Danyelo 4:9 - Baibo Busansulushi Bwa Libuku Ili

⁹ “Beloteshasa omunene wa basongo boonse, ndishi ayi mushimu wa balesa basalalite uli muli ndiwe alimwi ayi uleshiba shishisitwe shoonse. Ciloto cangu nceeci, ndwiite mbocaamba.

Danyelo 4:9 ပူးပေါင်းရင်းမြစ်များ

Matalikilo 41:38

Mpeeke Falawo wakabaambila ayi, “Teshi tukacaneewo musankwa uli mbuli Josefu, uyo ucite Mushimu wakwe Lesa muli nguwe.”

Isaya 33:18

Mumyoyo yanu mulaakunokwiibaluka shintu isho shakalinga kumulengesha boowa. Mulaakunooliipusha ayi, “Ino mutanjilili wa bashilumamba ulya uli kuli? Ino ulya wakalinga kuya cibwesa musonko uli kuli? Ino shilumamba weendelesha maanda alaamfu abeshikulindilila uli kuli?”

Isaya 54:14

Koombolosha kwakutanyengelela abululami bulaakukushimpya. Kulyatililwa alunkutwe shilaakunooli kulaale awebo. Taaku nabi comwi nceshi ukanoolisukama. Shakuloondaloonda shilaakumaninabo limwi, cakutashinyumfwaawo tubili pafwaafwi awebo.

Esekelo 17:23

Ee, ndaakuushanga peculu peene pakalundu ka Isilaeli keendaawo kulaampa. Ulaakuba amisampi, kucata shisepo akuba cisamu ca sida cinene. Bayuni ba mishobo yoonse balaakuyakamo shiinswa akucana shimfule kumisampi ya ncico.

Esekelo 28:3

Sa webo uli musongo kwiinda Danyelo? Sa shabushishi shoonse ulishishi?

Danyelo 1:20

Mumakani oonse a busongo amaano akunyumfwisha shintu ayo mwaami ngaakabeepusha, wakacana kwaamba ayi balo bakalinga kucite busongo ciine kwiinda beshimampelampela abeshikusonda bali mubwaami bwakwe boonse.

Danyelo 2:47

Kuswawaawo mwaami Nebukadinesa wakaambila Danyelo ayi, “Ndushinisho Lesa wako nguLesa wa balesa, nguMwaami wa bamaami alimwi nguLesa uyubulula shishisitwe. Ndaamba boobo ceebo wacikonsha kunjubulwita shishisitwe ishi.”

Danyelo 2:48

Mpomunyaawo wakabika Danyelo pacuuna capeculu mubulelo bwakwe akumupa shipo shiinji. Wakamupa buleli bwa cishi ca Babiloni alimwi akwaamba ayi abe munene wa basongo boonse.

Danyelo 4:18

“Lyalo Mwaami Nebukadinesa wakaamba ayi, ‘Anu ici nceciloto ncendakalota. Ono webo Beloteshasa, ndwiite mbocaamba ciloto ici, mukwiinga taaku nabi womwi pakati ka basongo bali mubulelo bwangu weenga wacisansulula. Sombi webo inga wacisansulula ceebo mushimu wa baLesa basalalite uli muli ndiwe.’ ”

Danyelo 4:5

Sombi ndakalota cintu ciloondesha akubona shili anga nshiloto shilensha boowa ndindakalinga kulete.

Danyelo 4:8

Kuswawaawo Danyelo uyo wiitwa ayi Beloteshasa, liina lya lesa wangu wakesa. Mushimu wa balesa basalalite uli muli nguwe. Lyalo ndakamulwiita ico ncendakalota. Ndakamwaambila ayi,

Danyelo 5:11

Kuli musankwa mucishi canu ucite mushimu wa balesa muli nguwe. Bashali banu baNebukadinesa kabacili baami, musankwa uyo wakacanika kwaamba ayi ulicite maano, lushibo alimwi abusongo anga mbalesa. Balo baNebukadinesa bashali banu bakamusala ayi abe munene wa beshikusonda, beshimampelampela, basongo ba shintu sha mwiculu alimwi abamukabaami.

1 Samwelo 4:8

Anu ngani weenga watufuna kubalesa bacite nkusu balya? Mbobalesa bakanyonyoola bene Ijipiti muluyanga!