Danyelo 6:3 - Baibo Busansulushi Bwa Libuku Ili

³ Ono cakufwambaana cakeshibwa ayi Danyelo ulakonsha kusebensa kabotu kwiinda bacinenenene bamwi alimwi abeendeleshi ceebo ca mibo yakwe ibotu abuumbi. Paceebo ceeco mwaami wakayeeya kumulengesha kuba wacinenenene wiindaawo mubwaami bwakwe boonse.

Danyelo 6:3 ပူးပေါင်းရင်းမြစ်များ

Esila 4:22

Mufwambaane kucita boobo kwaamba ayi bwaami bwangu butatoleleli kunyonyooka.”

Neyemiya 7:2

Ndakabika mukwesu Anani kunokweendelesha Jelusalemu pantu pomwi aAnaniya mutanjilili wa ciyubilo ca bashilumamba. Ananiya wakalinga muntu ushomeka alimwi ulemeka Lesa kwiinda bantu bamwi boonse.

Esita 10:3

Modekayi muJuda wakapekwa cuuna cabili kumwaami Sakisesi. BaJudanyina bakamusuna akumulemeka ceebo wakalinga kubacitila shibotu akuletela bamulunyungu lwakwe boonse luumuno.

Tushimpi 17:27

Muntu ucite lushibo taabwekibweki, alakwe ucite maano akunyumfwisha shintu ulacata caamba.

Tushimpi 22:29

Sa kuli muntu ngoobwene ucishi kabotu mulimo wakwe? Uyo ulaakunoosebensela bamaami kuteshi bantubo, sobwe.

Shikushimikila 2:13

Ndakabona ayi busongo mbubotu kwiinda buluya bweenka mumuni mbooli ubotu kwiinda munshinshe.

Danyelo 5:12

Liina lyakwe musankwa uyo nguDanyelo, sombi mwaami Nebukadinesa wakamutumba lya Beloteshasa. Musankwa uyo wakacanika ayi ulicite maano akankamika, lushibo alimwi amaano akunyumfwishisha shintu. Ulakonsha kusansulula shiloto, kulabulula tushimpi alimwi ulakonsha kusansulula shishisitwe. Amwiitebo Danyelo, utoomulwiita malembo aya ncaamba.”

Danyelo 5:14

Ndanyumfwa ayi mushimu wa balesa basalalite uli muli ndiwe alimwi ayi ulicite maano, maano akunyumfwishisha shintu abusongo.

Danyelo 5:7

Lyalo wakoolobesha ayi kwiitwe beshimampelampela, basongo ba shintu shili mwiculu alimwi abamukamwaami. Ono ndibakesa mwaami wakabaambila ayi, “Uli woonse weshi abelenge ishi shilembetwe palubumbu apa akundwiita mboshaamba, ntoomupa shakufwala shibotu shifubelafubela shabwaami akufwalikwa ncetani ya golodi munshingo. Peculu lya waawo utoosumpulwa kuba muleli watatu mubwaami bwangu.”

Danyelo 9:23

Ndiwatalikabo kupaila kuli Lesa, wakukumbula. Ndesa mukukulwiita kukumbula kwakwe ceebo webo ulalemekwa abuumbi pameenso akwe Lesa. Ono kutikisha mbweshi noosansulula akunyumfwisha cili anga nciloto ico mbocaamba.