Danyelo 4:18 - Baibo Busansulushi Bwa Libuku Ili

¹⁸ “Lyalo Mwaami Nebukadinesa wakaamba ayi, ‘Anu ici nceciloto ncendakalota. Ono webo Beloteshasa, ndwiite mbocaamba ciloto ici, mukwiinga taaku nabi womwi pakati ka basongo bali mubulelo bwangu weenga wacisansulula. Sombi webo inga wacisansulula ceebo mushimu wa baLesa basalalite uli muli ndiwe.’ ”

Danyelo 4:18 ပူးပေါင်းရင်းမြစ်များ

Matalikilo 40:12

Josefu wakaamba ayi, “Cilaamba bobulya, misampi yotatwe ninshiku shotatwe.

Matalikilo 41:15

Mpeeke mwaami uyo wakamwaambila ayi, “Ndaloota alimwi taaku ukonsha kupandulula ciloto ico. Ono ndanyumfwa ayi webo ulakonsha kupandulula shiloto.”

Matalikilo 41:8

Macuunsa wakalisukama, aboobo wakatuma nkombe kubeshimampelampela abasongo boonse ba muIjipiti ayi bese. Wakabaambila shiloto shakwe, sombi taaku wakakonsha kumupandulwita shiloto isho.

Isaya 19:3

Bene Ijipiti balaakutyongola alimwi ndaakulengesha miyeeyo yabo kubula mpindu. Balaakwiipusha kushibumbwabumbwa, kumishimu, kubeshi shamucaamba alimwi akubeshikwaamba amishimu.

Danyelo 1:20

Mumakani oonse a busongo amaano akunyumfwisha shintu ayo mwaami ngaakabeepusha, wakacana kwaamba ayi balo bakalinga kucite busongo ciine kwiinda beshimampelampela abeshikusonda bali mubwaami bwakwe boonse.

Danyelo 2:38

Wakamulengesha kuba muleli wa bantu boonse, banyama alimwi abayuni boonse. Anu mutwi wa golodi uleemikanina ndimwe.

Danyelo 2:7

Mpomunyaawo boonse bakakumbula alimwi ayi, “Nobaami amutulwiitebo ciloto mbocalinga, lyalo tutoomulwiita mbocaamba.”

Danyelo 5:15

Basongo abeshimampelampela bakeetwa ayi bese babelenge malembo aya akundwiita ncaamba, sombi boonse bakaalilwa.

Danyelo 5:8

Lyalo beshikumupandaako maano boonse bakasena pafwaafwi, sombi taaku nabi womwi wakakonsha kubelenga malembo ayo nabi kulwiita mwaami mbwaakalinga kwaamba.

Amosi 3:7

Ncakwiila Mwaami Lesa Shinkusu shoonse taaciti cintu, kaatana kuyubulula muyeeyo wakwe kubasebenshi bakwe balaluki.