Danyelo 7:9 - Baibo Busansulushi Bwa Libuku Ili

⁹ “Kaanceebela shuuna sha bwaami shakabambwa, lyalo Lesa walyoonse alyoonse wakekala pacuuna comwi. Shakufwala shakwe shakalinga kutuba anga ncaandwa. Misusu yakwe yakalinga kutuba anga mbutonge. Cuuna cakwe ca bwaami cakalinga kubilimabo mulilo aalo mawilo a ncico akalinga kunyaka.

Danyelo 7:9 ပူးပေါင်းရင်းမြစ်များ

1 Baami 22:19

Mpeeke Mikaya wakatolelela kwaamba ayi, “Ono amunyumfwe makani aya! Ndakabona Mwaami Lesa kaashiite pacuuna ca bwaami kwiculu abaanjelo bakwe boonse kabeemfwi kushinguluka nguwe.

2 Makani 18:18

Mpeeke Mikaya wakatolelela kwaamba ayi, “Ono amunyumfwe makani aya! Ndakabona Mwaami Lesa kaashiite pacuuna ca bwaami kwiculu abaanjelo bakwe boonse kabeemfwi kushinguluka nguwe.

Kulumbaisha 45:8

Mingaanjo yanu yoonse itoonunkilabo mule amafuta amwi anunkila kabotu. Beshikulisha shilimba balamusangalasha mumaanda a bwaami akaboteshekwa ameeca ansofu.

Kulumbaisha 90:2

Tulundu kamutana kutulenga, ee, cishi kamutana kucibikaawo, mwebo muli baLesa kuswabo lili alili, alimwi munanoolibo baLesa kwamuyayaya.

Kulumbaisha 93:2

NoBaami baLesa cuuna canu ca bwaami cakabambwabo kalekale. Mwebo nkomuli kuswabo lili alili.

Isaya 6:1

Mumwaaka wakafwitaamo mwaami Usiya, ndakabona Mwaami Lesa kaashite pacuuna cakwe ca bwaami ico cakalinga peculu akusumpulwa. Mungaanjo wakwe wakalinga ulaamfu cakwisula ŋanda yakwe yoonse.

Isaya 9:6

Ceebo mwaana washalwa pakati kesu, ee, twapekwa mwaana musankwa. Bweendeleshi boonse bulaakuba mumaansaakwe. Liina lyakwe unanokwiitwa ayi, “Shikupanda maano Mubotu,” “Lesa Shinkusu shoonse,” “Mushali musankwa wamuyayaya,” alimwi ayi, “Mwaami wa Luumuno.”

Jelemiya 49:38

Kuswawaawo ndaakwiimika cuuna cangu ca bwaami kuElamu akunyonyoola mwaami wa nkuko abacinenenene bakwe.

Esekelo 1:26

Peculu lya musena ufongomene pakalinga cintu cakalinga kuboneka anga ncuuna ca bwaami cakapangwa kumabwe amakwebo eetwa ayi safaya. Peculu lya cuuna peene ico, pakalinga cakalinga kuboneka anga ngumuntu.

Danyelo 7:13

“Muciindi ca cili anga nciloto ico mashiku, ndakabona wakalinga kuboneka anga ngumwanaamuntu keesa mumakumbi a kwiculu. Ndyaakashika pafwaafwi, wakatondeshekwa kuli Lesa walyoonse alyoonse.

Danyelo 7:22

tibili Lesa walyoonse alyoonse ndyaakesa mukupa bupingushi bwakwe mukufuna bantu basalalite bakwe Lesa wa kwiculu Wiindaawo abo mukwiinga ciindi cakashika cakwaamba ayi bulelo bube bwaabo.

Mika 5:2

Mwaami Lesa waamba ayi, “Sombi webo Betileemu Efulata, nabi uli ndabala iniini mucishi ca Juda, kuswa muli ndiwe, ndaakuleta muleli wa bene Isilaeli. Mukowa wakwe wakatalikabo kalekale, ee, kuswa kunshiku sha kumatalikilo.”

Abakuku 1:12

NoBaami baLesa kuswa kumatalikilo muli baLesa. Mwebo ndimwe baLesa bangu Basalalite batafwi. Mwebo noBaami baLesa ndimwe mwakasala bene Babiloni kwaamba ayi bese batupeenshe ceebo ca mulandu wesu. Ncakwiila mwebo noMwaandami wesu mwakababika ayi batwaanishe.

Mateyo 17:2

Mpomunyaawo mubili wakwe Jesu wakasanduka pameenso abo. Ciwa cakwe cakabala anga ndisuba ashalo shakufwala shakwe shakaboolabo tuu.

Mateyo 28:3

Wakalinga kuboneka anga nkubeka kwa mfula, ashalo shakufwala shakwe shakalinga kutubabo tuu.

Maako 9:3

Mpeeke shakufwala shakwe shakatubabo tuu, cakwaamba ayi taaku muntu nabi womwi mucishi ca panshi weenga washitubya boobo.

Milimo ya Batumwi 2:30

Ceebo wakalinga mulaluki mukulukulu, wakeshiba ayi Lesa wakamushomesha akumukonkomesha ayi mulunyungu lwakwe mulaakuswa aumwi mwaami ngweshi akabe mbuli nguwe.

Milimo ya Batumwi 2:33

Wakasumpulwa akuba kulubasu lwalulyo lwakwe Lesa akutambula Mushimu Usalashi kuswa kuli Lesa Ishi, kweelana ambwaakamushomesha. Ishi nshemutoobona akunyumfwa, ncipo ca Mushimu Usalashi Jesu ncaatila pali ndiswe.

Bene Filipi 3:9

alimwi akucanika muli nguwe. Nshiliyeeyeli kwaamba ayi ndiluleme kwiinda mukukonkela Milawo, sombi bululami bwangu bulacanika kwiinda mukushoma Klistu. Bululami ubu buswa kuli Lesa bulapekwa kwiinda mulushomo.

1 Timoti 6:16

Lakwe eenkabo ngootafwi alimwi ngookala mumumuni utashikwa pafwaafwi. Taaku wakamubonawo kale alimwi taaku ukonsha kumubona. Bulemu abweendeleshi butamaani bube kuli nguwe lyoonse alyoonse. Ameni.

1 Joni 1:5

Ono makani ngotwakanyumfwa kuMwanaakwe ayo ngotutoomushimikila, ngakwaamba ayi Lesa ngumumuni alimwi muli nguwe taamu munshinshe.

Ciyubululo 1:14

Misusu yakwe yakalinga kutubabo anga mbutonge nabi anga ngamapepe a nkobokobo. Meenso akwe akalinga kuboneka anga ngumulilo utoonyaka.

Ciyubululo 19:18

Kamwisa mulye mituntu ya bamaami, bamatanjilili ba bashilumamba alimwi abashilumambabo, mituntu ya maaki abeshikutantaawo alimwi amituntu ya bantu boonse, basha abaangulukite, balemekwa alimwi abantubo!”

Ciyubululo 20:4

Mpomunyaawo ndakabona shuuna sha bwaami, kucana abo bakalinga kushiiteewo bapekwa nkusu shakoombolosha. Ndakabona amyuuya ya baabo bakatimbulwa mitwi ceebo cakushimikila lushinisho Jesu ndwaakayubulula alimwi amaswi akwe Lesa. Balo tabakwe kulambilawo munyama, nabi cibumbwabumbwa cakwe. Peculu lya waawo tabakwe kutambulawo keshibilo kakwe pankumo nabi kumaansa. Bantu aba bakabuka akweendelesha anga mbamaami pantu pomwi aKlistu kwamyaaka ili cuulu.

Ciyubululo 4:2

Paciindi ceenka ico ndakatanjililwa aMushimu Usalashi. Kwiculu uko, ndakabona cuuna ca bwaami kapashiite umwi.