Danyelo 5:20 - Baibo Busansulushi Bwa Libuku Ili

²⁰ Sombi ndibakatalika kulisumpula, kuba beshicimpamya alimwi beshilunkutwe bakakushikwa pacuuna ca bwaami akuswa pamusena wa bulemu.

Danyelo 5:20 ပူးပေါင်းရင်းမြစ်များ

2 Baami 17:14

Sombi tabakwe kumunyumfwila. Ncakwiila bakalinga beshicimpamya mbuli bamashali babo bakulukulu abo batakwe kushoma muMwaami Lesa, Lesa wabo.

2 Makani 32:25

Sombi Esekiya wakalinga shicimpamya alimwi shikulisumpula. Paceebo ceeco taakwe kulumba Mwaami Lesa pasheesho nshaakamucitila. Lyalo bukali bwa Mwaami Lesa bwakaseluka pali nguwe, bene Juda alimwi abene Jelusalemu.

2 Makani 36:13

Kuswawaawo Sedekiya wakabukila mwaami Nebukadinesa uyo wakamukakatisha kushomesha cakulumbila muliina lyakwe Lesa kwaamba ayi ulaakunooshomeka kuli nguwe. Wakaba acimpamya akukaka kusandukila kuMwaami Lesa, Lesa wa bene Isilaeli.

Kulonga 18:11

Ono ndeshiiba ayi Mwaami Lesa ulicite nkusu kwiinda pabalesa boonse, mukwiinga wakacita boobo ciindi bene Ijipiti ndibakalinga kubona bene Isilaeli ayi taaku mbobabete.”

Kulonga 9:17

Nacibi boobo webo ucicitebo cimpamya alimwi ucikaka kuleka bantu bangu ayi baye.

Kulonga 9:7

Kuswawaawo mwaami Falawo wakeepusha cakacitika, abalo bantu bakamulwiita ayi taaku cifubwa nabi comwi ca bene Isilaeli cafwa. Sombi mwaami Falawo wakacita cimpamya akukasha bene Isilaeli kuya.

Tushimpi 16:18

Kulisumpula kulatola mukunyonyoolwa. Kulyuuma mucaamba kulalengesha muntu kuwa.

Tushimpi 16:5

Mwaami Lesa ulipatite bantu boonse balisumpula, Anu amwishibe ayi teshi akabalangilishebo cakutabapa mulandu.

Isaya 47:1

Mwaami Lesa waamba ayi, “Ondabala ya Babiloni, seluka pacuuna ca bwaami, ukale panshi. Ee, kala mulusuko kuteshi pacuuna ca bwaami. Mukutakomwa wakalinga anga ngumooye utana kukumanawo kale amusankwa. Sombi bulya teshi unoocaambwa ayi mubombubombu ulamwa anga ndiyi.

Jelemiya 13:18

Mwaami Lesa wakaŋambila ayi, “Ambila mwaami abanyina ayi, ‘Amuseluke pashuuna shanu sha bwaami ceebo mishini yanu yabulemu ilaakuloka kumitwi yanu.’

Jelemiya 19:15

“Mwaami Lesa, Shinkusu shoonse, Lesa wa bene Isilaeli waamba ayi, ‘Amunyumfwe! Ndaakuletela ndabala ino inene amandabala oonse ayo ashingulukite, mapensho ayo oonse ngondakashomesha kucita ceebo ca bushicimpamya bwabo aceebo cakukaka kunyumfwa kumaswi angu.’ ”

Jelemiya 48:18

Mwebo nomwikala kuDiboni amuseluke muswe pashuuna shanu sha bulemu akwikala panshi payumu nta. Uyo weshi akanyonyoole Moabu ulaakwisa mukumulwana amwebo akunyonyoola mandabala anu acite malinga.

Esekelo 30:6

Mwaami Lesa waamba ayi, “Boonse abo bacafwana abene Ijipiti munkondo balaakucaikwa ashalo nkusu nshaalisumpwitaawo shilaakumana. Bantu balaakufwa munkondo kuswabo kundabala ya Migidolu kumatwa kuya mukushika kundabala ya Aswani kumalenge. Nebo neMwaami Lesa Shinkusu shoonse ndaamba.

Esekelo 31:10

“Paceebo ceeco nebo neMwaami Lesa Shinkusu shoonse ndaamba ayi, ‘Ono ceebo cakwaamba ayi cakalaampa cakuyanda kushika amumakumbi alimwi akulisumpula kwa ncico ceebo ca kulaampa,

Danyelo 11:36

“Mwaami wa bene Silya ulaakucita cili coonse ncaasuni. Ulaakulisumpula akulipa bulemu kwiinda pabalesa boonse alimwi ulaakucobola aLesa Wiindaawo pabalesa boonse. Ulaakucita boobo kushikila ciindi ca bukali bakwe Lesa cikeende mukwiinga Lesa ulaakucita ceenka ico ncaakayeeya.

Danyelo 4:26

Ico shinkombe ncaamba ayi cisamu citimbulwe akushiyabo cishiki cilaamba ayi bulelo bwanu bulaakubooshekwa mumaansaanu mwaakumana kusumina ayi Lesa wa kwiculu ngoolela panshi.

Danyelo 4:28

Shintu shoonse ishi shakacitika kumwaami Nebukadinesa.

Danyelo 4:37

“Paceebo ceeco nebo neNebukadinesa ndalumbaisha akulemeka Mwaami wa Kwiculu mukwiinga shoonse nshaacita nshibotu alimwi nshila shakwe shoonse shililuleme. Lakwe ulakonsha kubombya baabo balisumpula.”

Danyelo 8:8

Mpongo iyo yakaba abulemu buunji, sombi keecicite bulemu buunji, liica lya njiyo linene lyakatyolwa. Mumusena wa ndilyo, mwakamena meeca anene amwi one. Lyomwi alyomwi lyakalanga kulubasu lwa ndilyo.

Luka 18:14

Ntoomulwiita ayi musonkeshi wakaboola kumishaabo kaaluleme pameenso akwe Lesa kuteshi muFalisi. Mukwiinga uyo woonse ulisumpula, ulaakuceeshekwa. Awooyo uliceesha, ulaakusumpulwa.”

Bene Ebulu 3:13

Sombi cinene ncemweelete kucita nkuyumininshanya inshiku shoonse kwaamba ayi kutabi nabi womwi eshi abecekwe kwiinda mukubisha akuba shicimpamya, kulilabo liswi lya kwaamba ayi, “Sunu,” muMalembo akwe Lesa kalicitubikaako aswebo.

1 Samwelo 6:6

Ino mutooyanda kubetaanshi beshicimpamya mbuli Falawo mwaami wa bene Ijipiti abantu bakwe? Sa tamwiingashite mbwaakabapensha kushikila basuminisha bene Isilaeli kuswa muijipiti akuya?