Danyelo 4:3 - Baibo Busansulushi Bwa Libuku Ili

³ Shitondesho sha nkusu sha kwiculu shakwe shilayoosha abuumbi. Shaankamiko isho nshaacita nshankusu shiindaawo. Bweene bwakwe, mbweene bwamuyayaya. Bulelo bwakwe bulaakunoolikobo kwalyoonse alyoonse.

Danyelo 4:3 ပူးပေါင်းရင်းမြစ်များ

Jobo 25:2

“Lesa ulicite bwaami, boonse balyeelete kumulemeka. Lakwe uleendelesha liculu muluumuno.

Kulumbaisha 104:24

NoBaami baLesa, mwakalenga shintu shiinji! Ncakwiila shoonsebo mwakashilenga amaano! Ee, cishi ciliswitebo shilengwa shanu.

Kulumbaisha 105:27

Bakacita milimo ya nkusu yakwe Lesa pameenso abo akucita shaankamiko mucishi cakwe Amu.

Kulumbaisha 145:13

Bweene bwanu mbwamuyayaya, bwaami bwanu mbwa mashalane oonse. Mwaami Lesa ulacita shoonse kweelana ambwaakashomesha, ncakwiila shintu shoonse nshaakalenga ulishisuni.

Kulumbaisha 66:7

Unanoolela lyoonse alyoonse munkusu shakwe. Meenso akwe ali pabantu ba mishobo yoonse. Anu baashu batalisumpuli kunembo lyakwe.

Kulumbaisha 72:18

Aalumbaishikwe Mwaami Lesa, Lesa wa bene Isilaeli! Lakwe eenka ngwaacita shintu ishi shikankamika.

Kulumbaisha 77:19

Nshila yanu yakeenda mumaanshi, mukwakwa wanu wakapula pakati ka Lweenge, nakubi kwaamba ayi momwakalyata tamukwe kuboneka.

Kulumbaisha 86:10

Mukwiinga mulicite nkusu alimwi mulacita shikankamika. Ncakwiila mwebo nweenka ndimwe baLesa.

Kulumbaisha 92:5

Micito yanu njinene abuumbi, noBaami baLesa! Miyeeyo yanu noBaami baLesa, njiyumu kwishiba.

Isaya 25:1

NoBaami baLesa, ndimwe baLesa bangu. Ndanoosumpula akulumbaisha liina lyanu. Mwakacita shintu shikankamika abuumbi kwiinda mukushomeka kwanu kutacite kampenda, ee, shintu isho nshemwakabambabo kale kale.

Isaya 28:29

Busongo boonse ubo bulaswa kuMwaami Lesa Shinkusu shoonse, ee, kuli Lesa uyo ukankamanisha mukupanda maano amubusongo bwakwe.

Isaya 9:7

Nkusu shakwe sha bwaami aluumuno shilaakutolelela kukula. Ulaakwikala pacuuna cakwe Defedi ca bwaami akweendelesha bulelo bwakwe. Ulaakunoolela cabululami akoombolosha cakutanyengelela kuswa bobulya kushikila kwalyoonse alyoonse. Mwaami Lesa Shinkusu shoonse washinisha kwaamba ayi shintu ishi shoonse ulaakushicita.

Jelemiya 10:10

Sombi mwebo noBaami baLesa ndimwe baLesa balushinisho. Muli baLesa boomi, muli Baami balyoonse alyoonse. Na mwakalala, acishi cilatenkaana alimwi taaku mushobo weenga weemikana kunembo lya bukali bwanu.

Danyelo 2:2

Lyalo wakeeta beshimampelampela, beshikusonda, baloshi alimwi abasongo ba shintu shili mwiculu kwaamba ayi bese bamusansulwite ciloto ico. Ndibakashika, bakeemikana kunembo lya mwaami.

Danyelo 2:44

“Muciindi ca bamaami abo Lesa wa kwiculu ulaakuleta bwaami ubo bweshi bukabule kumana. Teshi bukakomweewo, sombi bulaakunyonyoola malelo amwi ayo oonse akulela kwalyoonse alyoonse.

Danyelo 4:17

Beshinkombe basalalite mbobaambilisha kupingula uko kwaamba ayi bantu boomi boonse beshibe ayi Mwaami Lesa Shinkusu shoonse ngoocite nkusu pamalelo a bantu alimwi ngooapa kubantu bali boonse mbwaasuni. Ncakwiila ulapa bantu balibombya kweendelesha malelo ayo.’

Danyelo 7:14

Mpeeke wakapekwa nkusu, bulemu abwaami kwaamba ayi bamumishobo yoonse, bashikanda shipusenepusene abamumilaka yoonse ayi bamulambile. Bulelo bwakwe teshi bukamaneewo alimwi Bwaami bwakwe teshi bukanyonyoolweewo.

Danyelo 7:27

Nkusu shoonse abulemu boonse bwa malelo oonse a mucishi ca panshi shilaakupekwa kubantu basalalite bakwe Lesa wa kwiculu Wiindaawo. Bulelo bwabo bulaakuba bwalyoonse alyoonse alimwi baleli boonse ba mucishi ca panshi balaakunoobasebensela akubanyumfwila.’

Bene Loma 11:33

Ma, Lesa ulicite nkumbu abuumbi! Ngumusongo bumbi alimwi lushibo lwakwe talwaambiki! Taaku weenga wasansulula miyeeyo yakwe nabi kunyumfwishisha nshila shakwe.

Dutolonomi 4:34

Sa kuliiwo lesa wakayeeyaawo kuya mukubwesa bantu kuswa pakati ka mushobo umwi akubaalula kuba bantu bakwe mbuli bwakamucita Mwaami Lesa, Lesa wanu muIjipiti? Mumeenso anu wakasebensesha nkusu shakwe shinene. Wakaletela bene Ijipiti myaalu ankoondo, wakacita shaankamiko ashitondesho sha nkusu sha kwiculu alimwi akulengesha shintu shiyoosha kucitika.

1 Timoti 1:17

Ono kuMwaami wamuyayaya, utafwi, utaboneki, uyo uli ngoLesa eenkabo, akube bulemu amucinshi lyoonse alyoonse. Ameni.

Bene Ebulu 1:8

Sombi kwalo kuMwanaakwe, Lesa wakaamba ayi, “OLesa, cuuna ca bwaami bwako cilaakunoolikobo lyoonse, alimwi mubweendeleshi bwako muli bululami.

Bene Ebulu 2:4

Alakwe Lesa wakalinga kuyumya bukamboni bwabo kwiinda mukucita shaankamiko shipusenepusene ashitondesho sha nkusu sha kwiculu alimwi akwiinda mukubapa shipo sha Mushimu Usalashi kweelana akuyanda kwakwe.

1 Pita 4:11

Uyo woonse ushimikila, ulyeelete kwaamba maswi akwe Lesa. Uyo woonse usebensa milimo mucoonde, ulyeelete kusebensa kweelana ankusu Lesa nshaamupa, kwaamba ayi mushintu shoonse Lesa alemekwe kwiinda muli Jesu Klistu. Bulemu ankusu nshakwe Jesu Klistu lyoonse alyoonse. Ameni.

Ciyubululo 11:15

Kuswawaawo munjelo wasanu abobilo wakalisha lupeenga lwakwe. Lyalo kwakanyumfwika maswi akoolobeshekwa kuswa kwiculu ayi, “Nkusu shakweendelesha cishi shili mumaansa a Mwaami Lesa aUsalitwe wakwe alimwi balaakweendelesha kwamuyayaya!”