Danyelo 8:4 - Baibo Busansulushi Bwa Libuku Ili

⁴ Ndakeebela mbelele isankwa iyo keetatukila banyama bamwi kumbo, kumatwa alimwi akumalenge. Taaku munyama wakalinga kukonsha kuyiimika nabi kufuna umwi kuswa munkusu sha njiyo. Yakalinga kucitabo kulilabo nceensuni akuba abulemu.

Danyelo 8:4 ပူးပေါင်းရင်းမြစ်များ

1 Baami 22:11

Mulaluki umwi Sedekiya mwanaakwe Kenaana wakapanga meeca anshimbi akulwiita Aabu ayi, “Mwaami Lesa waamba ayi, ‘Ici nceshi mukalwanisheeko bene Silya akubakoma.’ ”

Jobo 10:7

Mulishi kwaamba ayi nshicite mulandu alimwi taaku ukonsha kumfuna kuswa mumaansaanu.

Kulumbaisha 44:5

Kwiinda muli ndimwe balwani besu balaboola pesule kuboowa. Kwiinda muliina lyanu tulakoma balwani besu cakumaninina.

Kulumbaisha 50:22

“Amukutike ono mwebo nomumbikila minsuula, kwaamba ayi ntamunyonyooli, lyalo taaku eshi akamufune!

Kulumbaisha 7:2

kwaamba ayi batankwamooni bucita nkalamu, akunsutoola mutupanshapansha kwakubula aumfuna.

Esekelo 34:21

Mwakalinga kuyasa shilwashi ameeca anu tibili mwashitanda mulitanga.

Danyelo 11:16

Mwaami wa bene Silya uyo weshi akabalwaane ulaakucita cili coonse ncaasuni. Taaku muntu nabi womwi weshi akakonshe kumulwana. Ulaakwikala muCishi Cakashomeshekwa alimwi cishi ico coonse kacili mumaansaakwe.

Danyelo 11:36

“Mwaami wa bene Silya ulaakucita cili coonse ncaasuni. Ulaakulisumpula akulipa bulemu kwiinda pabalesa boonse alimwi ulaakucobola aLesa Wiindaawo pabalesa boonse. Ulaakucita boobo kushikila ciindi ca bukali bakwe Lesa cikeende mukwiinga Lesa ulaakucita ceenka ico ncaakayeeya.

Danyelo 5:19

Ono ceebo cakwaamba ayi wakabasumpula abuumbi, bantu ba mumishobo yoonse, bashikanda shipusenepusene abamumilaka yoonse bakalinga kubaloonda akubalemeka. Bashali banu abo bakalinga kucaya muntu uli woonse ngweenga kabasuni kucaya. Bakalinga kulekelela muntu uli woonse ngweenga kabasuni kulekelela. Bakalinga kusumpula uli woonse ngweenga kabasuni kusumpula alimwi bakalinga kubombya uli woonse ngweenga kabasuni kubombya.

Danyelo 5:30

Mashiku eenka ayo Beloshasa mwaami wa bene Babiloni wakacaikwa.

Danyelo 7:5

“Munyama wabili wakalinga kuboneka anga ngubeya kaaimfwi amyeendo yakwisule. Munyama uyo wakalinga kucatite mapinga otatwe mumeeno akwe. Ono liswi lyakamwaambila ayi, ‘Tolelela kulya nyama iinji tibili ukute.’

Danyelo 8:7

Ndakeebela mpongo iyo ndiyakalwana mbelele isankwa iyo. Mpongo iyo yakalinga kukalalite abuumbi cakwaamba ayi yakapunka mbelele iyo akutyoloola meeca a njiyo obilo. Kuswawaawo mbelele yakabula nkusu shakwiilwana. Mpongo iyo yakashindikila mbelele iyo panshi akwiilyatoola. Taaku wakalinga kukonsha kwiifuna kunkusu sha mpongo.

Mika 5:8

Abo beshibakacaaleewo pabamulunyungu lwakwe Jakobo, pakati ka mishobo iinji ya bantu, balaakuba anga ninkalamu ili pakati ka banyama bamuluundu. Balaakuba anga nkana ka nkalamu pakati ka mbelele ako kafwampila akukwamoona mbelele pakuya bweenda. Sombi taaku weenga wafuna mbelele isho.

Dutolonomi 33:17

Josefu ulicite nkusu anga ngumucende alimwi ameeca ali anga nga nyaati. Meeca akwe mbamulunyungu lwakwe Manase abo bali shuulu ashuulu, abamulunyungu lwakwe Efuleemu abo bali shuulu likumi. Meeca aya ulayasishaako mishobo imwi akubashindikila kweela cishi ca panshi.”