Dutolonomi 1:7 - Baibo Busansulushi Bwa Libuku Ili

⁷ Amumwaye misumba mutolelele lweendo. Amuye kucishi ca tulundu ca bene Amoli akumisena yoonse ishingulukite nkokwaamba ayi kucinyika ca Joodani, kucishi ca tulundu akumisena ikuneme, kumisena ya kumalenge alimwi akuloombe lwa Mediteleniyani. Mukashiike akucishi ca Kenani alimwi akwiindilila cakushika kutulundu twa Lebanoni akuMulonga unene wa Yufuletisi.

Dutolonomi 1:7 ပူးပေါင်းရင်းမြစ်များ

Matalikilo 12:9

Lyalo wakalinga kuya cituntulukatuntulukabo kuya kulubasu lwa kumalenge a Kenani.

2 Samwelo 8:3

Kuswawaawo Defedi wakakoma Adadesa mwanaakwe Lewobu, mwaami wa cishi ca Soba, Adadesa ndyaakalinga kuya mukuboosha cishi ca muya Mulonga wa Yufuletisi mumaansaakwe.

1 Makani 18:3

Kuswawaawo Defedi wakakoma Adadesa mwaami wa cishi ca Soba kushikila akuAmati, Adadesa ndyaakalinga kuya mukuboosha cishi ca muya Mulonga wa Yufuletisi mumaansaakwe.

1 Makani 27:29

Shitilayi wa kuShaloni wakalinga kweendelesha ŋombe shakalinga kulita kuShaloni. Shafati mwanaakwe Adilayi wakalinga kweendelesha ŋombe shakalinga kulita kushinyika.

1 Makani 5:9

Kulubasu lwa kwicwe bakaya mukwikala mucishi cakweela kwa luyanga ulo luya mukushika kuMulonga wa Yufuletisi mukwiinga shifubwa shabo shakafula mucishi ca Gilyadi.

Kulonga 23:31

Cishi canu cilaakutalikila kuLweenge Lusalala kushikila kuLweenge lwa Mediteleniyani, akuswa kuluyanga kushikila akuMulonga wa Yufuletisi. Ndaakumupa nkusu shakukoma beshi bakanooli mucishi ico, aboobo mulaakubatanda kunembo lyanu.

Amosi 2:9

“Nakubi boobo ndakanyonyoola bene Amoli ceebo cabo. Bene Amoli bakalinga balaamfu anga nshisamu sha sida, alimwi bayumu anga njimibanga. Ndakanyonyoola shisepo shabo akunyonyoola miyanda yabo panshi peene.

Shakubelenga 10:12

Mpeeke bene Isilaeli bakatalika lweendo lwabo lwakuswa muluyanga lwa Sinayi. Kuswawaawo likumbi lyakesa mukwiimikana muluyanga lwa Palani.

Dutolonomi 1:19

“Twakacita ico Mwaami Lesa, Lesa wesu ncaakatwaambila. Twakaswaawo paKalundu ka Sinayi akwiinda muluyanga lunene, luyoosha ndumwakabona nobeene kuya kucishi ca tulundu ca bene Amoli. Nditwakashika kuKadeshi Baniya,

Dutolonomi 11:11

Sombi ici ncemutooya mukwinjilaamo, ncishi ca tulundu ashinyika, alimwi ncishi cilokelwa kabotu mfula.

Dutolonomi 11:24

Mulaakukoma cishi cili coonse nceshi mukayeeko. Cishi canu cilaakutalikila kuluyanga lwa kumalenge akuya kutulundu twa Lebanoni kumatwa, alimwi kuswa kuMulonga wa Yufuletisi kwicwe kushikila kuLweenge lwa Mediteleniyani kumbo.

Joshuwa 1:4

Cishi canu cilaakuswa muluyanga kulubasu lwakumalenge akuya mukushika kutulundu twa Lebanoni kumatwa. Kuswa kuMulonga unene wa Yufuletisi kulubasu lwakwicwe, kuya mukwiinda mucishi ca bene Iti kushikila akulweenge lwa Mediteleniyani kulubasu lwakumbo.

Joshuwa 10:40

Ncakwiila Joshuwa wakakoma cishi coonse, kubikaawo acishi ca tulundu, Negefu, cishi ca tulundu tuniininiini twakumbo alimwi acishi ca munkunamo ya tulundu pantu pomwi abamaami ba nshisho. Taaku muntu nabi womwi wakapuluka. Wakanyonyoola bantu boonse kweelana abwakaamba Mwaami Lesa, Lesa wa bene Isilaeli.

Joshuwa 24:15

Ono na tamusuminite kusebenselabo Mwaami Lesa, amusale sunu nobeene uyo ngweshi munoosebensela, na mbalesa abo bakalinga kulambila bamashali banu bakulukulu mucishi ca Mesopotamya, nabi na mbalesa ba bene Amoli abo bene cishi ncemutekwikalaamo. Sombi nebo abamuŋanda yangu, tulanoosebenselabo Mwaami Lesa.”

Joshuwa 9:1

Ono bamaami boonse bakalinga kumbo lya Mulonga wa Joodani bakanyumfwa kukoma kwa bene Isilaeli. Bamaami abo bakalinga kwikala kucishi ca tulundu, munkunamo ya tulundu twakumbo alimwi amuloombe lwa Lweenge lwa Mediteleniyani kuya mukushika akuLebanoni. Bakalinga bamaami ba bene Iti, bene Amoli, bene Kenani, bene Pelisi, bene Ifi alimwi abene Jebusi.

Ciyubululo 9:14

Liswi ilyo lyakalinga lyakwaambila munjelo wasanu awomwi ayi, “Angulula baanjelo bone balya baangitwe kuMulonga unene wa Yufuletisi.”