nguwe.”

2 Makani 30:27

Lyalo bapailishi pantu pomwi abene Lefi bakeemikana ayi basengele coolwe bantu boonse. Lesa wakanyumfwa kusenga kwabo kwiculu uko nkwaakala akukukumbula.

Kulumbaisha 134:1

Amulumbaishe Mwaami Lesa, mwebo noonse nobasebenshi bakwe. Amumulumbaishe mwebo nomusebensa muŊanda yakwe mashiku.

Kulumbaisha 134:2

Amunyamune maansaanu mwiculu pakupaila muŊanda iyo isalalite akulumbaisha Mwaami Lesa.

Kulumbaisha 135:2

Amulumbaishe mwebo nomusebensa muŊanda ya Mwaami Lesa. Ee, mwebo nomusebensela mulubansa lwa Ŋanda yakwe Lesa wesu.

Jelemiya 15:19

Paceebo ceeco Mwaami Lesa wakaamba ayi, “Na upilukile kuli ndime, ndaakukutambula ayi ube musebenshi wangu alimwi. Na ucileeke kwaamba shitaaku mboshibete akutalika kwaamba sheelete, ulaakuba mulaluki wangu alimwi. Bantu aba balyeelete kupilukila kuli ndiwe, sombi webo tooelete kupilukila kuli mbabo.

Esekelo 44:11

Inga kabasebensa muŊanda yangu milimo ya mbuli kweendelesha minjililo ya kuŊanda yangu alimwi amilimo ya muli njiyo. Inga kabacaya shifubwa sha milambu yakutenta amilambu imwi ya bantu. Inga kabeemikana kunembo lya bantu akubasebesela.

Esekelo 44:15

Mwaami Lesa Shinkusu shoonse wakaamba ayi, “Bapailishi bene Lefi bamulunyungu lwakwe Sadoki balo bakatolelela kunsebensela cakushomeka muŊanda yangu, bene Isilaeli ndibakamfutatila. Paceebo ceeco balo mbweshi banoosena pafwaafwi anebo ayi bansebensele. Bapailishi abo mbweshi banoosa kunembo lyangu akubenga milambu ya mafuta alimwi abulowa kuli ndime.

Bene Lefi 8:9

Wakamufwalika cisani cakumutwi, kunembo wakabikako keela ka golodi ako kakalinga keshibilo kasalalite kakubengwa, kweelana aMwaami Lesa mbwaakaambila Mose.

Bene Lefi 9:22

Ono Aloni ndyaakamana kubenga milambu yoonse, wakatandabika maansaakwe pabantu akubapa coolwe, lyalo wakaswaawo.

Shakubelenga 3:31

Balo mulimo wabo wakalinga wakulama Libokoshi lya Cipangano, tebulu, cakubikawo malampi, shipaililo, shisebensesho isho bapailishi nshebakalinga kusebensesha muMusena Usalalite, alimwi acisani cakushitilisha pamulyango wa kuMusena Usalalite Wiindaawo. Nkokwaamba ayi bakapekwa milimo yoonse ikumite kushintu ishi.

Shakubelenga 3:6

“Leta mukowa wa bene Lefi akubapa mulimo wakucafwa Aloni mupailishi.

Shakubelenga 4:15

“Ono na nciindi cakulonga, Aloni abana bakwe basankwa baakumanisha kufweka shintu shisalalite ashintu sha nshisho shoonse, cipani cakwe Koati cilaakwisa mukushinyamuna. Sombi cipani taceelete kucata shintu shisalalite ishi, mukwiinga na bashicata inga bafwa. Anu iyi njemilimo ya cipani cakwe Koati lyoonse na ciindi cakulonsha Tente ya Cipangano cashikila.

Joni 15:16

Teshi ndimwe mwakansala, sobwe. Sombi ndime ndakamusala kwaamba ayi mukacate shisepo isho shitaloobi. Lyalo baTa balaakumupa cili coonse nceshi mukasenge muliina lyangu.

Milimo ya Batumwi 13:2

Ndibakalinga kupaila akulikasha kulya, Mushimu Usalashi wakabaambila ayi, “Amubenge Banabasi aSaulo kwaamba ayi bansebensele mulimo ngondakabasalila.”

Bene Loma 1:1

Ndime Paulo musebenshi wakwe Jesu Klistu. Lesa wakansala akunjita kwaamba ayi mbe mutumwi wakushimikila Makani Abotu aswa kuli nguwe.

Bene Loma 12:7

Na Lesa wakatupa cipo cakusebensa, atusebense. Na nkwiisha, tulyeelete kwiisha.

2 Bene Kolinto 6:17

Aboobo Lesa wakaamba ayi, “Amuswe pakati ka bakunsengwe, mwikale amwebo nweenka. Mutacati cintu citasalalite, lyalo ndaakumutambula.

Bene Galatiya 1:15

Sombi Lesa muluse lwakwe, wakansalilabo limwi kaantana kushalwa ayi nkamusebensele.

Dutolonomi 17:12

Uyo woonse weshi akanyanshe moomboloshi nabi mupailishi utoosebensa kunembo lya Mwaami Lesa, Lesa wanu ulyeelete kucaikwa. Munshila iyi mulaakukusha bubi ubu pakati ka bene Isilaeli.

Dutolonomi 18:5

ceebo Mwaami Lesa wakasala mbabo abamulunyungu lwabo pakati ka mishobo yanu yoonse ayi mbweshi banoosebensela nguwe mulimo wa bupailishi lyoonse alyoonse.

Dutolonomi 21:3

Lyalo bamaloba ba mumandabala ali pafwaafwi apaapo pakacanika muntu uyo, bakabwese mpwishi itana kusebensaawo.

Dutolonomi 21:5

Bapailishi bene Lefi abalo balyeelete kuya mukwiinga Mwaami Lesa, Lesa wanu wakabasala ayi banoosebensa mulimo wa bupailishi akunoopa coolwe muliina lyakwe alimwi akunokoombolosha milandu yakulwana abucayi yoonse.

Dutolonomi 31:9

Mpeeke Mose wakalemba Milawo yakwe Lesa akupa bene Lefi bapailishi abo bakalinga kulanga paLibokoshi lya Cipangano ca Mwaami Lesa, alimwi akupa bamatanjilili boonse ba bene Isilaeli.