Danyelo 4:27 - Baibo Busansulushi Bwa Libuku Ili

²⁷ Paceebo ceeco nobaami amukonkele nsheshi mulwiiteeko. Amuleke kucita shibiibi akutalika kucita shiluleme alimwi musanduke kuswa kububi akutalika kuba ankuumbu kubaabo balyatililwa. Lyalo mpashi mulaakutolelela kuya ciswitilila.”

Danyelo 4:27 ပူးပေါင်းရင်းမြစ်များ

Matalikilo 11:4

Lyalo bakaamba ayi, “Ono atuyake ndabala inene acaanda cilaamfu cishika kwiculu, kwaamba ayi tupange liina, akwaamba ayi tutapalanganini mucishi ca panshi.”

1 Baami 21:29

“Sa wamubona Aabu mbwaalyungumika kuli ndime? Ono mbwaacita bobulya, teshi nkalete shinkunka isho kaacili muumi. Ndaakushileta ciindi mwanaakwe aakunoolela.”

Kulumbaisha 119:46

Ndaakwaamba kwiisha kwanu pameenso a bamaami. Teshi nkalenshekwewo nsoni.

Tushimpi 11:2

Na muntu walisumpula, ulalenshekwa nsoni cakufwambaana, sombi na waliceesha ulaba abusongo.

Tushimpi 16:6

Lusuno alushomo nsheshileta kulekelelwa kwa shibiibi. Na kooloonda Mwaami Lesa, inga kootabishiiwo napaceyi.

Tushimpi 28:13

Uyo ushisa shibiibi shakwe tabiiwo acoolwe, sombi uyo ulyaambilila shibiibi shakwe akushileka, ulaakulekelelwa.

Isaya 10:13

Muleli uyo ulalisumpula ayi, “Shoonse ishi ndakashicita kwiinda munkusu shangu, mubusongo bwangu alimwi amukucenjela kwangu. Ncakwiila ndamanisha manyinsa pakati ka mishobo akubwesa buboni mbobakalinga kusungite. Bamaami babo ndakabalwana akubalyatoola anga ngumucende.

Isaya 47:10

Wacinka manungo mububi bwako akwaamba ayi, ‘Taaku umbwene.’ Busongo buli muli ndiwe alushibo shakutola kumbi. Webo ulalisumpula mukwaamba ayi, ‘Ndimebo alimwi taaku aumwi kulekabo ndime.’

Isaya 47:8

“Ono kutika webo omukondwa kumangweengwe. Ee, webo nooyeeya ayi toocite cakulisukama alimwi uli muluumuno. Ulalyaamba ayi webo ulicite bulemu anga nguLesa alimwi taaku aumwi uli mbuli ndiwe. Webo wakalinga kuyeeya ayi teshi ukabeewo mukalubinje nabi kufwitwaawo baana.

Jelemiya 29:7

Kuswawaawo muyandoole luumuno akuswitilila kwa ndabala iyo njendakamutolaako busha. Amumpaile kuli ndime neMwaami Lesa pandabala iyo ceebo na ikaswitilile, amwebo mulaakuswitilila.’

Jelemiya 38:20

Mpomunyaawo nebo neJelemiya ndakakumbula ayi, “Teshi bakamwaabeewo mumaansaabo, sobwe. Mwebo amunyumfwilebo Mwaami Lesa mukucita nsheentoomulwiita. Lyalo shintu shilaakumweendela kabotu alimwi teshi mukacaikweewo.

Esekelo 18:7

Taalyatilili muntu nabi womwi, sombi ulapilusha cintu ncaakacatila kushinkongole. Taaciti bupambi, sombi ulapa shakulya kubaabo bafwite nsala akupa shakufwala abo batacite.

Esekelo 29:3

Umulwiite ayi nebo neMwaami Lesa Shinkusu shoonse ndaamba ayi, ‘Webo Falawo mwaami wa bene Ijipiti, nebo ntooyanda kukulwana, ee, kulwana ndiwe oshinshimwe ukala mumulonga wako. Ulaamba ayi Mulonga wa Nailo ngwaako alimwi ayi ndiwe wakoopanga omwiine.

Esekelo 29:9

Cishi ca Ijipiti cilaakunyonyooka akuba luyanga. Lyalo ndyeshi bakeshibe ayi nebo ndi Mwaami Lesa. “ ‘Mukwiinga wakalinga kwaamba ayi Mulonga wa Nailo ngwaako alimwi ayi ndiwe wakoopanga omwiine,

Jowelo 2:14

Ngani ushi, mpashi inga wamufwita nkumbu. Lyalo ulaakumupa coolwe mukumupa shishango shiinji. Mpeeke mulaakunootola shipo sha fulaulo asha cakunwa kuMwaami Lesa, Lesa wanu.

Amosi 6:13

Mwebo mulalilumbaisha pakukoma ndabala ya Lo Deba akwaamba ayi, “Sa te twakakoma ndabala ya Kanaimu munkusu shesu sobeene?”

Jona 3:9

Mpashi Lesa inga wapilula miyeeyo abukali bwakwe kwaamba ayi tukabule kufwa!”

Abakuku 1:11

Ncakwiila baleenda akuya cakufwambaana anga ngumuuwo. Bashilumamba aba balabona nkusu shabo anga ngolesa wabo.”

Sefaniya 2:15

Iyi njendabala ilisumpula iyo ikala muluumuno. Yakalinga kulyaamboosha ayi, “Ncakwiila taaku ndabala ili mbuli ndime, sobwe.” Bulya yababo matongo mwakuyuba banyama ba muluundu! Abo boonse beendaamo balaakwiiseka akunooitondeka maansaabo.

Mateyo 3:8

Amucite ncito shibotu shitondesha ayi mwasanduka kuswa kushibiibi shanu.

Luka 11:41

Amupe bapengete isho shintu shili munkomeshi ambale, lyalo shoonse shintu shilaakumusalalila.

Milimo ya Batumwi 24:25

Sombi Paulo ndyaakalinga kwaamba shabululami, kulilama alimwi ashabushiku Lesa ndyeshi akoomboloshe bantu, Felekisi wakaloonda. Mpeeke wakaambila Paulo ayi, “Pacecino ciindi inga waya, ndakwiita alimwi na mbe aciindi.”

Milimo ya Batumwi 26:20

Ndakataanguna kushimikila muDamasikasi, muJelusalemu amucishi coonse ca Judeya alimwi akubaswamashi bakunsengwe. Ndakabashimikila ayi balyeelete kusanduka kuswa kushibiibi shabo akushoma muli Lesa alimwi akucita shintu shibonesha ayi bakasanduka cancinencine.

Milimo ya Batumwi 8:22

Paceebo ceeco, sanduka kuswa kucibiibi ici ncootooyeeya. Senga kuMwaami kwaamba ayi mpashi inga wakulekelela.

2 Bene Kolinto 5:11

Ono tulishi ayi Mwaami ulyeelete kulemekwa, aboobo tuleelesha kunyengelela bantu. Lesa ulishi shoonse shapali ndiswe alimwi ndashoma kwaamba ayi amwebo mulinshi mumyoyo yanu.

Bene Galatiya 5:13

Mwebo nobamakwesu, Lesa wakamwiita kwaamba ayi mwaanguluke. Anu amucenjele kwaamba ayi lwaanguluko ulu lutamulengeshi kwikala buumi bwa kubisha, sombi mucafwane womwi awomwi mulusuno.

Bene Galatiya 5:22

Sombi shisepo sha Mushimu Usalashi, ndusuno, kusangalala, luumuno, kukomenya moyo, nkumbu, kubota moyo, kushomeka,

Bene Galatiya 5:6

Mukwiinga swebo sotuli muli Klistu Jesu, kupalulwa nabi kutapalulwa taaku mbokubete, sombi cinene nkuba alushomo kwiinda mulusuno.

Bene Efeso 4:28

Muntu wakalinga mwiipi ateepi lyobilo, sombi atalike kusebensa amaansaakwe kwaamba ayi anoolicafwa akucafwako bapenshi.

Dutolonomi 24:13

Kamumubooshesha macolesha lyoonse ayi anoofwala pakoona. Lyalo ulaakukulumba, alakwe Mwaami Lesa, Lesa wanu ulaakukondwa ceebo ca micito yanu ibotu.

Dutolonomi 32:27

Sombi ndakaloonda balwani babo kulisumpula akwaamba ayi bakanyonyoola bantu bangu, kakuli ndime ndakabanyonyoola nemwiine.’

Dutolonomi 8:17

Ono aboobo tamweelete kuyeeya ayi mwaba abuboni buunji kwiinda munkusu shanu nobeene.

1 Pita 4:8

Cinene ncakwaamba ayi musunane cankusu ceebo na mwasunana, inga kamulibambite kulekelelana shibiibi.