Dutolonomi 1:17 - Baibo Busansulushi Bwa Libuku Ili

¹⁷ Mutabi akasalulushi mukoombolosha kwanu. Bantu boonse, ulemekwa nabi utalemekwi, muboomboloshe mushobo womwi. Mutaloondi muntu nabi womwi, ceebo boomboloshi bwanu bulaswa kuli Lesa. Na kwaba mulandu weenga wayuma kuli ndimwe, inga mwauleta kuli ndime ndawoombolosha.’

Dutolonomi 1:17 ပူးပေါင်းရင်းမြစ်များ

Matalikilo 18:25

Ndushinisho teshi mucaye batacite milandu pantu pomwi abacite milandu. Tamukoonshi kucita boobo, ceebo na mwacita boobo, nkokwaamba ayi batacite milandu batootondeshekwa bukali pantu pomwi abacite milandu. Ono ico tacicitiki. Moomboloshi wa cishi coonse ulyeelete kucita shintu cabululami.”

2 Samwelo 14:14

Soonse tulyeelete kufwa. Ono nditufwa buumi bwesu bulababo anga ngamaanshi apukulwa atakonshaniki kuyolwa. Lesa lakwe taanyayi buumi, sombi ulalangoola nshila yakuboosha mwanaakwe kuswa mucishi ncaakalobokelaako.

2 Makani 19:5

Wakasala moomboloshi mundabala yomwi ayomwi paayo akalinga kucite malinga muJuda.

2 Makani 19:6

Wakabaambila ayi, “Kamucenjela pakoombolosha milandu mukwiinga tamutokoomboloshela muntu, sombi mutokoomboloshela Mwaami Lesa uyo uli amwebo pakoombolosha.

Jobo 31:34

Nshikwe kuloondawo shakalinga kwaamba bantu nabi kukutumanaawo akulicalila muŋanda mukwiinga wakuloonda kushibulukwa kuli mbabo.

Kulumbaisha 82:2

“Ino mulaakucileka lili kwiimikanina bataluleme akufuninina bantu babiibi?

Kulonga 18:18

Utoolilemyabo omwiine alimwi akulemyabo baabo bantu. Iyi ncito njinene abuumbi alimwi tooelete kwiisebensa weenka.

Kulonga 18:22

Alimwi balyeelete kuba boomboloshi ba bantu lyoonsebo. Lyalo inga kabaleta milandu iyumu kuli ndiwe, sombi balyeelete kunokoombolosha yeeyo yoonse iniini beene. Ici cilaakukuubilaako ceebo milimo njewalinga kucita weenka, balaakuyaabana.

Kulonga 18:26

Balo bakalingabo boomboloshi ba bantu lyoonse, kunootola milandu iyumu kuli Mose sombi kaboombolosha milandu iniini beene.

Tushimpi 18:5

Teshi cibotu kufuninina ucite mulandu, nabi kulengesha utacite mulandu kutoomboloshekwa cabululami.

Tushimpi 24:23

Utu ntushimpi atumwi twa basongo, Ncibiibi kuba akasalulushi pakoombolosha.

Tushimpi 28:21

Ncibiibi kuba akasalulushi, sombi muntu ulakonsha kubisha ceebobo cakuyanda kucana kakulya nakaceyi.

Tushimpi 29:25

Kuloonda muntu kuli anga nkoose, anu kubula cakulisukama nkucinkabo manungo muMwaami Lesa.

Jelemiya 1:17

“Ono libambile! Nyamuka uye ubalwiite shoonse nsheshi nkulwiite. Utabaloondi, sobwe ceebo nebo inga ndakulengesha kuba aboowa pameenso abo.

Bene Lefi 19:15

“Mulyeelete kushomeka akululika pakoombolosha. Mutabi akasalulushi kubantu bakandu nabi kuloonda babile.

Malaki 2:9

Aboobo, ndalengesha kwaamba ayi bantu boonse banoomunyansha akumuceesha mukwiinga tamukwe kukonkela kuyanda kwangu alimwi mukwiisha kwanu mulasalulula.”

Mateyo 22:16

Lyalo bakatuma bashikwiiya babo abantu bamwi bakwe Elodi kuli Jesu mukumwiipusha ayi, “Bafundishi, tulishi kwaamba ayi mwebo mulashomeka alimwi muleeisha maswi akwe Lesa calushinisho, bweenka mbuli mbwaabete. Tamulisukami amiyeeyo ya muntu mukwiinga tamusalululi.

Maako 12:14

Ndibakashika, bakeepusha Jesu ayi, “Bafundishi, tulishi kwaamba ayi mwebo mulashomeka alimwi mwebo tamukomwi amiyeeyo ya bantu. Tamusalululi, sombi muleeisha nshila yakwe Lesa calushinisho bweenka mbuli mboibete. Sa Milawo ilatusuminisha kupa musonko kuli Sisa muleli munene wa kuLoma, nabi tau?”

Luka 20:21

Bantu abo bakeepusha Jesu ayi, “Bafundishi, tulishi kwaamba ayi mulaamba akwiisha shiluleme. Tulishi kwaamba ayi mwebo tamusalululi, sombi muleeisha nshila yakwe Lesa calushinisho.

Bene Loma 2:11

Mukwiinga Lesa taasalululi.

Bene Efeso 6:9

Amwebo nobamaami, mucite bweenka ubo kubasha banu alimwi mutanoobakonga. Amwishibe kwaamba ayi balo alimwi amwebo, mulicitebo Mwaami womwi uli kwiculu utasalululi.

Dutolonomi 10:17

Mwaami Lesa, Lesa wanu nguLesa wa balesa, Mwaami wa baami, uleendaawo alimwi ngushinkusu, weelete kuloondwa. Taasalululi alimwi taatambuli makulo.

Dutolonomi 16:19

Tabeelete kutakonkela makani nabi kuba akasalulushi mukoombolosha kwabo, sobwe. Tabeelete kutambula makulo, mukwiinga makulo alalengesha buluya kubasongo boonse akusendeka maswi a baluleme.

Dutolonomi 24:17

“Kuteelesha kunyengelela baswamashi nabi bana banshiwa mumilandu. Alimwi taaku weelete kubwesa cakufwala ca mukalubinje mwanakashi ayi ncakushomesha kwaamba ayi ulaakuboosha nkongole.

Dutolonomi 25:1

“Ono na bene Isilaeli bobilo bapusana balyeelete kuya kunkuta. Lyalo boomboloshi balaakupa mulandu uyo wabisha akuleka wooyo utacite mulandu.

Bene Kolose 3:25

Sombi muntu woonse ucita shitaluleme, ulaakoomboloshekwa kweelana abubi bwakwe mukwiinga Lesa taasalululi.

1 Bene Tesalonika 2:4

Sombi lyoonse tulaamba ceeco cisuni Lesa mukwiinga wakasuminisha ayi tulyeelete kupekwa milimo yakushimikila Makani Abotu. Aboobo tatushimikili kwaamba ayi tukondeleshe bantu, sombi Lesa uyo usunka myoyo yesu.

Jemusi 2:9

Ono na mulasalulula ingayi mulabisha. Mulawo weenka uyu ulaakumushinina mbuli beshikusotoka Milawo yoonse.

1 Pita 1:17

Mulaamba ayi bamashali besu bakulukulu ndimupaila kuli Lesa. Aboobo amwiibaluke ayi uloombolosha kweelana amuntu nshaakacita alimwi taasalululi. Ono anu mulyeelete kuba abulemu kuli Lesa mubuumi bwanu boonse mbweshi mwikale mucishi ca panshi.

1 Samwelo 16:7

Nakubi boobo Mwaami Lesa wakaambila Samwelo ayi, “Utaboni mbwaaboneka nabi ciimo, mukwiinga nebo ndamukaka kuba mwaami. Nebo neMwaami Lesa nshilangilishi muntu pashintu shilangilisha bantu. Mukwiinga bantu balabonabo pansengwe, sombi nebo neMwaami Lesa ndabona mukati, ee, mwiine mumoyo.”

1 Samwelo 2:25

Muntu na wabishisha muntunyina, Lesa inga wamucafwa. Ono na muntu wabishisha Mwaami Lesa, ngani weenga wamwiimikanina?” Nakubi boobo tabakwe kunyumfwila baishiwabo ceebo Mwaami Lesa wakalinga wacibamba kale ayi bafwe.