Danyelo 7:13 - Baibo Busansulushi Bwa Libuku Ili

¹³ “Muciindi ca cili anga nciloto ico mashiku, ndakabona wakalinga kuboneka anga ngumwanaamuntu keesa mumakumbi a kwiculu. Ndyaakashika pafwaafwi, wakatondeshekwa kuli Lesa walyoonse alyoonse.

Danyelo 7:13 ပူးပေါင်းရင်းမြစ်များ

Kulumbaisha 110:2

Mwaami Lesa ulaakukomenesha bwaami bwako bwa nkusu kuswa kuSiyoni. Ndushinisho ulaakulela pakati pabalwani bako.

Kulumbaisha 2:8

Senga kuli ndime, ntookupa mishobo yoonse ayi ibe yaako. Nkokwaamba ayi cishi coonse ca panshi citooba caako.

Kulumbaisha 47:5

Lesa watanta pacuuna cakwe ca bwaami, bantu kaboolobesha cakusangalala, mapeenga kaalila, ncakwiila Mwaami Lesa watanta.

Jelemiya 49:19

“Bweenka mbuli nkalamu itooswa mumasaka a kuJoodani akuya kumafulo abotu, mbweshi nkatandaanye abene Edomu kuswa kucishi cabo cakufwambaana. Lyalo mutanjilili uyo ngweshi nkasaale, ulaakweendelesha mushobo uyo. Ino ngani weelene andime uyo ukonsha kumpikisha? Anu ngumweembeshinshi uyo ukonsha kwiimikana kunembo lyangu?

Esekelo 1:26

Peculu lya musena ufongomene pakalinga cintu cakalinga kuboneka anga ncuuna ca bwaami cakapangwa kumabwe amakwebo eetwa ayi safaya. Peculu lya cuuna peene ico, pakalinga cakalinga kuboneka anga ngumuntu.

Danyelo 2:44

“Muciindi ca bamaami abo Lesa wa kwiculu ulaakuleta bwaami ubo bweshi bukabule kumana. Teshi bukakomweewo, sombi bulaakunyonyoola malelo amwi ayo oonse akulela kwalyoonse alyoonse.

Danyelo 7:12

Banyama bamwi bakanyaikwa nkusu shabo, sombi bakasuminishikwa kunoocili boomi kwaciindi ciniini.

Danyelo 7:2

Ndakalemba ayi, “Muciloto cangu mashiku ndakalanga akubona myuuwo yone keepuupa kuswa kumbasu shoonse akufundaanya maanshi a mulweenge lulaamfu.

Danyelo 7:22

tibili Lesa walyoonse alyoonse ndyaakesa mukupa bupingushi bwakwe mukufuna bantu basalalite bakwe Lesa wa kwiculu Wiindaawo abo mukwiinga ciindi cakashika cakwaamba ayi bulelo bube bwaabo.

Danyelo 7:9

“Kaanceebela shuuna sha bwaami shakabambwa, lyalo Lesa walyoonse alyoonse wakekala pacuuna comwi. Shakufwala shakwe shakalinga kutuba anga ncaandwa. Misusu yakwe yakalinga kutuba anga mbutonge. Cuuna cakwe ca bwaami cakalinga kubilimabo mulilo aalo mawilo a ncico akalinga kunyaka.

Danyelo 8:15

Ono nebo neDanyelo kaanceebela cili anga nciloto ico akweelesha kwishiba ncecaamba, cakuteengashila ndakabona muntu wakeemikana kunembo lyangu.

Mateyo 13:41

MwanaaMuntu ulaakutuma baanjelo bakwe ayi bakakuushe bantu babisha babyabo abamucita shibi boonse muBweene bwakwe

Mateyo 24:30

Lyalo kulaakuboneka citondesho ca MwanaaMuntu mwiculu, mpeeke bantu ba mishobo yoonse ya pacishi ca panshi balaakulila, ndyeshi bakabone MwanaaMuntu keesa mumakumbi ankusu alimwi abulemu bukankamika.

Mateyo 25:31

“Ono MwanaaMuntu ndyeshi akese mubulemu abaanjelo bakwe boonse ba kwiculu, ulaakwikala pacuuna cakwe ca Bwaami.

Mateyo 26:64

Jesu wakamukumbula ayi, “Mwacaamba nobeene. Sombi ntoomwaambila noonse ayi, kuswa cecino ciindi mulaakubona MwanaaMuntu kaashiite kulyaansa lyalulyo lwa baIshi, Beshinkusu shoonse. Mulaakumubona keesa mumakumbi a kwiculu.”

Mateyo 28:18

Lyalo Jesu wakasena pafwaafwi akubaambila ayi, “Ndapeekwa nkusu shoonse kwiculu alimwi apacishi ca panshi.

Mateyo 8:20

Sombi Jesu wakamukumbula ayi, “Bamwaaba balicite shilingo, alimwi abayuni balicite shiinswa, sombi MwanaaMuntu taacite ampaaona.”

Maako 13:26

Mpomunyaawo bantu balaakubona MwanaaMuntu keesa mumakumbi ankusu shiinji alimwi abulemu.

Luka 21:27

Lyalo balaakubona MwanaaMuntu keesa mulikumbi ankusu alimwi abulemu bukankamika.

Luka 21:36

Amwikale kamulibambite lyoonse, kamupaila ayi mube ankusu shakwiinda musheeshi shintu sheshi shikacitike kwaamba ayi mukeemikane kunembo lya MwanaaMuntu.”

Luka 24:27

Mpeeke wakabasansulwita shoonse shakalembwa muMalembo akwe Lesa pali nguwe, kutalikila kuli Mose kushikila akubalaluki bamwi boonse.

Joni 12:34

Bantu bakamukumbula ayi, “Swebo twakanyumfwa muMilawo yakwe Mose ayi Usalitwe wakwe Lesa ulakunoolikobo lyoonse, ino ono inga waamba buyani ayi, ‘MwanaaMuntu ulyeelete kupopwa pamucilingano?’ Ino MwanaaMuntu uyo ngani?”

Joni 3:13

Taaku muntu wakayaako kale kwiculu, sombibo MwanaaMuntu eenka uyo wakaswa kwiculu.

Joni 5:27

Mwaana wakamupa ankusu shakoombolosha mukwiinga ngoMwanaaMuntu.

Milimo ya Batumwi 7:56

Mpeeke wakaamba ayi, “Amunyumfwe! Ndaboona liculu lyacaluka alimwi aMwanaaMuntu uliimfwi kululyo lwakwe Lesa!”

1 Bene Tesalonika 4:17

Mpomunyaawo sobamwi sweshi tukacanike katuli boomi paciindi ico, Lesa ulaakutubunganya pantu pomwi ambabo mumakumbi ayi tukakumane aMwaami Jesu mwiculu. Anu ubo mbweshi tukekaale aMwaami Jesu lyoonse alyoonse.

1 Timoti 6:16

Lakwe eenkabo ngootafwi alimwi ngookala mumumuni utashikwa pafwaafwi. Taaku wakamubonawo kale alimwi taaku ukonsha kumubona. Bulemu abweendeleshi butamaani bube kuli nguwe lyoonse alyoonse. Ameni.

Bene Ebulu 2:14

Ono mukwiinga baana aba mbantu bacite mibili alimwi abulowa, alakwe Jesu mwiine wakaba muntu mbuli mbabo. Wakacita boobo kwaamba ayi kwiinda mulufu lwakwe anyonyoole Mubiibi uyo ucite nkusu shakucaya.

Bene Ebulu 9:24

Mukwiinga Klistu taakwe kwinjila muMusena Usalalite wakayaka bantu, ulibo cikoshanyo ca wooyo wa kwiculu. Sombi wakenjila mwiculu mwiine mwiine uko nkwaatwiimikaninaako kuli Lesa.

Ciyubululo 1:13

Ono pakati ka nshisho, pakalinga kuboneka anga pali muntu, ufwete cisani cakalinga kushika kumyeendo alimwi alaamba wa golodi pacaamba.

Ciyubululo 1:18

Ndime Wooyo Muumi! Ndakalinga kufwite, sombi ndi muumi ono, alimwi ndaakunoolibo muumi lyoonsebo. Ndicite nkusu palufu alimwi amusena wa bafu.

Ciyubululo 1:7

Amubone, utoosa amakumbi! Bantu boonse balaakumubona kubikaawo abaabo boonse bakamuyasa. Mishobo yoonse mucishi ca panshi ilaakulila ceebo ca nguwe. Ameni!

Ciyubululo 14:14

Mpomunyaawo ndakalangilisha akubona likumbi lituba, kapashiite wakalinga kuboneka anga nguMwanaaMuntu. Kumutwi wakalinga kufwete mushini wa golodi, kaacite acicekeshi cikolete kulyaansa.