Danyelo 4:2 - Baibo Busansulushi Bwa Libuku Ili

² Ndikondetwe abuumbi kumulwiita shitondesho sha nkumbu sha kwiculu ashaankamiko isho Lesa wa kwiculu Wiindaawo nshaancitila nebo.

Danyelo 4:2 ပူးပေါင်းရင်းမြစ်များ

Jobo 7:14

mwebo mulanjoosha kwiinda mumaloto abiibi, ee, mulanjoosha mushili anga nshiloto.

Kulumbaisha 51:14

NobaLesa mutandeeki ayi mfwe, sombi amumpulushe. Lyalo ndaakushimikila pabululami bwanu cakukondwa.

Kulumbaisha 65:9

Mulalama cishi kwiinda mukucipa mfula, mulacipa mboleshi shiinji abuumbi. Tulonga twanu mulatususha maanshi kwaamba ayi bantu babe ashilyo. Mboboobo mbomwakacibamba ayi cibe.

Kulumbaisha 66:16

Kamwisa mukutike noonse nomulemeka Lesa, ntoomulwiita nshaakancitila.

Kulumbaisha 71:18

Ono bulya mbondacembela, amumutwi mbomwatuba kumfwi, mutamfutatili nobaLesa kushikila nkaambilishe nkusu shanu kulishalane licisa kunembo. Ee, nkaambilishe nkusu shanu kubaabo bacisa mukushalwa.

Danyelo 2:1

Mumwaaka wabili wa bwaami bwakwe, Nebukadinesa wakalota ciloto ico cakamupensha abuumbi mumoyo cakwaamba ayi taakalinga koona tulo.

Danyelo 3:26

Kuswawaawo Nebukadinesa wakasena pamulyango wa munyumbi akwiita ayi, “Shadileki, Mishaki, Abedinego, nobasebenshi ba Mwaami Lesa wa kwiculu Wiindaawo, amuswe!” Lyalo bakaswa ciindi ceenka ico.

Danyelo 4:17

Beshinkombe basalalite mbobaambilisha kupingula uko kwaamba ayi bantu boomi boonse beshibe ayi Mwaami Lesa Shinkusu shoonse ngoocite nkusu pamalelo a bantu alimwi ngooapa kubantu bali boonse mbwaasuni. Ncakwiila ulapa bantu balibombya kweendelesha malelo ayo.’

Danyelo 4:24

“Nobaami, anu cili anga nciloto ici cilaamba bobulya alimwi nceeci Mwaami Lesa wa kwiculu Wiindaawo ncaamba pali ndimwe nkambo:

Danyelo 4:25

Mulaakutandaanishikwa kuswa pakati ka bantu akuya mukwikala abanyama bamuluundu. Mulaakunoolya bwiisu anga niŋombe alimwi mume kuswa kwiculu ulaakunoomutontosha. Cilaakuba boobo kushikila myaaka yosanwe amyaaka yobilo ikeende. Kuswawaawo ndyeshi mukasumine ayi Mwaami Lesa wa kwiculu Wiindaawo ngomwaami pamalelo a bantu alimwi ngooapa kubantu abo mbwaasuni.

Danyelo 4:34

Mwaami Nebukadinesa wakaamba ayi, “Myaaka yosanwe amyaaka yobilo ndiyakeenda, nebo neNebukadinesa, ndakeenamuka. Maano angu akaboolaamo. Lyalo ndakalumba Lesa wa kwiculu Wiindaawo. Ndakalemeka akulumbaisha Lesa uyo muumi kwalyoonse alyoonse. “Bulelo bwakwe, mbulelo bwamuyayaya. Bweene bwakwe bulaakunoolikobo kwalyoonse alyoonse.

Danyelo 5:18

“Nobaami, Lesa wa kwiculu Wiindaawo wakapa bashali banu baNebukadinesa bwaami, bulemu, nkusu abulemu bwa bulelo bwabo.

Danyelo 6:27

Ulafuna akupulusha, ulacita shitondesho sha nkusu sha kwiculu ashaankamiko kwiculu alimwi apacishi ca panshi. Wakapulusha Danyelo kuswa kumilomo ya nkalamu.”

Danyelo 7:25

Mwaami uyo ulaakunokwaamba shintu shakulwana Lesa wa kwiculu Wiindaawo akupensha bantu bakwe Lesa. Ulaakweelesha kusandula nshiku shakusekelela shibambitwe alimwi aMilawo yakwe Lesa. Bantu basalalite bakwe Lesa balaakuba mumaansaakwe kwamyaaka yotatwe amusa.

Joni 4:48

Jesu wakamwaambila ayi, “Na mwabula kubona shaankamiko ashitondesho sha nkusu sha kwiculu shimwi, tamushomiiwo tau.”

Joshuwa 7:19

Ono Joshuwa wakaambila Akani ayi, “Omwanaangu, amba calushinisho pameenso a Mwaami Lesa, Lesa wa bene Isilaeli, ulyaambilile omwiine ico ncewacita. Utacishisi kuli ndime.”