Danyelo 4:31 - Baibo Busansulushi Bwa Libuku Ili

³¹ Kaacilyaamboosha, kwakanyumfwika liswi kalyaamba kuswa kwiculu ayi, “Omwaami Nebukadinesa, kutika nsheentooyanda kwaamba. Bulya wanyaikwa nkusu shako sha bwaami.

Danyelo 4:31 ပူးပေါင်းရင်းမြစ်များ

Matalikilo 14:18

Lyalo Melikisedeki mwaami wa Salemu wakaleta shinkwa awaini. Melikisedeki wakalinga mupailishi munene wakwe Lesa wakwiculu Wiindaawo.

Jobo 20:23

Amumuleeke akute mbuli mbwaasuni. Lesa ulaakumuloshesha bukali bwakwe.

Kulumbaisha 145:13

Bweene bwanu mbwamuyayaya, bwaami bwanu mbwa mashalane oonse. Mwaami Lesa ulacita shoonse kweelana ambwaakashomesha, ncakwiila shintu shoonse nshaakalenga ulishisuni.

Tushimpi 29:23

Kulisumpula kulalengesha muntu kuwa, sombi kulibombya kulaleta bulemu.

Isaya 14:27

Mwaami Lesa Shinkusu shoonse mwiine ngwaashinisha ayi ulaakucita shintu ishi. Ono ngani weenga wakonsha kumukasha? Lyaansa lyakwe walinyamuna kale kwaamba ayi ape mulandu. Ono ngani weenga wakonsha kuliboosha panshi?

Danyelo 12:7

Munjelo uyo wakalinga kufwete shakufwala sha nsalu iteshimite alimwi uyo wakalinga kwiimfwi peculu lya maanshi wakatambika maansa obilo oonse kwiculu. Lyalo ndakamunyumfwa kaashomesha cakulumbila muliina lyakwe Lesa waLyoonse alyoonse ayi, “Ciindi ico cilaakuba ca myaaka yotatwe amusa. Mapensho eshi akese pabantu bakwe Lesa aakumana, shintu shoonse ishi shilaakwiinda.”

Danyelo 4:24

“Nobaami, anu cili anga nciloto ici cilaamba bobulya alimwi nceeci Mwaami Lesa wa kwiculu Wiindaawo ncaamba pali ndimwe nkambo:

Danyelo 4:26

Ico shinkombe ncaamba ayi cisamu citimbulwe akushiyabo cishiki cilaamba ayi bulelo bwanu bulaakubooshekwa mumaansaanu mwaakumana kusumina ayi Lesa wa kwiculu ngoolela panshi.

Danyelo 4:30

wakalyaamboosha ayi, “Amubone kukomena ndabala inene ya Babiloni iyo njendakayaka kutondesha nkusu shangu shoonse, bulemu bwangu alimwi abwaami!”

Danyelo 4:32

Ulaakutandaanishikwa kuswa pakati ka bantu akuya mukwikala abanyama bamuluundu. Ulaakunoolya bwiisu anga niŋombe kwamyaaka yosanwe amyaaka yobilo. Kuswawaawo ulaakusumina ayi Mwaami Lesa wa kwiculu Wiindaawo ngomwaami pamalelo a bantu alimwi ayi ngooapa kubantu abo mbwaasuni.”

Danyelo 4:34

Mwaami Nebukadinesa wakaamba ayi, “Myaaka yosanwe amyaaka yobilo ndiyakeenda, nebo neNebukadinesa, ndakeenamuka. Maano angu akaboolaamo. Lyalo ndakalumba Lesa wa kwiculu Wiindaawo. Ndakalemeka akulumbaisha Lesa uyo muumi kwalyoonse alyoonse. “Bulelo bwakwe, mbulelo bwamuyayaya. Bweene bwakwe bulaakunoolikobo kwalyoonse alyoonse.

Danyelo 5:20

Sombi ndibakatalika kulisumpula, kuba beshicimpamya alimwi beshilunkutwe bakakushikwa pacuuna ca bwaami akuswa pamusena wa bulemu.

Danyelo 5:28

“PASINI, nkwaamba ayi bulelo bwanu bwabaanishikwa akupekwa kubene Mediya alimwi abene Pesha.”

Danyelo 6:27

Ulafuna akupulusha, ulacita shitondesho sha nkusu sha kwiculu ashaankamiko kwiculu alimwi apacishi ca panshi. Wakapulusha Danyelo kuswa kumilomo ya nkalamu.”

Mateyo 3:17

Mpeeke liswi lyakanyumfwika kuswa kwiculu ayi, “Uyu ngoMwanaangu ngoonsuni. Pali nguwe ndikondetwe abuumbi.”

Luka 12:20

Sombi Lesa wakamwaambila ayi, ‘Webo omuluya! Sunu lyeenka mashiku utoofwa. Ino shintu shoonse ishi nshiwakalinga kubamba kushika cecino ciindi shitooba shakwe ni?’ ”

Joni 12:28

Ta, amuboneshe bulemu bwanu!” Mpomunyaawo liswi lyakanyumfwika kuswa kwiculu kalyaamba ayi, “Ndabubonesha kale, alimwi ncibubonesha.”

1 Bene Tesalonika 5:3

Bantu baakutalika kwaamba ayi, “Shintu shoonse shaba kabotu, taaku acakulisukama,” mapensho alensha boowa ndyeshi akabashikile! Alaakwisa cakuteengashila bweenka mbuli mwanakashi mbwaanyumfwa kucisa na mumala mwabuka, ncakwiila taaku eshi akacice.

Ciyubululo 16:7

Kuswawaawo ndakanyumfwa liswi kuswa kucipaililo lyakwaamba ayi, “NoBaami baLesa Beshinkusu shoonse! Ncakwiila koombolosha kwanu nkwalushinisho alimwi kuliluleme!”

1 Samwelo 13:14

Sombi bulya bweendeleshi bwako teshi butolelele. Ono mukwiinga tookwe kumunyumfwila, Mwaami Lesa walangoola kale musankwa ucite mibo njaasuni kwaamba ayi abe mwaami wa bantu bakwe.”

1 Samwelo 15:23

Bwaashu bulibo anga ncibiibi cakusonda, akwalo kulisumpula kuli anga mbubi bwakulambila shibumbwabumbwa. Ono mukwiinga wakakaka liswi lya Mwaami Lesa, alakwe wakaka ndiwe kunoocili mwaami.”