Dutolonomi 1:44 - Baibo Busansulushi Bwa Libuku Ili

⁴⁴ Lyalo bene Amoli abo bakalinga kwikala mutulundu uto bakaswa anga ninsuki shiinji ayi bamulwaane. Bakamutandaanya kushika akuOma akumukoma mucishi ca tulundu ca Edomu.

Dutolonomi 1:44 ပူးပေါင်းရင်းမြစ်များ

Kulumbaisha 118:12

Bakambunganina anga ninsuki, sombi bakamana calubilo mbuli mulilo wa mabuba. Ncakwiila ndakabanyonyoola kwiinda munkusu sha Mwaami Lesa.

Isaya 7:18

“Bushiku ubo bwaakushikila, Mwaami Lesa ulaakulishila muloshi bene Ijipiti ayi bese kuswa kweela mulonga wa Nailo anga mbaloonshi, abalo bene Asilya ayi bese anga ninsuki.

Shakubelenga 14:45

Mpeeke bene Amaleki alimwi abene Kenani abo bakalinga kwikala kooko bakatalika kulwanaabo akubakoma. Kuswawaawo bakabatandaanya akwisa mukubashisha kundabala ya Oma.

Shakubelenga 21:3

Mwaami Lesa wakabanyumfwa akubacafwa ayi bakome bene Kenani. Aboobo bene Isilaeli bakabanyonywetabo limwi pantu pomwi amandabala abo. Mpeeke musena uyo wakatumbwa ayi Oma.

Dutolonomi 28:25

“Mwaami Lesa ulaakulengesha ayi balwani banu bakamukoome. Pakuya mukulwana ambabo mulaakupolela lubasu lomwi, sombi pakubacica mulaakumwaikabo. Lyalo bantu boonse mucishi ca panshi balaakuloonda abuumbi pakubona sheshi shikamucitikile.

Dutolonomi 32:30

Anu muntu womwi inga wakoma buyani bali cuulu, nabi bobilo kukoma bali shuulu likumi? Sa te nceebo cakwaamba ayi Mwaandami wabo wakabashiya beenka? Ndushinisho Mwaami Lesa, Lesa wabo wakabalekelesha.

Joshuwa 7:5

Bene Ai bakatandaanya bene Isilaeli kuswa paminjililo ya ndabala inene iyo akubashisha pamusena wakalinga kukabwa mabwe. Bakacaikwa kunkunamo ya kalundu, bakakumana mpashi 36. Mpeeke bene Isilaeli ndibakabona boobo, mushiso mwakaboolabo tontolo kuboowa.