Danyelo 8:9 - Baibo Busansulushi Bwa Libuku Ili

⁹ Pakati ka meeca one ayo, kuliica lyomwi kwakamena liica limwi. Nkusu sha liica ilyo lyakamena shakamwaikila kumalenge, kwicwe alimwi akucishi cibotu.

Danyelo 8:9 ပူးပေါင်းရင်းမြစ်များ

Kulumbaisha 105:24

Mwaami Lesa wakalengesha bantu bakwe kushalana. Wakabalengesha kufula kwiinda balwani babo,

Kulumbaisha 48:2

Siyoni, kalundu kakwe Lesa kasalalite nkalaamfu cakweebeleka. Nindabala inene ya Mwaami Shinkusu iyo isangalasha cishi ca panshi coonse.

Jelemiya 3:19

Mwaami Lesa waamba ayi, “Ndakalinga kukondetwe abuumbi kunoomulama anga mbana bangu. Ndakakondwa kumupa cishi cikondelesha, ee, cishi ciindaawo kubota mucishi coonse ca panshi. Ndakalinga kusuni ayi munoonjita ayi, ‘Ta,’ cakubula kumfutatilawo tubili.

Esekelo 20:15

Ndakashomesha cakulumbila kuli mbabo kaantambikite lyaansa mwiculu kabali muluyanga kwaamba ayi teshi nkabatole mucishi ico ncendakabashomesha. Nkokwaamba ayi cishi umo muli bubile abulongo bubotu ico ciinda cishi cimwi cili coonse kubota.

Esekelo 20:6

Pabushiku ubo ndakashomesha cakulumbila kuli mbabo ayi ndaakubakusha mucishi ca Ijipiti akubatola kucishi ico ncendakabasalila, cishi umo muli bubile abulongo bubotu ico ciinda cishi cimwi cili coonse kubota.

Danyelo 11:16

Mwaami wa bene Silya uyo weshi akabalwaane ulaakucita cili coonse ncaasuni. Taaku muntu nabi womwi weshi akakonshe kumulwana. Ulaakwikala muCishi Cakashomeshekwa alimwi cishi ico coonse kacili mumaansaakwe.

Danyelo 11:21

Munjelo uyo wakatolelela kusansulula ayi, “Bwaami bwakwe bulaakupyanikwa amuntu uteelete kuba mwaami. Muntu uyo ulaakulwana bulelo ubo bantu boonse ba mumo kabaliibite alimwi ulaakuba mwaami kwiinda mububeshi.

Danyelo 7:8

Ndindakalinga kuyeeya pameeca ayo, ndakabona kaliica kaniini kakaswa pakati ka meeca amwi. Pakuswa kakatupula meeca amwi otatwe ayo akalingaawo kale. Kaliica ako kakalinga kucite meenso a muntu amulomo wakalinga kwaamba cakulisumpula.

Sekaliya 7:14

Lyalo bucita cipuupu ndakaboolulushila mushishi sha baswamashi. Munshila iyo cishi cino cibotu cakashiikwabo akuba matongo kwakubula awiindaamo.”