Danyelo 8:13 - Baibo Busansulushi Bwa Libuku Ili

¹³ Lyalo ndakanyumfwa usalalite umwi kaamba aumwi usalalite wakamwaambila ayi, “Citooba ciindi cilaamfu buyani cili anga nciloto ici kacitana kucitika cancinencine? Citooba ciindi cilaamfu buyani bubi ubo bulensha bunya kabushinkila kubengwa kwa milambu ya bushiku abushiku? Citooba ciindi cilaamfu buyani likoto lya nyenyeenshi sha kwiculu kalilyatililwa pantu pomwi aŊanda yakwe Lesa?”

Danyelo 8:13 ပူးပေါင်းရင်းမြစ်များ

Kulumbaisha 74:10

NobaLesa, citooba ciindi cilaamfu buyani balwani banu kabamuseka? Sa bananoocobola liina lyanu kwalyoonse?

Kulumbaisha 74:9

Shaankamiko shoonse shamana. Taaku balaluki bakacaalaawo. Taaku nabi womwi ushi nkweshi cikeele ici.

Kulumbaisha 79:5

NoBaami baLesa, sa munanookalalitebo kwalyoonse alyoonse? Citooba ciindi cilaamfu buyani busuba bwanu kabunyaka anga ngumulilo?

Isaya 28:18

Cipangano canu alufu cilaakubula nkusu, ncakwiila kusuminishanya kwanu amusena wa bafu kulaakumana ncito. Shiyoosha shaakumupolela, shilaakumana kumulobya.

Isaya 6:11

Mpeeke ndakeepusha ayi, “Kwaciindi cilaamfu buyani noBaami baLesa?” Alakwe wakakumbula ayi, “Kushikila mandabala anene oonse anyonyoolwe akubula ukalaamo. Kushikila maandaabo acaalebo kwakubula amuntu uliimo. Ee, kushikila myuunda yabo ikacaale matongo akushinka.

Isaya 63:18

Kwaciindi ciniini musena wanu usalalite wakalinga mumaansaanu sombi bulya balwani banu balyatoola musena wanu uyo.

Isaya 9:6

Ceebo mwaana washalwa pakati kesu, ee, twapekwa mwaana musankwa. Bweendeleshi boonse bulaakuba mumaansaakwe. Liina lyakwe unanokwiitwa ayi, “Shikupanda maano Mubotu,” “Lesa Shinkusu shoonse,” “Mushali musankwa wamuyayaya,” alimwi ayi, “Mwaami wa Luumuno.”

Jelemiya 12:10

Bamatanjilili baanji bakanyonyoola muunda wangu wa minyansa. Bakalyatoola mumuunda wangu ubotu akuulengesha kuba luundu lutacite ncito.

Danyelo 11:31

Bashilumamba bakwe bamwi beshi bakanoocite shilwanisho balaakuya mukulengesha Ŋanda yakwe Lesa kutanoosalalite. Balaakukasha akubenga milambu ya bushiku abushiku. Mpeeke balaakwiimika Cintu cilya Ciloondesha.

Danyelo 12:11

“Kuswa paciindi ico kubenga milambu ya bushiku abushiku yaakukashikwa kushikila paciindi Cintu cilya Ciloondesha ndyeshi cikeemikwe, palaakwiinda nshiku shili 1,290

Danyelo 12:8

Ndakanyumfwa nshaakaamba, sombi nshikwe kushinyumfwisha. Mpeeke ndakeepusha ayi, “Nkambo, anu shintu shoonse ishi shilaakweela buyani.”

Danyelo 4:10

“Ndindakalinga kulete ndakabona cisamu cilaamfu abuumbi pakati ka cishi ca panshi mucili anga nciloto.

Danyelo 4:13

“Ono kaanciyeeya pacili anga nciloto ico, ndakabona shinkombe usalalite keesa kuswa kwiculu.

Danyelo 4:23

“Nobaami, mwebo mwakabona shinkombe usalalite keesa kuswa kwiculu akwaamba ayi, ‘Amutimbule cisamu ico akucinyonyoola. Sombi mushiye cishiki panshi kacaangitwe ncetani ya nshimbi abulonse. Mucileeke cinoolibo muluundu, mubwiisu amiyanda ya ncico keeli mubulongo. Mume aulokele pali nguwe, eekale anga mbanyama bamuluundu kushikila myaaka yosanwe amyaaka yobilo ikeende.’

Danyelo 7:16

Mpeeke ndakaya kumuntu womwi pabaabo bakalinga kwiimfwi kunembo pamusena uyo akumwiipusha bwaamba shintu isho. Lyalo wakansansulwita mboshaamba.

Danyelo 7:23

“Wakansansulwita ayi, ‘Munyama wane uyo uleemikanina bulelo bwane ubo bweshi bukabe mucishi ca panshi alimwi bweshi bukapusaneeko amalelo amwi. Bulaakupwayoola cishi coonse ca panshi akucilyatoola.

Danyelo 9:27

Muleli uyo ulaakuba acipangano ciyumu abantu baanji kwamyaaka ili 7. Musa wa ciindi ico waakwiinda, ulaakukasha kubenga milambu akupa shipo. Mpeeke ulaakubika Cintu cilya Ciloondesha pakansunswa ka ciluli ca Ŋanda yakwe Lesa alimwi cilaakunooli waawo kushikila uyo wakacibikaawo akanyonyoolwe kweelana akubamba kwakwe Lesa.”

Sekaliya 1:19

Ndakeepusha munjelo uyo wakalinga kubandika anebo ayi, “Ino meeca aya alaambanshi?” Alakwe wakankumbula ayi, “Atokwiimikanina shishi shankusu isho shakapalanganya bene Juda, bene Isilaeli alimwi abene Jelusalemu.”

Sekaliya 14:5

Lyalo mwebo mulaakuloboka akwiinda mucinyika ceenka ico ceebo cilaakuya mukushika akuAselo. Mulaakucica bweenka mbomwakacica ciindi cilya citentanshi ndicakacitika mubwaami bwakwe Usiya mwaami wa bene Juda. Kuswawaawo Mwaami Lesa ulaakwisa pantu pomwi abasalalite bakwe boonse.

Mateyo 11:27

“BaTa bakabika shintu shoonse mumaansaangu. Taaku muntu ushi Mwaana, sombi baTa beenka. Taaku muntu ushi baTa, sombi Mwaana eenka alimwi awooyo Mwaana ngwaasala ayi ayubulwite.

Mateyo 24:15

“Aboobo, na mukabone Cintu cilya Ciloondesha ico ncaakaamba mulaluki mukulukulu Danyelo, kaciimfwi paMusena Usalalite (utoobelenga anyumfwishishe),

Maako 13:14

“Na mukabone Cintu cilya Ciloondesha ico cibisha kaciimfwi pamusena mpociteelete kuba, (utoobelenga anyumfwishishe), lyalo abo bali kuJudeya bakacicile kutulundu.

Luka 10:22

“BaTa bakabika shintu shoonse mumaansaangu. Taaku muntu ushi Mwaana, sombi baTa beenka. Taaku muntu ushi baTa, sombi Mwaana eenka alimwi awooyo Mwaana ngwaasala ayi ayubulwite.”

Luka 21:20

“Mwaakubona ayi ndabala inene ya Jelusalemu yashingulukwa abashilumamba, mukeshibe ayi kunyonyoolwa kwa njiyo kuli pafwaafwi.

Luka 21:24

Bamwi balaakuyaswa amipeeni alimwi balaakutolwa busha kushishi shimwi. Lyalo Jelusalemu ilaakulyatoolwa abaswamashi bakunsengwe kushikila ciindi cabo cikamaane.

Joni 1:18

Taaku muntu wakabonaawo kale Lesa, sombi Mwanaakwe wakashalwabo eenka, uyo usunikwi abuumbi abaIshi, ngowakalengesha ayi ashibikwe.

Dutolonomi 33:2

Wakaamba ayi, “Mwaami Lesa wakaswa kuKalundu ka Sinayi. Wakaboneka anga ndisuba kuEdomu akumunikila bantu bakwe kuswa kuKalundu ka Palani. Wakesa abaanjelo bali shuulu likumi, kululyo lwakwe kwakalinga kunyaka mulilo.

1 Bene Tesalonika 3:13

Lesa Ishiwesu ayumyeyumye myoyo yanu kwaamba ayi mubule kampenda alimwi musalale pameenso akwe, pakwisa Mwaami wesu Jesu abasalalite bakwe boonse.

Bene Ebulu 10:29

Ino cilaakuba buyani kumuntu uyo unyansha Mwanaakwe Lesa. Uyo usuula bulowa bwakalengesha cipangano cakwe Lesa ico cakamusalasha kuswa kushibiibi akucobola Mushimu Usalashi utubonesha luse. Amuyeeye mbuli mbweshi ukeendeewo kubica mulandu ngweshi akapekwe muntu uyu!

1 Pita 1:12

Lesa wakayubulula kubalaluki abo ayi milimo yabo teyakalinga yakulicafwa beene, sombi mwebo. Nshebakaamba, nshesheeshi ono shakalwiitwa ndimwe kwiinda mubaabo bakamushimikila Makani Abotu. Bakacita boobo kwiinda munkusu sha Mushimu Usalashi uyo Lesa ngwaakatuma kuswa kwiculu. Ishi nsheshintu abaanjelo nshebakumbwa abuumbi kwishiba.

Judi 1:14

Mbobaaba mbwaakalaluka Enoki, wasanu abobilo mubushalwe kuswa kuli Adamu, ndyakaamba ayi, “Amubone, Mwaami ulaakwisa abaanjelo bakwe basalalite bali shuulu ashuulu.

Ciyubululo 11:2

Sombi utapimi musena uli kunsengwe lya Ŋanda yakwe Lesa mukwiinga wakapekwa kubaswamashi bakunsengwe, abo mbweshi bakalyatoole Ndabala inene Isalalite kwamyeenshi ili makumi one alimwi ayobilo.

Ciyubululo 6:10

Yakoolobesha ayi, “NoBaami baLesa Beshinkusu shoonse, nomusalalite alimwi balushinisho! Ino mulaakoombolosha lili alimwi akupa mulandu bantu abo bali pacishi ca panshi bakatucaya?”

Boomboloshi 13:18

Munjelo uyo wakakumbula ayi, “Ino liina ndyanshi ndimusuni kwishiba? Liina lyangu lilakankamika.”