Dutolonomi 1:2 - Baibo Busansulushi Bwa Libuku Ili

² Mushinso uli kuswa kuSinayi kushika kuKadeshi Baniya kwiinda ya Kalundu ka Siya, wakalinga kutola nshiku likumi abomwi.

Dutolonomi 1:2 ပူးပေါင်းရင်းမြစ်များ

Matalikilo 32:3

Jakobo wakatanjisha bantu kuli Esau mukwabo mumusena wa Siya mucishi ca Edomu ayi batole nkombe.

Kulonga 17:6

Nebo ntokwiimikana kunembo lyako kumwaandami wa kuKalundu ka Sinayi. Uume nkoli yako mumwaandami uyo, lyalo maanshi atooswa muli nguwo kwaamba ayi bantu banwe.” Aboobo Mose wakacita mbomunya ubo pameenso a bamatanjilili ba bene Isilaeli.

Kulonga 3:1

Bumwi bushiku, Mose wakalinga kweembela mbelele ampongo sha mupongoshi wakwe musankwa wiitwa ayi Jetulo, uyo wakalinga mupailishi wa kuMidyani. Mpeeke wakalansha litanga lya mbelele alimwi ampongo muluyanga tibili washika kuKalundu kasalalite kakwe Lesa ka Olebu.

Bene Lefi 2:14

Na mwaleta cipo ca shakulya shitaanshi nsheenga mwatebula kuli ndime neMwaami Lesa, mukape fulaulo shikangitwe nabi shakutwa.

Bene Lefi 9:23

Mpomunyaawo Mose aAloni bakenjila muTente ya Cipangano. Ndibakaswaamo, bakapa coolwe bantu, mpeeke bulemu bwa Mwaami Lesa bwakabonekela kubantu boonse.

Shakubelenga 13:26

kuli Mose, Aloni, alimwi abene Isilaeli boonse kuKadeshi muluyanga lwa Palani. Mpeeke bakaamba shoonse nshebakabona alimwi akubabonesha shisepo isho nshebakaleta kuswa kucishi ico.

Shakubelenga 32:8

Abalo bamashali banu bakulukulu mbobakacita ndindakabatuma kuswa kuKadeshi Baniya ayi baye mukubona cishi mbocibete.

Dutolonomi 1:19

“Twakacita ico Mwaami Lesa, Lesa wesu ncaakatwaambila. Twakaswaawo paKalundu ka Sinayi akwiinda muluyanga lunene, luyoosha ndumwakabona nobeene kuya kucishi ca tulundu ca bene Amoli. Nditwakashika kuKadeshi Baniya,

Dutolonomi 1:44

Lyalo bene Amoli abo bakalinga kwikala mutulundu uto bakaswa anga ninsuki shiinji ayi bamulwaane. Bakamutandaanya kushika akuOma akumukoma mucishi ca tulundu ca Edomu.

Dutolonomi 2:1

“Lyalo twakapiluluka akuya muluyanga munshila iya kuLweenge Lusalala bweenka Mwaami Lesa mbwaakaŋambila. Twakamana ciindi cilaamfu katwiingookabo mucishi ca tulundu ca Edomu.

Dutolonomi 2:4

Mpeeke wakandwiita ayi mupe milasho iyi yakwaamba ayi, ‘Muli pafwaafwi kwiinda mucishi ca bamakwabanu, bamulunyungu lwakwe Esau abo bali muEdomu. Batoomuloonda, sombi mucenjele.

Dutolonomi 2:8

“Aboobo twakatolelela kweenda akupambuka nshila iswa kundabala ya Elati aEsiongeba kuya kuLweenge lwa Mwiinyo. Lyalo twakalanga kwicwe lya kumatwa akutola nshila ya muluyanga iya kuMoabu.

Dutolonomi 9:23

KuKadeshi Baniya akwalo ndyaakamutuma ayi muye mubwese cishi ncaakamupa, mwebo mwakamwaalookila mukubula kumushoma nabi kumunyumfwila.

Joshuwa 14:6

Ono bamwi bamumukowa wakwe Juda bakaya kuli Joshuwa kuGilugala. Mpeeke Kalebu mwanaakwe Jefune mwine Kenisi wakamwaambila ayi, “Mulishi Mwaami Lesa mbwaakaambila Mose muntu wakwe kuKadeshi Baniya pali ndimwe anebo.