Danyelo 4:5 - Baibo Busansulushi Bwa Libuku Ili

⁵ Sombi ndakalota cintu ciloondesha akubona shili anga nshiloto shilensha boowa ndindakalinga kulete.

Danyelo 4:5 ပူးပေါင်းရင်းမြစ်များ

Matalikilo 41:1

Ndipakeenda myaaka yobilo, Falawo mwaami wa Ijipiti wakalota kaaimfwi munshaaMulonga wa Nailo,

Danyelo 1:7

Wacinenenene munene uyo wakabapa meena amwi. Danyelo wakatumbwa ayi Beloteshasa, Ananiya wakatumbwa ayi Shadileki, Mishaelo wakatumbwa ayi Mishaki aAsaliya wakatumbwa ayi Abedinego.

Danyelo 2:1

Mumwaaka wabili wa bwaami bwakwe, Nebukadinesa wakalota ciloto ico cakamupensha abuumbi mumoyo cakwaamba ayi taakalinga koona tulo.

Danyelo 2:3

Mpeeke mwaami wakabaambila ayi, “Ndapenshekwa abuumbi mumoyo ceebo ca ciloto ncendalota. Ndisuni kwaamba ayi nshibe mbocaamba.”

Danyelo 4:10

“Ndindakalinga kulete ndakabona cisamu cilaamfu abuumbi pakati ka cishi ca panshi mucili anga nciloto.

Danyelo 4:13

“Ono kaanciyeeya pacili anga nciloto ico, ndakabona shinkombe usalalite keesa kuswa kwiculu.

Danyelo 4:15

Sombi mushiye cishiki panshi kacaangitwe ncetani ya nshimbi abulonse cinoolibo muluundu alimwi mubwiisu. “ ‘Mume aumutontoshe alimwi eekale muluundu pantu pomwi abanyama ba mumo.

Danyelo 4:19

Ono Danyelo uyo wiitwa ayi Beloteshasa wakakankamana abuumbi pacikani ico cakwaalilwa kwaambaawo. Aboobo mwaami Nebukadinesa wakamwaambila ayi, “Beloteshasa, ciloto ico abusansulushi bwa ncico butakuloondeshi, sobwe.” Mpomunyaawo Beloteshasa wakakumbula ayi, “Nobaami bangu, nicabota ciloto ici abusansulushi bwa ncico kashaamba pabalwani banu kuteshi ndimwe, sobwe.

Danyelo 5:10

Muka mwaami ndyaakanyumfwa coongo cakacita mwaami Beloshasa abacinenenene bakwe wakenjila mucipinda cakusekelelaamo. Lyalo wakaamba ayi, “Nobaami kamweendela buumi kwalyoonse alyoonse! Ono ndaseenga kwaamba ayi mutaloondi bunene.

Danyelo 5:11

Kuli musankwa mucishi canu ucite mushimu wa balesa muli nguwe. Bashali banu baNebukadinesa kabacili baami, musankwa uyo wakacanika kwaamba ayi ulicite maano, lushibo alimwi abusongo anga mbalesa. Balo baNebukadinesa bashali banu bakamusala ayi abe munene wa beshikusonda, beshimampelampela, basongo ba shintu sha mwiculu alimwi abamukabaami.

Danyelo 7:1

Mumwaaka wakutaanguna wa bwaami bwakwe Beloshasa, mwaami wa bene Babiloni, nebo neDanyelo ndakalota akubona shili anga nshiloto mashiku kaandete pabulo bwangu. Ciloto ico ndakacilemba.

Danyelo 7:28

“Ono makani ayo mpaaela peenka apa. Nebo neDanyelo ndakapenshekwa abuumbi mumoyo alimwi ciwa cangu cakasanduka kuboowa, sombi makani ayo ndakaaumunabo.”