Dutolonomi 1:11 - Baibo Busansulushi Bwa Libuku Ili

¹¹ Ono Mwaami Lesa wa bamashali banu bakulukulu, aamufuushe mankanda cuulu kwiinda mbomubete akumusumpula kweelana ambwaakashomesha!

Dutolonomi 1:11 ပူးပေါင်းရင်းမြစ်များ

Matalikilo 15:5

Mwaami Lesa wakatola Abulamu pansengwe akwaamba ayi, “Langilisha mwiculu alimwi weeleshe kubelenga nyenyeenshi. Ncakwiila ulaakuba abamulunyungu lwako baanji anga ninyenyeenshi.”

Matalikilo 22:17

Ndashomesha ayi ndaakukupa bamulunyungu lwako baanji anga ninyenyeenshi mwiculu nabi museese wa muloombe lwa lweenge. Bamulunyungu lwako balaakukoma beshinkondonyinaabo.

Matalikilo 26:4

Ndaakukupa bamulunyungu lwako baanji bweenka mboobona nyenyeenshi mwiculu, alimwi ndaakubapa cishi coonse ici. Ndaakupa coolwe mishobo yoonse pacishi ca panshi kwiinda mubamulunyungu lwako

Matalikilo 49:25

NguLesa wa baiso ukucafwa, Lesa Shinkusu shoonse ukupa shoolwe, shoolwe sha mfula kuswa kwiculu, alimwi asha maanshi aanji eshi kuswa panshi. Ulakupa shoolwe shakuba aŋombe shiinji alimwi abaana baanji,

2 Samwelo 24:3

Sombi Joabu wakatongookila mwaami Defedi ayi, “Mwaami Lesa, Lesa wanu aafushe bantu abo mankanda ali mwaanda kwiinda mbobabete bulya nobaami bangu kamuciliiwo. Ino ono nkambo nobaami bangu nceebonshi ncemusunini ayi bantu babelengwe?”

1 Makani 21:3

Sombi Joabu wakakumbula ayi, “Mwaami Lesa aafushe bene Isilaeli mankanda ali mwaanda kwiinda mbobabete bulya nobaami bangu kamuciliiwo. Nomulemekwa boonse mbasebenshi banu. Ino ono nceebonshi ncemusunini ayi bantu babelengwe akulengesha bene Isilaeli kuba amulandu?”

Kulumbaisha 115:14

Mwaami Lesa aamupe baana baanji, mwebo abamulunyungu lwanu.

Kulonga 32:13

Amwiibaluke basebenshi banu bene Abulaamu, Isaki alimwi aJakobo. Mwiibaluke cipangano ico ncemwakabakonkomesha ayi mulaakubapa bamulunyungu baanji mbuli nyenyeenshi mwiculu, alimwi ayi mulaakupa bamulunyungu babo cishi coonse ico ncemwakashomesha ayi cilaakunoolibo cinebo lyoonse alyoonse.”

Esekelo 16:7

Ndakakulengesha kukomena kabotu anga cishango ca mumuunda. Wakakomena waba ankusu akuba mooye wiindaawo kubota. Wakamena nkolo amisusu yakalaampa, nakubi boobo wakalinga kweendabo matakosha.

Shakubelenga 22:12

Sombi Lesa wakaambila Balaamu ayi, “Uteeleshi kuya abasankwa aba alimwi utashingani bene Isilaeli ceebo balicite coolwe.”

Shakubelenga 6:27

Lyalo Mwaami Lesa wakaamba ayi, “Na bakabande liina lyangu pakupa bene Isilaeli coolwe, ncakwiila ndaakubapa coolwe.”

Dutolonomi 1:10

Mwaami Lesa, Lesa wanu wamufusha anga ninyenyeenshi shili mwiculu.

Dutolonomi 1:12

Sombi nebo neenka inga ndakonsha buyani kucita mulimo wakumweendelesha akoombolosha tukani pakati kanu?

Dutolonomi 1:8

Ici coonse ncecishi nebo neMwaami Lesa ncendakashomesha kupa bamashali banu bakulukulu, Abulaamu, Isaki alimwi aJakobo pantu pomwi abamulunyungu lwabo. Kamuya mukekaleemo.’ ”

Dutolonomi 10:22

Bamashali banu bakulukulu ndibakaya kuIjipiti bakalingabo makumi osanwe aobilo. Sombi bulya Mwaami Lesa, Lesa wanu wamufusha anga ninyenyeenshi mwiculu.

Dutolonomi 28:62

Nacibi kwaamba ayi mwakalinga baanji anga ninyenyeenshi, mulaakucaalabo nongaye ceebo tamukwe kunyumfwila Mwaami Lesa, Lesa wanu.