Danyelo 8:12 - Baibo Busansulushi Bwa Libuku Ili

¹² Bantu bakatalika kubisha muŊanda iyo mumusena wakubenga milambu yabushiku abushiku yeelete. Lushinisho mukulambila lwakasowekwa. Liica ilyo lyakalinga kuswitilila mushintu shoonse nshelwakalinga kucita.

Danyelo 8:12 ပူးပေါင်းရင်းမြစ်များ

Jobo 12:6

Bapambi abantu bamwi bakalasha Lesa balekalabo muluumuno. Sombi balo mbantu bacinka manungo munkusu shabo beene ayi ngolesa wabo.

Kulumbaisha 119:142

Kululama kwanu nkwamuyayaya. Ayalo milawo yanu njalushinisho.

Kulumbaisha 119:43

Amunengeshe kukonsha kwaamba makani anu alushinisho, ceebo kulangila kwangu kuli mumilawo yanu.

Kulumbaisha 28:5

Bantu abo taaku mbobabona milimo ya Mwaami Lesa. Tababiki maano kushintu Mwaami Lesa nshaakalenga. Paceebo ceeco utoobapa mulandu, akubanyonyweetabo limwi.

Isaya 59:14

Ee, anu nceceeco koombolosha kululeme ncekwatutalamukila. Nceceeco kweenda cakubula kampenda ncekwabeta kulaale aswebo. Lushinisho talunyumfwikiiwo mumikwakwa, akwalo kushomeka kuleelabo kulaale.

Jelemiya 12:1

Nobaami baLesa, mwebo muliluleme ciindi coonse na ndaleta mulandu pameenso anu. Sombi nacibi boobo ntoobandikaanu pacikani cakoombolosha kwanu kwakutanyengelela. Ino ceebonshi nshila sha bamucita shibi shilaswitilila? Ceebonshi bantu batashomeki boonse balekala cakuliiba?

Danyelo 11:28

Mwaami wa bene Silya ulaakuboolela kumishaabo abuboni buunji ubo mbweshi akasaale, sombi kaacisuni kunyonyoola kupaila kwa bantu bakwe Lesa. Ulaakucita mbuli mbwaasuni akuboolela kumishaabo.

Danyelo 7:21

“Kaanceebela kaliica ako kakalinga kulwana bantu basalalite bakwe Lesa alimwi kakalinga kukoma,

Danyelo 8:4

Ndakeebela mbelele isankwa iyo keetatukila banyama bamwi kumbo, kumatwa alimwi akumalenge. Taaku munyama wakalinga kukonsha kuyiimika nabi kufuna umwi kuswa munkusu sha njiyo. Yakalinga kucitabo kulilabo nceensuni akuba abulemu.

Ciyubululo 13:7

Munyama ngomunya uyo wakasuminishikwa kulwana abashomi akubakoma. Wakapekwa ankusu shakweendelesha mikowa yoonse, mishobo yoonse, milaka yoonse alimwi abantu bacite shikanda shipusenepusene.

1 Samwelo 23:9

Defedi ndyaakeshiba ayi Saulo utooyeeya kumulwana, wakaambila Abiyata mupailishi ayi, “Leta efodi.”