Danyelo 8:18 - Baibo Busansulushi Bwa Libuku Ili

¹⁸ Kaacaamba kuli ndime, ndakalinga kuwisukite panshi apo mpondakalinga kulete cakufubama. Mpeeke lakwe wakancata akunjimika.

Danyelo 8:18 ပူးပေါင်းရင်းမြစ်များ

Matalikilo 15:12

Lisuba ndilyakalinga kuya cipila, Abulamu wakoona mutulo. Mpeeke munshinshe ulemu alimwi uyoosha wakesa pali nguwe.

Jobo 4:13

Ishi shakacitika ciindi ndindalinga kulota mashiku, ciindi bantu ndiboona twakufwa akutalika kulota.

Esekelo 2:2

Kaacaamba, Mushimu wakwe Lesa wakenjila muli ndime akunengesha kwiimikana. Lyalo ndakamunyumfwa kaabandika kuli ndime.

Danyelo 10:16

Lyalo munjelo uyo wakalinga kuboneka anga ngumuntu, wakatambika lyaansa lyakwe akunkumya kumilomo, lyalo ndakatalika kwaamba. Mpomunyaawo ndakamwaambila, “Nkambo, cili anga nciloto ici canengesha kubula nkusu abuumbi, aboobo nshikoonshi kucileka kututuma.

Danyelo 10:18

Mpeeke munjelo uyo wakancata alimwi, lyalo nkusu shangu shakaboolaamo.

Danyelo 8:17

Mpomunyaawo Gabuliyelo wakesa weemikana kulubasu lwangu, sombi ndakaloonda abuumbi cakwaamba ayi ndakawita panshi. Mpeeke wakandwiita ayi, “Webo omuntu, kutika ncecaamba cili anga nciloto ici. Citokwaamba kuciindi ca kumeelelesho acishi ca panshi.”

Danyelo 8:27

Nebo neDanyelo mubili wakatyolooka abuumbi akuciswa kwanshiku shiinji. Lyalo ndakanyamuka akuboola kumulimo uyo wakampa mwaami. Sombi cili anga nciloto ico cakampensha abuumbi mumoyo alimwi ndakaalilwa kucinyumfwisha.

Sekaliya 4:1

Mpomunyaawo munjelo ulya wakalinga kubandika anebo, wakesa alimwi kuli ndime akumbusha anga ndalinga kulete.

Luka 22:45

Ndyaakaswa mukupaila wakaboolela kubashikwiiya bakwe botatwe abo akucana balilete ceebo bakalinga kulemete abuumbi kubuumba.

Luka 9:32

Pita abaabo mbaakalingaabo bakanyumfwa tulo, mpeeke ndibakapapuka bakabona bulemu bwakwe Jesu abantu bobilo kabeemfwi anguwe.

Milimo ya Batumwi 26:6

Ono sunu ndiimfwi papano mpoontokoomboloshekwa ceebo ca kulangila ceeco ncaakashomesha Lesa kubamashali besu bakulukulu.

Ciyubululo 1:17

Ndindakamubona, ndakawita muliimfwa lyakwe akuboolabo anga ngumuntu ufwite. Sombi wakambika lyaansa lyakwe lyalulyo akwaamba ayi, “Utaloondi! Nebo ndime Matalikilo alimwi aMamanino.