Dutolonomi 10:14 - Baibo Busansulushi Bwa Libuku Ili

¹⁴ Liculu lili peculu pawoonse alyalo ndya Mwaami Lesa, cishi ca panshi acalo ncaakwe pantu pomwi ashintu shoonse shiliimo.

Dutolonomi 10:14 ပူးပေါင်းရင်းမြစ်များ

Matalikilo 14:19

Wakapa coolwe Abulamu akwaamba ayi, “Lesa wakwiculu Wiindaawo, uyo wakalenga liculu acishi ca panshi, ape coolwe Abulamu.

Matalikilo 14:22

Abulamu wakakumbula ayi, “Ndashinisha pameenso aMwaami Lesa wakwiculu Wiindaawo, mulengi wa liculu acishi ca panshi,

1 Baami 8:27

“Ono sa cilaamba ayi mwebo nobaLesa ndushinisho inga mwekala mucishi ca panshi? Sobwe, nabibo liculu lyaceyabo kulaale kwaamba ayi mwebo mukonshe kwikalaamo. Ino ono ŋanda njendamuyakila yakomena cabuyani kwaamba ayi mwebo mwikaaleemo?

2 Makani 6:18

“Ono sa cilaamba ayi mwebo nobaLesa ndushinisho inga mwekala mucishi ca panshi pakati ka bantu? Sobwe, nabibo liculu lyaceyabo kulaale kwaamba ayi mwebo mukonshe kwikalaamo. Ino ono ŋanda njendamuyakila yakomena cabuyani kwaamba ayi mwebo mwikaaleemo?

Neyemiya 9:6

Lyalo bene Isilaeli bakapaila ayi, “Mwebo noBaami baLesa, mwebo nweenka ndimwe Baami baLesa. Ndimwe mwakalenga liculu alimwi anyenyeenshi sha mwiculu. Ndimwe mwakalenga cishi ca panshi, lweenge ashoonse shiliimo. Ndimwe mupa buumi kushintu shoonse. Abaanjelo boonse balamulambila.

Jobo 41:11

Ngani ngondakabwesela cintu utoonsesa ayi mupilushishe? Shintu shoonse shili pacishi ca panshi nshaangu.

Kulumbaisha 115:16

Kwiculu kwiine nkwa Mwaami Lesa, sombi cishi ca panshi wakacipa kubantu

Kulumbaisha 148:4

Amumulumbaishe noliculu lya maculu, amwebo nomaanshi ali kwiculu.

Kulumbaisha 24:1

Cishi ca panshi ashoonse shiliimo nsha Mwaami Lesa. Nkokwaamba ayi cishi pantu pomwi abantu boonse bekaalaamo mbaakwe.

Kulumbaisha 50:12

“Niyalinga nsala yankola, naakwiinga nshisengi ndimwe cakulya mukwiinga cishi ashintu shoonse shili mumo nshaangu.

Kulumbaisha 68:33

Amumwiimbile uyo weendela muliculu likulukulu. Ngowooyo ululuma aliswi lyankusu.

Kulonga 19:5

Ono na munyumfwile akulama cipangano cangu, mulaakuba bantu bangu. Cishi ca panshi coonse ici ncaangu, sombi mwebo mulaakuba bantu bangu basalitwe.

Kulonga 9:29

Alakwe Mose wakamwaambila ayi, “Paciindi ceenka ico nceshi nswe mundabala inene ino, ntootambika maansaangu akupaila kuMwaami Lesa. Lyalo kukalooka kutoomana alimwi teshi kubewo mfula ya mabwe kwaamba ayi mwishibe ayi cishi ca panshi nca Mwaami Lesa.

Isaya 66:1

Mwaami Lesa waamba ayi, “Liculu ncecuuna cangu ca bwaami, acalo cishi ca panshi mpopakulyata myeendo. Ono ŋanda njeshi munjakile ili buyani? Ee, musena ngweshi nkanokookeshelamo ulaakubeta pali?

Milimo ya Batumwi 17:24

Lesa uyo wakalenga cishi ashintu shoonse shiliimo, ngoMwaami weendelesha kwiculu acishi ca panshi. Aboobo taakali mumaanda akayaka bantu, sobwe.

1 Bene Kolinto 10:26

Mbuli Malembo akwe Lesa mbwaamba ayi, “Cishi ca panshi ashoonse shiliimo nsha Mwaami Lesa.”

1 Bene Kolinto 10:28

Sombi na umwi muntu wakwaambila ayi, “Cakulya ici cakalinga capekwa kushibumbwabumbwa,” utacili ceebo ca wooyo wakulwiita alimwi acakupenshekwa amoyo.

2 Bene Kolinto 12:2

Ndishi musankwa umwi ushoma muli Klistu wabwesekwa akutolwa kwiculu kwiine. Pakeenda myaaka likumi ayone ici ndicakacitika. Nshishi na cakacitika cancinencine, na wakalinga kubonabo anga muciloto, Lesa eenkabo ngooshi.

Dutolonomi 10:13

alimwi akukonkela milawo amilasho yoonse njentoomupa sunu kwaamba ayi shintu shinoomweendela kabotu.

Dutolonomi 33:26

Nobene Isilaeli, taaku lesa umwi uli anga nguLesa wanu, uyo weendeenda mwiculu mubulemu bwakwe, uleendeenda mumakumbi ayi amucaafwe.