Dutolonomi 10:20 - Baibo Busansulushi Bwa Libuku Ili

²⁰ Kamunyumfwila Mwaami Lesa, Lesa wanu alimwi kamulambilabo nguwe eenka. Kamushomeka akushomesha cakulumbila muliina lyakwebo.

Dutolonomi 10:20 ပူးပေါင်းရင်းမြစ်များ

2 Baami 18:6

Wakalinga kushomeka kuMwaami Lesa alimwi taakwe kusuulawo milawo iyo mwaami Lesa njaakapa Mose.

Kulumbaisha 63:11

Lakwe mwaami ulaakusangalala muli Lesa. Abalo abo bashomesha cakulumbila muliina lyakwe balaakumulumbaisha. Sombi milomo ya bantu babeshi ilaakucalwa.

Kulonga 20:7

“Utasebenseshi liina lyangu mushintu shitaluleme, mukwiinga nebo neMwaami Lesa, Lesa wanu ndaakupa mulandu muntu woonse weshi akabule kusebensesha kabotu liina lyangu.

Shikushimikila 12:13

Ono shoonse shanyumfwikwa. Anu meelelesho amakani oonse ngaaya: Kolemeka Lesa akukonkela milawo yakwe yoonse mukwiinga uyu ngomulimo woonse wakapekwa muntu.

Isaya 45:23

Ndashomesha cakulumbila muliina lyangu nemwiine. Mulomo wangu waamba cakushinisha, kwaamba maswi eshi akabule kusandulwaawo akwaamba ayi, ‘Linungo lya muntu woonse lilaakufukama kunembo lyangu alimwi mulomo wa muntu womwi awomwi ulaakunoolumbila muliina lyangu.’

Jelemiya 4:2

na kamulumbila cakushomeka, cabululami ee, cakubula kampenda ayi, ‘Bweenka mbocibete lushinisho ayi Mwaami Lesa ngumuumi,’ mishobo yoonse ilaakupekwa coolwe kuswa kuli ndime neMwaami Lesa. Ncakwiila boonse balaakunoosangalalila muli ndime.”

Mateyo 4:10

Lyalo Jesu wakamwaambila ayi, “Swaawo apa Satana! Ceebo kulilembetwe ayi, ‘Ulyeelete kulambila Mwaami Lesa, Lesa wako alimwi akusebenselabo nguwe.’ ”

Luka 4:8

Sombi Jesu wakamukumbula ayi, “Cililembetwe muMalembo akwe Lesa ayi, ‘Ulyeelete kulambila Mwaami Lesa wako alimwi akusebenselabo nguwe.’ ”

Milimo ya Batumwi 11:23

Ono ndyaakashika akubona Lesa mbwaakapa coolwe bantu abo, wakakondwa. Wakabayuminisha ayi batolelele kushoma muMwaami Jesu amyoyo yabo yoonse.

Bene Loma 12:9

Mulyeelete kuba alusuno lwalushinisho. Amupate bubi akusunisha kucita shintu shibotu.

Dutolonomi 11:22

“Amukonkele cakushomeka milawo yoonse njendamupa. Amusune Mwaami Lesa, Lesa wanu, amucite shoonse nshaamba, alimwi kamushomeka kuli nguwe.

Dutolonomi 13:4

Amukonkele Mwaami Lesa, Lesa wanu eenka akumulemeka, mumunyumfwile akulama milawo yakwe. Kamumulambila akushomeka kuli nguwe.

Dutolonomi 30:20

Ono amusune Mwaami Lesa, Lesa wanu, munoomunyumfwila alimwi akushomeka lyoonse kuli nguwe. Na munoocita boobo, mulaakwikala myaaka iinji mucishi ico ncaakashomesha cakulumbila kupa bamashali banu bakulukulu Abulaamu, Isaki alimwi aJakobo.”

Dutolonomi 4:4

Sombi mwebo nobamwi nomwakalinga kushomeka kuMwaami Lesa, Lesa wanu mucili boomi asunu.

Dutolonomi 5:11

“ ‘Utasebenseshi liina lyangu mushintu shitaluleme, mukwiinga nebo neMwaami Lesa, Lesa wanu ndaakupa mulandu muntu woonse weshi akabule kusebensesha kabotu liina lyangu.

Dutolonomi 5:29

Na lyoonse banooyeeya bobulya alimwi kabandemeka akukonkela milawo yangu yoonse, shintu shoonse inga kashibeendela kabotu pantu pomwi abamulunyungu lwabo, lyoonse alyoonse.

Dutolonomi 6:13

Mukanoolemeka Mwaami Lesa, Lesa wanu. Mukanoolambilabo nguwe eenka akunooshomesha shintu cakulumbila muliina lyakwe.

Joshuwa 23:7

kwaamba ayi mutakonkeli shicita mishobo imwi iyo njemucili ayo. Tamweelete kwaamba meena a balesa babo, kwaasebensesha pakushomesha cakulumbila, kubalambila nabi kubafukamina.

Joshuwa 23:8

Sombi mulyeelete kushomeka kuMwaami Lesa, Lesa wanu bweenka mbomwakalinga kwisule kushika asunu.

1 Samwelo 7:3

Mpeeke Samwelo wakaambila bantu ayi, “Na musandukile kuMwaami Lesa amyoyo yoonse, mutoosowa balesa beensu ashikoshanyo shakwe Ashitaloti lesa mwanakashi. Amulyaabe cakumaninina kuMwaami Lesa akulambilabo nguwe eenka. Lyalo ulaakumufuna kuswa munkusu sha bene Filisiti.”