Danyelo 5:23 - Baibo Busansulushi Bwa Libuku Ili

²³ Ncakwiila mwebo mwakalisumpula akulwana Mwaami Lesa wa kwiculu. Mwakatuma bantu kumuletela nkomeshi shakaswa muŊanda yakwe. Lyalo mwebo, bacinenenene, bamakaanu alimwi abakasuwa banu mwakanwitaamo waini akulumbaisha balesa ba silifa, ba golodi, ba bulonse, ba nshimbi, ba shisamu alimwi aba mabwe abo batakonshi kubona, kunyumfwa nabi kwishiba cintu nabi comwi. Sombi tamukwe kulemeka Lesa uyo ucite buumi bwanu mumaansaakwe pantu pomwi anshemucita.

Danyelo 5:23 ပူးပေါင်းရင်းမြစ်များ

Matalikilo 14:19

Wakapa coolwe Abulamu akwaamba ayi, “Lesa wakwiculu Wiindaawo, uyo wakalenga liculu acishi ca panshi, ape coolwe Abulamu.

Matalikilo 2:7

Lyalo Mwaami Lesa wakabwesa bulongo panshi akubumbaamo muntu. Mpeeke wakamuyoyela muuya upa buumi mumashono, mpomunyaawo muntu uyo wakaba abuumi.

2 Baami 14:10

Ncakwiila webo Amasiya wakoma bene Edomu, aboobo ici cakupa kulisumpula abuumbi. Kondwa mukukoma kwako, sombi koshiitebo kuŋanda yako. Ceebonshi utooyanda kulibushisha mapensho ayo eshi akalengeshebo webo abene Juda kukomwa?”

Jobo 12:10

Buumi bwa shilengwa shoonse buli mumaansaakwe. Ncakwiila abwalo buumi bwa bantu boonse ngoobucite.

Jobo 31:4

Lesa ulishibwene nshila shangu shoonse alimwi ulalangishisha nyendelo shangu shoonse.

Kulumbaisha 104:29

Na mwashifutatila shilaloonda abuumbi, Na mwashinyaya muuya wanu shilafwa, shilaboolela kubulongo uko nkoshakaswa.

Kulumbaisha 115:16

Kwiculu kwiine nkwa Mwaami Lesa, sombi cishi ca panshi wakacipa kubantu

Kulumbaisha 139:3

Mulambona mbuli mbooŋenda amboongona, nshila shangu shoonse mwebo mulishishi.

Kulumbaisha 146:4

Bushiku ndibafwa, balaboolela kubulongo. Pabushiku ubo nshibabambite shoonse shileela.

Tushimpi 20:24

Mwaami Lesa ngoobamba nshila ya muntu woonse, ono muntu inga weshiba buyani nshila yakwe?

Isaya 13:11

Mwaami Lesa waamba ayi, “Ndaakupa mulandu cishi coonse ceebo ca bubi bwa ncico akunyonyoola bamucita shibi ceebo ca shibiibi shabo. Ndaakuceesha bantu balisumpula. Ndaakumana kulinaamuna kwa baabo beshilunkutwe.

Isaya 14:13

Wakaamba mumoyo wako ayi, ‘Ntootanta kwiculu kwiine nkabike cuuna cangu ca bwaami peculu lya nyenyeenshi shakwe Lesa. Ndaakubika cuuna cangu peculu lya kalundu kakubunganinaawo, ee, peene pansonga ya kalundu kasalalite.

Isaya 2:12

Mwaami Lesa Shinkusu shoonse wakabikila limwi bushiku bwa bukali bwakwe, ubo bantu boonse balisumpula abaabo balemekwa beshinkusu ndyeshi bakaceeshekwe.

Isaya 33:10

Mwaami Lesa utokwaamba ayi, “Ono ntoonyamuka, ee, ntoomutondesha nkusu shangu. Lyalo ntooba abulemu.

Isaya 37:19

Bakatenta balesa babo boonse mukwiinga tebakalinga balesa bancinencine. Sombi bakalinga nshisamu shakabeswa amabwe akabeswa amaansa a bantu.

Isaya 37:23

Ngani ngowalinga kutukana akucobola? Ngani ngootookalookila akusaamuna meenso cakulisumpula? Sa te ngooyo Usalalite wa bene Isilaeli?

Isaya 42:5

Lesa, ee, Mwaami Lesa uyo wakalenga liculu akulifungulula, wakalenga cishi ca panshi ashoonse shiliimo, uyo wakapa buumi kubantu baliimo akubapa muuya, waamba ayi,

Jelemiya 10:23

NoBaami baLesa, ndishi kwaamba ayi buumi buli mumuntu teshi bwaakwe, sobwe. Muntu taacite nkusu shakweendelesha buumi bwakwe.

Jelemiya 48:26

Mwaami Lesa waamba ayi, “Amulengeshe bene Moabu ayi bakolwe ceebo cakukaka nebo neMwaami Lesa. Abaalabangane mumalushi abo akusekwa.

Jelemiya 50:28

“Amunyumfwe kubaabo bakacica nkondo kuBabiloni mbobatokwaambilisha kuSiyoni ayi nebo neMwaami Lesa, Lesa wabo ndaboosha cishole ee, kuboosha cishole ceebo ca Ŋanda yangu.

Jelemiya 50:29

“Amwiite beshimata ayi balwane Babiloni, ee, boonse abo bawaala mifwi. Mushinguluke ndabala iyo. Mutaleeki nabi womwi ayi aloboke. Amwiilambule pamicito ya njiyo. Amwiicitile bweenka mboyakacitila bamwi mukwiinga wateteesha ndime neMwaami Lesa, Usalalite wa bene Isilaeli.

Esekelo 28:17

Wakaba shikulisumpula ceebo ca bubotu bwako alimwi wakalengesha busongo kumana ncito ceebo ca bulemu bwako. Aboobo ndakakusowela pacishi ca panshi akukulengesha kuba cakucenjesheshaako bamaami bamwi.

Esekelo 28:2

“Webo omuntu, lwiita mwaami wa Taya ayi nebo neMwaami Lesa Shinkusu shoonse ndaamba ayi, ‘Mukulisumpula kwa moyo wako ulaamba ayi, Ndi lesa. Ndekala pacuuna ca bwaami cakwe lesa pakati ka lweenge. Sombi webo uli muntubo, teshi ndiwe lesa, sobwe, nakubi kwaamba ayi ulalibona anga uli musongo mbuli lesa.

Esekelo 28:5

Ceebo ca lushibo lwako lunene mumakwebo, wakafusha buboni bwako. Lyalo wakatalika kulisumpula ceebo ca buboni ubo.’

Esekelo 31:10

“Paceebo ceeco nebo neMwaami Lesa Shinkusu shoonse ndaamba ayi, ‘Ono ceebo cakwaamba ayi cakalaampa cakuyanda kushika amumakumbi alimwi akulisumpula kwa ncico ceebo ca kulaampa,

Danyelo 11:12

Mwaami wa bene Ijipiti ulaakulisumpula abuumbi ceebo cakukoma kwakwe alimwi aceebo ca bashilumamba baanji abo mbweshi akacaaye. Sombi teshi akatolelele kukoma.

Danyelo 4:37

“Paceebo ceeco nebo neNebukadinesa ndalumbaisha akulemeka Mwaami wa Kwiculu mukwiinga shoonse nshaacita nshibotu alimwi nshila shakwe shoonse shililuleme. Lakwe ulakonsha kubombya baabo balisumpula.”

Danyelo 8:11

Lyakalisumpula cakunyansha aMuleli wa likoto lya kwiculu. Lyakakasha milambu ya bushiku abushiku iyo yakalinga kubengwa kuMuleli uyo akubisha Ŋanda yakwe.

Abakuku 2:4

Maswi ngaaya: ‘Uyo eshi akalisumpule ulaakucaikwa. Sombi uyo ululamikwa ceebo cakushoma, ulaakuba abuumi.’ ”

Milimo ya Batumwi 17:25

Ncakwiila bantu taaku nceenga bamusebensela amaansaabo mukwiinga taaku ncaataciteewo. Lesa ngomunya uyu ngootupa buumi amuuya ngotuyoya alimwi ashintu shimwi shoonse.

1 Bene Kolinto 8:4

Ono aboobo pamakani akulya shakulya shipekwa kushibumbwabumbwa, tulishi ayi shibumbwabumbwa tashicite ncito. Alimwi tulishi ayi kulibo Lesa womwi.

1 Timoti 3:6

Taaelete kuba muntu wakasanduka onoono mukwiinga cimwi ciindi inga walisumpula akupekwa mulandu mbuli Satana.

Bene Ebulu 4:13

Taaku cintu nabi comwi cishisitwe pameenso akwe Lesa, sombi shoonse shilengwa ulashibona bweenka mbuli mboshibete alimwi nkuli nguwe nkotweelete kusansulwita shoonse nshetwakacita.

Ciyubululo 9:20

Ono bantu boonse abo bakacaala, abo batakwe kucaikwa amyaalu yotatwe iyi, tabakwe kusanduka kuswa kushintu isho nshebakalipangila beene. Tabakwe kucileka kulambila bashikaswa, shibumbwabumbwa sha golodi, sha silifa, sha bulonse, sha mabwe alimwi asha shisamu. Shintu ishi tashiboni, kunyumfwa nabi kweenda.

Boomboloshi 16:23

Mpomunyaawo bamaami ba bene Filisiti bakabungana pantu pomwi kwaamba ayi basekelele akubenga mulambu unene kuli Dagoni lesa wabo, ceebo bakalinga kwaamba ayi, “Ngulesa wesu waaba Samusoni mulwani wesu mumaanseesu.”

1 Samwelo 17:26

Mpeeke Defedi wakeepusha basankwa bakalinga pafwaafwi ayi, “Ino musankwa weshi akacaaye mwine Filisiti ulya akukusha malwesa ngwaatoolamba bene Isilaeli, ulaakucitilwa buyani? Alimwi lakwe ngumwine Filisiti buyani, utapalwitwe, weenga kaanyansha likoto lya bashilumamba bakwe Lesa muumi?”

1 Samwelo 17:36

Ndushinisho nebo nemusebenshi wanu ndacaya nkalamu alimwi abeya. Ono sunu mwine Filisiti ulya utooba bweenka mbuli banyama abo mukwiinga wanyansha likoto lya bashilumamba bakwe Lesa muumi.