Danyelo 5:17 - Baibo Busansulushi Bwa Libuku Ili

¹⁷ Lyalo Danyelo wakakumbula ayi, “Sobwe nkambo, shipo shanu amushisungebo nobeene nabi kushipa umwi muntu. Nakubi boobo nobaami, ntoomubelengela malembo aya akumulwiita ncaamba.

Danyelo 5:17 ပူးပေါင်းရင်းမြစ်များ

Matalikilo 14:23

ayi teshi ncaaleewo acintu cili coonse caanu, busalu nabi intambo ya kunsapato. Mukwiinga ubo ndyeshi mukabule kwaambaawo ayi, ‘Ndime ndakalengesha Abulamu kubila.’

2 Baami 3:13

Mpeeke Elisha wakaambila mwaami wa bene Isilaeli ayi, “Ceebonshi mwesa kuli ndime? Tamukwe kuyitanshi kubalaluki ba baishiwanu abanyinawanu?” Jolamu wakakumbula ayi, “Sobwe, Mwaami Lesa ngoweeta swebo sobamaami sotatwe ayi atwaabe mumaansa a bene Moabu.”

2 Baami 5:16

Elisha wakakumbula ayi, “Bweenka mbocibete lushinisho ayi Mwaami Lesa uyo ngoonsebensela ngumuumi, mbweeke ubo teshi ntambulewo cipo.” Naamani wakeelesha kumukakatisha, sombi wakakaka.

2 Baami 5:26

Sombi Elisha wakaamba ayi, “Webo utooyeeya ayi nebo nshindalingaako mumushimu ciindi musankwa ulya ndyaaseluka mucikoci kwaamba ayi akukumanye. Cino ciindi tacishi cakutambula maali, shakufwala, myuunda ya maolifi alimwi aya minyansa nabi mbelele, ŋombe alimwi abasebenshi!

Kulumbaisha 119:46

Ndaakwaamba kwiisha kwanu pameenso a bamaami. Teshi nkalenshekwewo nsoni.

Danyelo 2:6

Sombi na mundwiite ciloto mbocalinga alimwi ambocaamba, ntoomupa shipo alimwi ashilambu abulemu buunji. Ono amundwiite ciloto mbocalinga alimwi ambocaamba.”

Danyelo 5:29

Mpomunyaawo Beloshasa wakaamba ayi Danyelo afwalikwe shakufwala shilya shifubelafubela sha bwaami akufwalikwa ncetani ya golodi munshingo. Lyalo wakaambilishikwa ayi ngumuleli watatu mubwaami ubo.

Milimo ya Batumwi 8:20

Sombi Pita wakamukumbula ayi, “Webo fwitabo pantu pomwi amaali ako mukwiinga utooyeeya ayi inga woola cipo cakwe Lesa amaali!