Danyelo 8:23 - Baibo Busansulushi Bwa Libuku Ili

²³ “Meelelesho a malelo ayo aakushika pafwaafwi alimwi malelo ayo akuba abubi buunji cakwaamba ayi alyeelete kupekwa mulandu, kulaakuba mwaami shicimpamya, shilunkutwe alimwi mubeshi.

Danyelo 8:23 ပူးပေါင်းရင်းမြစ်များ

Matalikilo 15:16

Palaakwiinda myaaka ili 400 kwaamba ayi bamulunyungu lwako bese mucishi cino, ceebo bene Amoli teshi nkabatandeemo kabatana kuba bamucita shibi beelete kutondeshekwa bukali.”

Tushimpi 1:6

kwaamba ayi banyumfwishe tushimpi ashikoshanyo alimwi akunyumfwisha myaambo atulabi twa basongo.

Esekelo 38:16

Mulaakulwana bantu bangu bene Isilaeli anga ndikumbi lyafwekelesha cishi. Ciindi ico caakushika, webo Gogi, ndaakukutuma kuya mukulwana cishi cangu kwaamba ayi mishobo imwi ikanshiibe. Ndaakutondesha ayi ndisalalite pameenso abo kwiinda muli ndiwe.

Esekelo 38:8

Paakwiinda nshiku shiinji mulaakwiitwa kuya kunkondo. Mumyaaka itoosa mulaakuya mukulwana cishi ca bantu batokookesha kuswa kunkondo. Ico ncishi ca bantu bakabunganishikwa kuswa pakati ka mishobo iinji kuya kutulundu twa Isilaeli uto twatalinga kucite bantu kwaciindi cilaamfu. Bantu aba bakakushikwa pakati ka mishobo imwi, bulya boonse balishiite kwakubula cakulisukama.

Danyelo 10:14

Ono ndesa mukukulengesha kunyumfwisha ceshi cikacitike kubene mishaanu kunembo. Ici ncili anga nciloto caamba pashintu sheshi shikacitike kunembo.”

Danyelo 11:21

Munjelo uyo wakatolelela kusansulula ayi, “Bwaami bwakwe bulaakupyanikwa amuntu uteelete kuba mwaami. Muntu uyo ulaakulwana bulelo ubo bantu boonse ba mumo kabaliibite alimwi ulaakuba mwaami kwiinda mububeshi.

Danyelo 11:24

Kuswawaawo ulaakulwana shishi shicite bubile buunji kashiliibite alimwi ulaakukonsha kucita shintu isho baishi nabi bamashali bakwe bakulukulu nshebatakwe kucitaawo. Lyalo ulaakubaanya buboni ubo mbweshi akasaale munkondo kubantu bakwe. Pesule ulaakupanga muyeeyo wakukonsha kulwana mandabala acite malinga, sombi cilaakucitikabo kwaciindi ciniini.

Danyelo 7:11

“Ndakatolelela kweebela ceebo ca maswi akulisumpula akalinga kwaamba kaliica kaniini. Kaanjebela munyama uyo wakacaikwa akuwaalwa mumulilo utoonyaka tibili wanyonyoolwa.

Danyelo 7:20

Peculu lya waawo ndakalinga kusuni kwishiba shameeca likumi ayo akalinga pamutwi wakwe alimwi ashakaliica ako kakaswa pesule akutupula meeca amwi otatwe. Ee, ndakalinga kusuni kwishiba shakaliica, ako kakalinga kucite meenso a muntu amulomo wakalinga kwaamba cakulisumpula, ako kakalinga kuloondesha kwiinda meeca amwi oonse.

Danyelo 7:25

Mwaami uyo ulaakunokwaamba shintu shakulwana Lesa wa kwiculu Wiindaawo akupensha bantu bakwe Lesa. Ulaakweelesha kusandula nshiku shakusekelela shibambitwe alimwi aMilawo yakwe Lesa. Bantu basalalite bakwe Lesa balaakuba mumaansaakwe kwamyaaka yotatwe amusa.

Danyelo 7:8

Ndindakalinga kuyeeya pameeca ayo, ndakabona kaliica kaniini kakaswa pakati ka meeca amwi. Pakuswa kakatupula meeca amwi otatwe ayo akalingaawo kale. Kaliica ako kakalinga kucite meenso a muntu amulomo wakalinga kwaamba cakulisumpula.

Danyelo 8:22

Meeca one ayo akaswa liica lyakutaanguna ndilyakatyolwa, aleemikanina malelo one eshi akaswe mumushobo wa mwaami uyo. Sombi malelo ayo teshi akabe ankusu sheelene abulelo bwakutaanguna.

Danyelo 8:24

Ulaakuba abulemu, sombi kuteshi kwiinda munkusu shakwe mwiine. Ulaakulengesha kunyonyooka kuyoosha akuswitilila mushintu shoonse nsheshi akacite. Ulaakunyonyoola beshinkusu alimwi abantu bakwe Lesa.

Danyelo 8:25

Ono ceebo cakwaamba ayi ulaakunoocenjete abuumbi, ulaakuswitilila munshila shakwe shakubeca. Ulaakulisumpula akunyonyoola bantu baanji cakutabacenjesha. Ulaakunyansha aMuleli wa baleli boonse, sombi ulaakunyonyoolwa cakubula kusebenseshawo nkusu shabuntu.

Shakubelenga 24:24

Balwani balaakuswita kuSaipulasi amaato. Balaakukoma Asilya alimwi aEba, sombi abalo balaakulobelela limwi.”

Mateyo 23:32

Anu amutolelele, mumanishe mulimo wakatalika bamashali banu bakulukulu!

Dutolonomi 28:50

Balaakunooli bakali alimwi batacite nkumbu kubacembele nabi banike boonse.

1 Bene Tesalonika 2:16

Bakeelesha kutukasha kushimikila Makani Abotu kubaswamashi bakunsengwe ayo Lesa ngweenga wabapulushishaamo. Paceebo ceeco balibunjikila shibiibi shabo shoonse, cakwaamba ayi bulya bukali bwakwe Lesa bwabashikila.

1 Timoti 4:1

Ncakwiila Mushimu Usalashi ulaamba patuba ayi munshiku shitoosa bamwi balaakushiya lushomo. Balaakutalika kunookonkela mishimu ibeshi akwiisha kwa bashikaswa.

Ciyubululo 19:20

Munyama uyo wakacatwa pantu pomwi amulaluki mubeshi uyo wakalinga kucita shaankamiko ceebo ca nguwe. Kwiinda mushaankamiko nshemunya ishi, wakacenjeeka bantu abo bakalinga kucite keshibilo ka munyama alimwi abaabo balambila cibumbwabumbwa cakwe. Mpeeke munyama uyo alimwi amulaluki mubeshi, bakawaalwa mulweenge lwa mulilo uyo unyaka asalufa, kabalasha.