Danyelo 5:19 - Baibo Busansulushi Bwa Libuku Ili

¹⁹ Ono ceebo cakwaamba ayi wakabasumpula abuumbi, bantu ba mumishobo yoonse, bashikanda shipusenepusene abamumilaka yoonse bakalinga kubaloonda akubalemeka. Bashali banu abo bakalinga kucaya muntu uli woonse ngweenga kabasuni kucaya. Bakalinga kulekelela muntu uli woonse ngweenga kabasuni kulekelela. Bakalinga kusumpula uli woonse ngweenga kabasuni kusumpula alimwi bakalinga kubombya uli woonse ngweenga kabasuni kubombya.

Danyelo 5:19 ပူးပေါင်းရင်းမြစ်များ

2 Baami 25:28

Efilu Melodaki wakamulela kabotu akumupa musena wiindaawo bulemu pamisena yakapekwa bamaami bamwi abo bakalinga basha mucishi ca Babiloni.

Tushimpi 16:14

Bukali bwa mwaami bulatola kulufu, sombi musongo inga wakonsha kubootobeka.

Shikushimikila 8:3

Ulyeelete kufwambaana kuswa muliimfwa lyakwe na cikani tacitoomusangalasha ceebo ulakonsha kucita cili coonse ncaasuni pali ndiwe.

Esekelo 31:11

ndakacaaba mumaansa a mweendeleshi muswamashi kwaamba ayi aciciite kweelana abubi bwa ncico. Ono ndacikaka

Danyelo 11:12

Mwaami wa bene Ijipiti ulaakulisumpula abuumbi ceebo cakukoma kwakwe alimwi aceebo ca bashilumamba baanji abo mbweshi akacaaye. Sombi teshi akatolelele kukoma.

Danyelo 11:16

Mwaami wa bene Silya uyo weshi akabalwaane ulaakucita cili coonse ncaasuni. Taaku muntu nabi womwi weshi akakonshe kumulwana. Ulaakwikala muCishi Cakashomeshekwa alimwi cishi ico coonse kacili mumaansaakwe.

Danyelo 11:3

“Lyalo mwaami shinkusu shiinji ulaakuboneka. Lakwe ulaakulela bulelo bunene abuumbi akucita cili coonse nceenga kaasuni.

Danyelo 11:36

“Mwaami wa bene Silya ulaakucita cili coonse ncaasuni. Ulaakulisumpula akulipa bulemu kwiinda pabalesa boonse alimwi ulaakucobola aLesa Wiindaawo pabalesa boonse. Ulaakucita boobo kushikila ciindi ca bukali bakwe Lesa cikeende mukwiinga Lesa ulaakucita ceenka ico ncaakayeeya.

Danyelo 3:29

“Ono bulya ndabika mulawo wakwaamba ayi muntu wa mushobo uli woonse, cikanda ca mushobo uli woonse nabi wa mumulaka uli woonse weshi akanyanshe Lesa wakwe Shadileki, Mishaki alimwi awakwe Abedinego, ulaakucaikwa mukutimbulwa shipimpitapimpita. Ayalo ŋanda yakwe ilaakupwayoolwa cakubabo matongo. Ncakwiila taaku lesa nabi womwi weenga wafuna bobulya.”

Danyelo 3:4

Lyalo ushikwaambilisha wakoolobesha aliswi lyapeculu ayi, “Nobantu bamumishobo yoonse, bashikanda shipusenepusene abamumilaka yoonse amukutike!

Danyelo 3:6

Muntu uli woonse uyo weshi akabule kucita boobo, ciindi ceenka ico ulaakuwaalwa mumunyumbi mutoonyaka mulilo uyoosha.”

Danyelo 4:17

Beshinkombe basalalite mbobaambilisha kupingula uko kwaamba ayi bantu boomi boonse beshibe ayi Mwaami Lesa Shinkusu shoonse ngoocite nkusu pamalelo a bantu alimwi ngooapa kubantu bali boonse mbwaasuni. Ncakwiila ulapa bantu balibombya kweendelesha malelo ayo.’

Danyelo 4:19

Ono Danyelo uyo wiitwa ayi Beloteshasa wakakankamana abuumbi pacikani ico cakwaalilwa kwaambaawo. Aboobo mwaami Nebukadinesa wakamwaambila ayi, “Beloteshasa, ciloto ico abusansulushi bwa ncico butakuloondeshi, sobwe.” Mpomunyaawo Beloteshasa wakakumbula ayi, “Nobaami bangu, nicabota ciloto ici abusansulushi bwa ncico kashaamba pabalwani banu kuteshi ndimwe, sobwe.

Danyelo 4:22

mwebo nobaami ndimwe cisamu ico! Mwebo mwasumpuka akushimpa. Kusumpuka kwanu kwatolelela cakushikabo amwiculu mwiine alimwi bwaami bwanu bulikumenebo cishi ca panshi coonse.

Abakuku 2:5

Waini ulacenjeeka! Balyabi balalisumpula alimwi tabakalikani. Tabakuti bweenka musena wa bafu mbootakuti. Nceceeco ncebakomena mishobo yoonse akutola busha bantu ba njiyo boonse.

Joni 19:11

Jesu lyalo wakakumbula ayi, “Nootakwe kupekwa nkusu kuswa kuli baTa, naakwiinga toocite nkusu pali ndime. Nakubi boobo uyo wakangaba kuli ndiwe ngoocite cibiibi cinene.”

Bene Loma 13:1

Muntu uli woonse ulyeelete kunyumfwila beendeleshi ba cishi ceebo taaku muntu ucite nkusu shakweendelesha shitakwe kuswa kuli Lesa. Beendeleshi boonse baliiwo, nguLesa wakabasala.

Ciyubululo 5:9

Bakalinga kwiimba lwiimbo lupya ayi, “Webo ndiwe weelete kubwesa libuku akulamatula bakalamatila ba keshibilo. Mukwiinga wakalinga wacaikwa alimwi kwiinda mulufu lwako ndowakalibenga, wakoolila Lesa bantu mumikowa yoonse, milaka yoonse, shishi shoonse alimwi amishobo yoonse.