Danyelo 7:8 - Baibo Busansulushi Bwa Libuku Ili

⁸ Ndindakalinga kuyeeya pameeca ayo, ndakabona kaliica kaniini kakaswa pakati ka meeca amwi. Pakuswa kakatupula meeca amwi otatwe ayo akalingaawo kale. Kaliica ako kakalinga kucite meenso a muntu amulomo wakalinga kwaamba cakulisumpula.

Danyelo 7:8 ပူးပေါင်းရင်းမြစ်များ

Kulumbaisha 12:3

NoBaami baLesa amuumushe milomo ilumbaisha cakubeca. Amucale milomo iyo yaamba shakulisumpula ayi,

Danyelo 11:36

“Mwaami wa bene Silya ulaakucita cili coonse ncaasuni. Ulaakulisumpula akulipa bulemu kwiinda pabalesa boonse alimwi ulaakucobola aLesa Wiindaawo pabalesa boonse. Ulaakucita boobo kushikila ciindi ca bukali bakwe Lesa cikeende mukwiinga Lesa ulaakucita ceenka ico ncaakayeeya.

Danyelo 7:19

“Ono ndakayanda kwishiba shamunyama wane uyo wakalinga kupuseneeko abanyama bamwi boonse, munyama uyo wakalinga kuloondesha abuumbi, uyo wakalinga kucite meeno anene a nshimbi amaala a bulonse, uyo wakapwayoola banyama bamwi ameeno akwe a nshimbi akubalya alimwi akulyatoola sheesho shakacaala.

2 Bene Tesalonika 2:4

Muntu uyo ulaakupikisha shoonse shiitwa ayi balesa nabi isho bantu nshebapaila alimwi ulaakuliyeeyela kwiindaawo nkusu pasheesho shoonse. Ulaakwiinjila akwikala muŊanda yakwe Lesa kaalibanda ayi, “Ndime Lesa.”

2 Timoti 3:2

Ceebo bantu balaakuba beshikulisuna, beshikuyandisha buboni, beshikulilumbaisha, beshikulisumpula, beshimatushi, batanyumfwili bashali, bataluumbi, batasalalite,

2 Pita 2:18

Balaamba maswi akulisumpula atacite ncito alimwi kwiinda mulunkumbwa lwa bufuule, balalengesha kubisha abo batooya cilubuka pakati ka bamucita shibi.

Judi 1:16

Bantu mbomunya aba mbeshi kutongooka lyoonse akubekesha bamwi shilubo, balakonkela shiyanda mibili yabo shibiibi. Balaamba cakulisumpula alimwi akubotesha baabo bacite buboni ayi babapeewo.

Ciyubululo 13:1

Kuswawaawo, ndakabona munyama kaaswa mumaanshi. Wakalinga kucite meeca likumi alimwi amitwi yosanwe ayobilo. Ono kulwiica lomwi alomwi kwakalinga mushini alimwi akwalo kumutwi womwi awomwi kwakalinga liina lyamucobwe kuli Lesa.

Ciyubululo 9:7

Nsoshi ishi shakalinga kubonekabo anga ngamaaki atoolindilabo kuya kunkondo. Pamitwi ya nshisho, pakalinga shimwi shakalinga kuboneka anga njimishini ya golodi alimwi shiwa sha nshisho shakalinga kubonekabo anga nsha bantu.

1 Samwelo 2:3

Anu cileke kutumbama. Ee, maswi akulisumpula aamane. Ceebo Mwaami Lesa, nguLesa ushi shoonse, ngowoombolosha shoonse shicita bantu.