Danyelo 7:1 - Baibo Busansulushi Bwa Libuku Ili

¹ Mumwaaka wakutaanguna wa bwaami bwakwe Beloshasa, mwaami wa bene Babiloni, nebo neDanyelo ndakalota akubona shili anga nshiloto mashiku kaandete pabulo bwangu. Ciloto ico ndakacilemba.

Danyelo 7:1 ပူးပေါင်းရင်းမြစ်များ

Matalikilo 15:1

Kuswawaawo Abulamu wakanyumfwa Mwaami Lesa kaamba kuli nguwe anga muciloto ayi, “Utaloondi Abulamu, ntookulama kucintu cili coonse ceenga canyonyoola buumi bwako akukupa cilambu cinene abuumbi.”

Matalikilo 46:2

Lesa wakaamba anguwe mashiku akumwiita ayi, “Jakobo! Jakobo!” Wakakumbula ayi, “Nkambo.”

Jobo 4:13

Ishi shakacitika ciindi ndindalinga kulota mashiku, ciindi bantu ndiboona twakufwa akutalika kulota.

Isaya 30:8

Ono Mwaami Lesa wakandwiita ayi, “Koya ulembe cikani ca bushicimpamya bwabo mulibuku kwaamba ayi kunembo bukabe bukamboni bwamuyayaya pali mbabo.

Isaya 8:1

Ono Mwaami Lesa wakandwiita ayi, “Bwesa cakulembelaawo cinene ulembewo maswi aya mumabala anene anene ayi Maa Shalali Ashi Basi, nkokwaamba ayi kusaala kwakufwambaana, kubwesa buboni calubilo.

Jelemiya 23:28

Mulaluki uyo ucite ciloto, aacipandulule, sombi uyo ucite maswi angu, aambe maswi ayo cakushomeka. Sa shibuba inga sheelana amancebele?

Jelemiya 27:7

Mishobo ya bantu yoonse ilaakumusebensela akusebensela mwanaakwe amwishikulu wakwe kushikila ciindi cakukomwa kwa cishi cakwe. Paciindi ico mushobo wakwe ulaakunoosebensela mishobo iinji abamaami banene.

Jelemiya 36:32

Mpomunyaawo ndakabwesa cakulembelaawo cimwi akucitambika mulembi wangu Baluki mwanaakwe Neliya. Baluki uyo wakalembawo shoonse nshendakamulwiita. Lyalo wakalemba maswi oonse akalinga pacakulembelaawo citaanshi ico Jeoiyakimu mwaami wa bene Juda ncaakatenta mumulilo. Maswi aanji eelenebo aayo ngondakamulwiita akeelikwaawo.

Jelemiya 36:4

Mpomunyaawo ndakeeta Baluki mwanaakwe Neliya akumwaambila maswi oonse akandwiita Mwaami Lesa. Lyalo Baluki wakaalemba oonse pacakulembelaawo.

Esekelo 1:1

Mumwaaka wamakumi otatwe, mumweenshi wane pabushiku bwasanu ndindakalinga kwikala abasha kulubasu lwa Mulonga wa Keba mucishi ca Babiloni, liculu lyakacaluka. Mpeeke ndakabona shili anga nshiloto shakaswa kuli Lesa.

Esekelo 40:2

Mucili anga nciloto Lesa wakantola kucishi ca Isilaeli akunjimika peculu lya kalundu kalaamfu ako kakalinga kucite maanda aanji kulubasu lwa kumalenge ayo akalinga kuboneka anga nindabala inene.

Danyelo 1:17

Lesa wakabapa lushibo amaano akunyumfwisha shintu sha malembo oonse akwiiya. Kuswawaawo wakapa Danyelo maano akusansulula shili anga nshiloto alimwi ashilotobo.

Danyelo 2:1

Mumwaaka wabili wa bwaami bwakwe, Nebukadinesa wakalota ciloto ico cakamupensha abuumbi mumoyo cakwaamba ayi taakalinga koona tulo.

Danyelo 2:26

Mwaami wakeepusha Danyelo uyo wakalinga kwiitwa liina lya Beloteshasa ayi, “Sa inga wandwiita ncindakalota ambocaamba?”

Danyelo 4:13

“Ono kaanciyeeya pacili anga nciloto ico, ndakabona shinkombe usalalite keesa kuswa kwiculu.

Danyelo 4:5

Sombi ndakalota cintu ciloondesha akubona shili anga nshiloto shilensha boowa ndindakalinga kulete.

Danyelo 5:1

Bumwi bushiku mwaami Beloshasa wakeeta bacinenenene bali cuulu kwisa mukusekelela kunene abuumbi. Lyalo Beloshasa wakanwaabo waini.

Danyelo 5:22

“Sombi mwebo nobaBeloshasa nobana babo tamukwe kulibombyaawo nakubi kwaamba ayi mulishi cikani coonse ici.

Danyelo 5:30

Mashiku eenka ayo Beloshasa mwaami wa bene Babiloni wakacaikwa.

Danyelo 7:13

“Muciindi ca cili anga nciloto ico mashiku, ndakabona wakalinga kuboneka anga ngumwanaamuntu keesa mumakumbi a kwiculu. Ndyaakashika pafwaafwi, wakatondeshekwa kuli Lesa walyoonse alyoonse.

Danyelo 7:15

“Nebo neDanyelo, shili anga nshiloto nshendakabona shakankankamika akumpensha abuumbi mumoyo.

Danyelo 7:7

“Kaanceebela kwakaboneka munyama wane uloondesha abuumbi alimwi ucite nkusu shiinji. Wakalinga kucite meeno anene a nshimbi. Wakapwayoola banyama bamwi ameeno akwe a nshimbi akubalya alimwi akulyatoola sheesho shakacaala. Munyama uyo wakalinga kupuseneeko abanyama bamwi boonse alimwi wakalinga kucite meeca ali likumi.

Danyelo 8:1

Mumwaaka watatu wa bwaami bwakwe Beloshasa, nebo neDanyelo ndakabona cili anga nciloto cabili.

Jowelo 2:28

“Ciindi caakushika, ndaakutila Mushimu wangu pabantu boonse. Bana banu basankwa abanakashi balaakwaamba maswi angu. Bamacembele banu basankwa balaakulota shiloto. Bacikula bwangu banu basankwa balaakubona shili anga nshiloto.

Amosi 3:7

Ncakwiila Mwaami Lesa Shinkusu shoonse taaciti cintu, kaatana kuyubulula muyeeyo wakwe kubasebenshi bakwe balaluki.

Abakuku 2:2

Mpeeke Mwaami Lesa wakankumbula ayi, “Lemba maswi aya ngoontookuyubulwita. Waalembe cakubonekesha pamabwe apampamene kwaamba ayi muntu woonse akanookuubilwa pakwaabelenga.

Shakubelenga 12:6

Lyalo Mwaami Lesa wakaamba ayi, “Ono amunyumfwe nceshi ŋambe! Na pali mulaluki pakati kanu, ndaliyubulula kuli nguwe kwiinda mushili anga nshiloto alimwi akwaambaakwe mushiloto.

Bene Loma 15:4

Mukwiinga shoonse shili muMalembo akwe Lesa, shilatwiisha ayi tunoolangila kwiinda mukukalika myoyo alimwi akuyuminishikwa kuswa muMalembo.

2 Bene Kolinto 12:1

Ndyeelete kulilumbaisha nakubi kwaamba ayi taaku mpindu. Ono bulya ntokwaamba shasheesho nshindakabona anga mushiloto asheesho shakanjubulwita Mwaami.

Ciyubululo 1:19

Ono aboobo lemba shintu shoonse nshewabona, isho shitoocitika cino ciindi alimwi asheshi shikacitike kunembo.

Ciyubululo 10:4

Shilulumo ishi ndishakanyumfwika, ndakalinga kusuni kulemba, sombi ndakanyumfwa liswi kuswa kwiculu lyakwaamba ayi, “Utayubululi sheesho shilulumo shili shosanwe ashobilo nsheshaamba. Utashileembi, sobwe!”