Danyelo 5:6 - Baibo Busansulushi Bwa Libuku Ili

⁶ Ciwa ca mwaami cakasanduka kuboowa. Wakaloonda abuumbi cakwaamba ayi mumanungo mwakaboolabo tontolo.

Danyelo 5:6 ပူးပေါင်းရင်းမြစ်များ

Kulumbaisha 22:14

Nkusu shangu shamana, shamanabo anga ngamaanshi apukwitwa panshi. Shifuwa shangu shilibo anga shaswaamo mumanungi. Awalo moyo wangu wababo anga mbukato bwasunguluka.

Kulumbaisha 69:23

Amubalengeshe kupofola! Amulengeshe misana yabo kubula ncito!

Isaya 35:3

Amuyumyeyumye maansa a baabo babula nkusu. Amupe nkusu myeendo ya baabo batootutumabo ceebo cakulefuka.

Isaya 5:27

Pakati kabo taaku weshi akaleeme nabi kulisuntula cakuwa, alimwi taaku nabi weshi akashinshile nabi koona. Taaku weshi akanoocite laamba usensuluka wiine nabi ntambo ya nkwabilo yeshi ikasutuke.

Jelemiya 50:43

Mwaami wa bene Babiloni wanyumfwa makani apali mbabo, aboobo maansaakwe atontola. Buumba bwamucata, utoonyumfwabo anga ngumwanakashi uli pankata.

Esekelo 21:7

Ono na bakwiipushe ayi, ‘Utootongelanshi?’ Ubakumbule ayi, ‘Ntootongela ceebo ca makani ayo eshi akese. Myoyo yabo boonse ilaakuswa kuboowa, maansaabo alaakubabo lempwete, balaakutyongola amumanungo abo moonse mulaakuboolabo tontolo.’ Makani ayo alaakucitika cancinencine. Nebo neMwaami Lesa Shinkusu shoonse ndaamba.”

Esekelo 7:17

Maansa oonse alaakubabo lempwete amumanungo oonse mulaakuboolabo tontolo.

Danyelo 2:1

Mumwaaka wabili wa bwaami bwakwe, Nebukadinesa wakalota ciloto ico cakamupensha abuumbi mumoyo cakwaamba ayi taakalinga koona tulo.

Danyelo 3:19

Mpomunyaawo Nebukadinesa wakakalala abuumbi pali Shadileki, Mishaki aAbedinego. Ncakwiila ciwa cakwe cakasanduka ceebo ca bukali. Lyalo wakalwiita basebenshi bakwe ayi babike mulilo mumunyumbi akulengeshaamo kulungula kwiinda mbomuba lyoonse mankanda ali osanwe aobilo.

Danyelo 4:19

Ono Danyelo uyo wiitwa ayi Beloteshasa wakakankamana abuumbi pacikani ico cakwaalilwa kwaambaawo. Aboobo mwaami Nebukadinesa wakamwaambila ayi, “Beloteshasa, ciloto ico abusansulushi bwa ncico butakuloondeshi, sobwe.” Mpomunyaawo Beloteshasa wakakumbula ayi, “Nobaami bangu, nicabota ciloto ici abusansulushi bwa ncico kashaamba pabalwani banu kuteshi ndimwe, sobwe.

Danyelo 4:5

Sombi ndakalota cintu ciloondesha akubona shili anga nshiloto shilensha boowa ndindakalinga kulete.

Danyelo 5:5

Cakuteengashila lyaansa lya muntu lyakaboneka akutalika kulemba palubumbu lwa ŋanda ya bwaami apo pakalinga kwiindaawo kutuba mukwiinga malampi akalinga kumunika abuumbi palubasu apo. Lyaansa ilyo Mwaami wakalibona kalilemba.

Danyelo 7:28

“Ono makani ayo mpaaela peenka apa. Nebo neDanyelo ndakapenshekwa abuumbi mumoyo alimwi ciwa cangu cakasanduka kuboowa, sombi makani ayo ndakaaumunabo.”

Naamu 2:10

Ndabala ya Ninife yanyonyoolwa, yacaala cisuukila alimwi yaba matongo. Myoyo yamanamobo kuboowa amwalo mumanungo mwaboolabo tontolo ceebo nkusu shoonse shamana. Shiwa shoonse shaloka kuboowa.

Bene Ebulu 12:12

Paceebo ceeco, amuyumye shiso sha maansaanu alefukite, alimwi amumanungo anu mutoobukuma!