Danyelo 4:8 - Baibo Busansulushi Bwa Libuku Ili

⁸ Kuswawaawo Danyelo uyo wiitwa ayi Beloteshasa, liina lya lesa wangu wakesa. Mushimu wa balesa basalalite uli muli nguwe. Lyalo ndakamulwiita ico ncendakalota. Ndakamwaambila ayi,

Danyelo 4:8 ပူးပေါင်းရင်းမြစ်များ

Matalikilo 41:38

Mpeeke Falawo wakabaambila ayi, “Teshi tukacaneewo musankwa uli mbuli Josefu, uyo ucite Mushimu wakwe Lesa muli nguwe.”

Isaya 46:1

Ono aya ngomeelelesho a balesa ba bene Babiloni! Ncakwiila Belo aNebo mbalesa balinga kulambilwa, sombi sunu banyamwitwa pambongolo. Baba mukuli pamisana ya shifubwa shilemete.

Isaya 63:11

Pesule bantu bakwe bakeebaluka nshiku shikulukulu, ee, nshiku shakwe Mose abantu bakwe akwiipusha ayi, “Anu uli kuli ulya wakabaleta akubeensha mulweenge kwiinda muli Mose mutanjilili wa likoto lyakwe? Uli kuli ulya wakabika Mushimu Usalashi pakati kabo?

Jelemiya 50:2

“Amwaambilishe akoolobesha pakati ka mishobo ya bantu, amwiimike mbembela akoolobesha, mutafunkili nabi comwi, sombi mwaambe ayi, ‘Babiloni ulaakukomwa, Belo ulaakulenshekwa nsoni, Maduki ulaakunyumfwa boowa. Shikoshanyo shakwe shilaakulenshekwa nsoni ashibumbwabumbwa shakwe shilaakupwayoolwa.’

Esekelo 17:23

Ee, ndaakuushanga peculu peene pakalundu ka Isilaeli keendaawo kulaampa. Ulaakuba amisampi, kucata shisepo akuba cisamu ca sida cinene. Bayuni ba mishobo yoonse balaakuyakamo shiinswa akucana shimfule kumisampi ya ncico.

Danyelo 1:7

Wacinenenene munene uyo wakabapa meena amwi. Danyelo wakatumbwa ayi Beloteshasa, Ananiya wakatumbwa ayi Shadileki, Mishaelo wakatumbwa ayi Mishaki aAsaliya wakatumbwa ayi Abedinego.

Danyelo 2:11

Nobaami mwatwiipusha makani ayumu abuumbi. Taaku muntu nabi womwi weenga wakonsha kumulwiita ciloto canu, sombibo balesa. Balesa abo tabakali pakati ka bantu, sobwe.”

Danyelo 2:26

Mwaami wakeepusha Danyelo uyo wakalinga kwiitwa liina lya Beloteshasa ayi, “Sa inga wandwiita ncindakalota ambocaamba?”

Danyelo 3:14

Mpeeke wakeepusha basankwa abo ayi, “Shadileki, Mishaki alimwi aAbedinego, sa ncakwiila mutookaka kulambila balesa bangu nabi kulambila cibumbwabumbwa ca golodi ico ncendakeemika?

Danyelo 4:18

“Lyalo Mwaami Nebukadinesa wakaamba ayi, ‘Anu ici nceciloto ncendakalota. Ono webo Beloteshasa, ndwiite mbocaamba ciloto ici, mukwiinga taaku nabi womwi pakati ka basongo bali mubulelo bwangu weenga wacisansulula. Sombi webo inga wacisansulula ceebo mushimu wa baLesa basalalite uli muli ndiwe.’ ”

Danyelo 4:9

“Beloteshasa omunene wa basongo boonse, ndishi ayi mushimu wa balesa basalalite uli muli ndiwe alimwi ayi uleshiba shishisitwe shoonse. Ciloto cangu nceeci, ndwiite mbocaamba.

Danyelo 5:14

Ndanyumfwa ayi mushimu wa balesa basalalite uli muli ndiwe alimwi ayi ulicite maano, maano akunyumfwishisha shintu abusongo.