Danyelo 9:3 - Baibo Busansulushi Bwa Libuku Ili

³ Mpeeke ndakapaila kuMwaami Lesa cakulyaaba, kumukombelela kwiinda mukulikasha kulya, kufwala masaka akwikala mumilota.

Danyelo 9:3 ပူးပေါင်းရင်းမြစ်များ

2 Samwelo 12:16

Defedi wakakombelela kuli Lesa ayi mwaana uyo abe kabotu. Wakalikasha kulya alimwi lyoonse mashiku wakalinga kunjila muŋanda yakwe akoona panshibo.

Esila 10:6

Mpomunyaawo Esila wakaswaako kunembo lya Ŋanda yakwe Lesa akuya mucipinda cakwe Jewoanani mwanaakwe Eliyashibu. Ciindi ndyaakalinga momulya, taakwe kulya cakulya nabi kunwaawo cili coonse ceebo wakatolelela kulila pakubisha kwa bantu abo bakaswa mucishi ca busha.

Esila 8:21

Ono kulya kuMulonga wa Aafa ndakapa mulawo wakwaamba ayi soonse tulikaashe kulya alimwi akuliceesha pameenso a Lesa wesu, kumusenga kututanjilila mulweendo lwesu alimwi akutufuna swebo abana besu pantu pomwi ashintu shesu shoonse.

Esila 9:5

“Ono ciindi ca mulambu wa macolesha ndicakashikila, ndakanyamuka apo mpondakalinga kushiite, kaancifwete shakufwala shangu shikwamukite, ndakafukama akutambika maansaangu kwiculu kuMwaami Lesa, Lesa wangu.

Neyemiya 9:1

Pabushiku bwamakumi obilo anshiiku shone mumweenshi weenka uyo, bene Isilaeli bakabungana akulikasha kulya, kabafwete masaka akulibika lusuko pamitwi kutondesha buumba.

Esita 4:16

“Kamuya mukabunganye baJuda boonse bali muSusa, mulikaashe kulya akumpaililaako. Mutakali nabi kunwa cintu cili coonse kwanshiku shili shotatwe. Nebo alimwi abasebenshi bangu banakashi tulaakunoocita bweenka ubo. Kuswawaawo ndaakuya kumwaami nabi mulawo ulakasha. Na cilaamba kufwa, ankafwebo!”

Jobo 42:6

Aboobo ndicite nsoni abuumbi pamakani ngondakaamba, Ndasanduka kuswa kushibiibi shangu akwalabangana mulusuko amumilota.”

Kulumbaisha 35:13

Sombi ciindi ndibakaciswa ndakafwala masaka. Ndakalikasha kulya, akupaila mutwi wangu kookontyamikitwe,

Isaya 22:12

Mwaami Lesa, ee, Mwaami Lesa Shinkusu shoonse wakamwiita pabushiku ubo ayi mulile cakooloma amibila. Wakamwiita ayi mukulule misusu yanu akufwala masaka kutondesha buumba.

Jelemiya 33:3

“Ndilile, anebo ndaakukukumbula. Lyalo ndaakukulwiita shintu shibotu alimwi shikankamika isho nshooteshiiwo.

Esekelo 36:37

Mwaami Lesa Shinkusu shoonse waamba ayi, “Ndaakunyumfwa kusenga kwa bene Isilaeli akubacafwa. Ndaakubafusha anga nimbelele,

Danyelo 6:10

Danyelo ndyaakanyumfwa ayi mwaami wapanga mulawo uyo, wakenjila mucipinda ca peculu ca ŋanda yakwe apo pakalinga mbwelyo yakalinga kulangite kundabala ya Jelusalemu. Wakalinga kufukama mankanda otatwe pabushiku akupaila mukulumba Lesa wakwe bweenka mbwaakalinga kucita kuswabo kalekale.

Danyelo 9:2

Mumwaaka wakutaanguna wa bwaami bwakwe, nebo neDanyelo ndakalinga kubelenga Malembo akwe Lesa akuyeeya shamyaaka ili 70 iyo ndabala ya Jelusalemu njeshi ikanooli matongo, kweelana aMwaami Lesa mbwaakalwiita Jelemiya mulaluki.

Danyelo 9:20

Ndakatolelela kupaila, kaandyaambilila shibiibi shangu ashibiibi sha bene misheesu bene Isilaeli akukombelela Mwaami Lesa, Lesa wangu kwaamba ayi alengeshe Ŋanda yakwe kutalika kusebenseshekwa alimwi.

Danyelo 9:4

Ndakapaila kuMwaami Lesa, Lesa wangu akulyaambilila shibiibi sha bene misheesu ayi, “NoBaami baLesa, mulicite nkusu alimwi tulamulemeka. Mulashomeka kucipangano canu alimwi mulatondesha lusuno lwanu lutamaani kubaabo bamusuni alimwi banyumfwila milawo yanu.

Jowelo 1:13

Amufwale masaka akutalika kulila, mwebo nobapailishi nomusebensela kushipaililo! Amuceshe kulila kamufwete masaka mwebo nomusebensela pameenso a Mwaami Lesa wangu ceebo shipo shafulaulo asha cakunwa teshi shinoobonekawo muŊanda yakwe.

Jowelo 2:12

Mwaami Lesa waamba ayi, “Nabi pacecino ciindi amusanduke kuswa kushibiibi shanu mwise kuli ndime amyoyo yanu yoonse, mukulikasha kulya, mukulila amukuungumana.”

Jona 3:5

Bene Ninife bakashoma makani ayo akwe Lesa. Lyalo bakasuminishanya kulikasha kulya, kuswa kubamanene abanike, boonse bakafwala masaka kubonesha ayi basanduka kuswa kushibiibi shabo.

Mateyo 17:21

Taaku acimwi nceenga cakusha shikaswa wa mushobo uyu, sombibo mipailo akulikasha kulya.”]

Luka 2:37

Paciindi ico wakalinga kucite myaaka makumi osanwe aotatwe alimwi ayone. Ciindi coonse ici wakalinga kuya kuŋanda yakwe Lesa. Wakalinga kupaila kuli Lesa mashiku amalumwi alimwi wakalinga kuba aciindi cakulikasha kulya.

Milimo ya Batumwi 10:30

Konelyasi wakakumbula ayi, “Inabwa paciindi ceenka cino ca 3 koloko malumwi, ndakalinga muŋanda yangu kaampaila. Mpomunyaawo ndakabona musankwa wakalinga kufwete shakufwala shibekabeka kaaimfwi kunembo lyangu.