Danyelo 5:13 - Baibo Busansulushi Bwa Libuku Ili

¹³ Aboobo Danyelo wakaletwa kunembo lya mwaami. Alakwe mwaami wakamwiipusha ayi, “Sa ndiwe Danyelo womwi wa basha abo bata baNebukadinesa mbobakaleta kuswa kuJuda?

Danyelo 5:13 ပူးပေါင်းရင်းမြစ်များ

Esila 10:16

Aboobo bantu abo bakaswa mucishi ca busha bakacita bweenka ubo. Esila mupailishi wakasala basankwa abo bakalinga bamatanjilili ba bamumaanda, womwi kuswa mucipani comwi acomwi akulemba meenaabo. Pabushiku butaanshi mumweenshi wa likumi bakekala panshi akutalika kuyandoola makani ayo.

Esila 10:7

Aboobo makani akatumwa mucishi ca Juda coonse alimwi amuJelusalemu kwaamba ayi boonse abo bakaswa mucishi ca busha babungane kuJelusalemu.

Esila 4:1

Ono balwani ba bene Juda alimwi abene Benjameni bakanyumfwa kwaamba ayi abo bakaswa mucishi ca busha batooyaka alimwi Ŋanda ya Mwaami Lesa, Lesa wa bene Isilaeli.

Esila 6:16

Ono bene Isilaeli, nkokwaamba ayi bapailishi, bene Lefi aboonse abo bakaswa mucishi ca busha bakasangalala pakubenga Ŋanda yakwe Lesa kumwiine.

Danyelo 1:1

Mumwaaka watatu wa bwaami bwakwe Jeoiyakimu mwaami wa bene Juda, Nebukadinesa mwaami wa bene Babiloni wakaya mukulwana ndabala ya Jelusalemu akwiishinguluka.

Danyelo 1:2

Mwaami Lesa wakaaba Jeoiyakimu mwaami wa bene Juda mumaansaakwe Nebukadinesa pantu pomwi ashintu shimwi shamakwebo sha muŊanda yakwe Lesa. Shintu ishi wakashitola kuŋanda yakwe lesa wakwe kuBabiloni akushibika muŋanda yakusungilaamo buboni.

Danyelo 1:21

Lyalo Danyelo wakasebensa muŋanda ya mwaami kushikila Sailasi mwaami wa bene Pesha wakakoma cishi ca Babiloni.

Danyelo 1:6

Pakati ka babo bakasalwa pakalinga basankwa bene Juda, nkokwaamba ayi Danyelo, Ananiya, Mishaelo alimwi aAsaliya.

Danyelo 2:25

Mpomunyaawo Alyoki wakatola Danyelo kumwaami akumwaambila ayi, “Nobaami, ndacaana musankwa womwi pakati ka basha bene Juda uyo ukonsha kumusansulwita ciloto canu mbocaamba.”

Danyelo 2:48

Mpomunyaawo wakabika Danyelo pacuuna capeculu mubulelo bwakwe akumupa shipo shiinji. Wakamupa buleli bwa cishi ca Babiloni alimwi akwaamba ayi abe munene wa basongo boonse.

Danyelo 5:11

Kuli musankwa mucishi canu ucite mushimu wa balesa muli nguwe. Bashali banu baNebukadinesa kabacili baami, musankwa uyo wakacanika kwaamba ayi ulicite maano, lushibo alimwi abusongo anga mbalesa. Balo baNebukadinesa bashali banu bakamusala ayi abe munene wa beshikusonda, beshimampelampela, basongo ba shintu sha mwiculu alimwi abamukabaami.

Danyelo 5:14

Ndanyumfwa ayi mushimu wa balesa basalalite uli muli ndiwe alimwi ayi ulicite maano, maano akunyumfwishisha shintu abusongo.

Danyelo 5:18

“Nobaami, Lesa wa kwiculu Wiindaawo wakapa bashali banu baNebukadinesa bwaami, bulemu, nkusu abulemu bwa bulelo bwabo.

Danyelo 5:2

Beloshasa ndyaakalinga kunwa waini wakwe, wakaambila basebenshi bakwe ayi baye balete nkomeshi sha golodi asilifa isho Nebukadinesa mushali wakwe nshaakaleta kuswa muŊanda yakwe Lesa kuJelusalemu. Beloshasa wakacita boobo kwaamba ayi lakwe, bacinenenene, bamakaakwe, bakasuwa bakwe banwiteemo.

Danyelo 6:13

Mpeeke bakaambila mwaami ayi, “Danyelo womwi wa basha abo bakaswa kucishi ca Juda taamulemeki nobaami nabi kukonkela mulawo uyo ngomwakapanga. Lakwe ucipaila kuli Lesa wakwe mankanda otatwe pabushiku.”

Danyelo 8:1

Mumwaaka watatu wa bwaami bwakwe Beloshasa, nebo neDanyelo ndakabona cili anga nciloto cabili.

Danyelo 8:27

Nebo neDanyelo mubili wakatyolooka abuumbi akuciswa kwanshiku shiinji. Lyalo ndakanyamuka akuboola kumulimo uyo wakampa mwaami. Sombi cili anga nciloto ico cakampensha abuumbi mumoyo alimwi ndakaalilwa kucinyumfwisha.

Joni 7:1

Kuswawaawo Jesu wakalinga kweendabo mucishi ca Galili. Taakalinga kusuni kuya mucishi ca Judeya mukwiinga bamaloba ba baJuda bakalinga kuyanda kumucaya.

Joni 7:3

Aboobo banandumi shakwe bakamwaambila ayi, “Swaako kuno uye kuJudeya kwaamba ayi bashikwiiya bako bakabone shaankamiko nshoocita.