Danyelo 4:14 - Baibo Busansulushi Bwa Libuku Ili

¹⁴ Shinkombe uyo wakoolobesha ayi, ‘Amutimbule cisamu ico, amusaboole misampi ya ncinco, amucipulule matewu akusoweela shisepo sha ncico. Amulengeshe banyama kucica kuswa munshaancico alimwi abayuni kuulukaamo.

Danyelo 4:14 ပူးပေါင်းရင်းမြစ်များ

Jobo 24:20

Abalo banyina balamulubaako. Mapila aalo alamulya cakutamushiyaako. Ulanyonyoolwabo bweenka bunyonyoolwa cisamu cawa.

Jelemiya 27:5

“Ndakalenga cishi ca panshi, bantu abanyama bekalaamo kwiinda munkusu shangu shinene abuumbi alimwi alyaansa lyangu lifungulukite. Cishi ici ndakonsha kucipa kumuntu uli woonse ngondasala.

Jelemiya 51:6

“Amucice kuswa kuBabiloni! Mucice kufuna buumi bwanu! Mutanyonyooki ceebo ca shibiibi sha bene Babiloni. Cashikila ciindi cakwaamba ayi nebo neMwaami Lesa mbooshe cishole kundabala iyo. Ndaakwiipa mulandu kweelana amicito ya njiyo.

Jelemiya 51:9

Baswamashi bakaamba ayi, “Twakeelesha kushilika Babiloni, sombi ciindi cakushilika cakeenda. Atumushiyebo, tuboolele mwesu mwesu ceebo mulandu wakwe ulishikite akwiculu. Ncakwiila ulishikite amumakumbi.”

Esekelo 31:10

“Paceebo ceeco nebo neMwaami Lesa Shinkusu shoonse ndaamba ayi, ‘Ono ceebo cakwaamba ayi cakalaampa cakuyanda kushika amumakumbi alimwi akulisumpula kwa ncico ceebo ca kulaampa,

Danyelo 2:21

Ulasandula nshiku ashiindi sha mumwaaka. Ulabika bantu pabwaami alimwi akubakushaawo. Ulapa busongo amaano akunyumfwisha shintu.

Danyelo 3:4

Lyalo ushikwaambilisha wakoolobesha aliswi lyapeculu ayi, “Nobantu bamumishobo yoonse, bashikanda shipusenepusene abamumilaka yoonse amukutike!

Danyelo 4:12

Cakalinga kucite matewu abotu abuumbi alimwi cakacata shisepo shiinji cakukwanisha bantu boonse mucishi. Banyama bamuluundu bakalinga kookeshesha mucimfule ca ncinco. Bayuni bakalinga kuyaka shiinswa mumisampi ya ncico alimwi shilengwa shoonse shuumi shakalinga kulya shisepo sha ncico.

Danyelo 4:23

“Nobaami, mwebo mwakabona shinkombe usalalite keesa kuswa kwiculu akwaamba ayi, ‘Amutimbule cisamu ico akucinyonyoola. Sombi mushiye cishiki panshi kacaangitwe ncetani ya nshimbi abulonse. Mucileeke cinoolibo muluundu, mubwiisu amiyanda ya ncico keeli mubulongo. Mume aulokele pali nguwe, eekale anga mbanyama bamuluundu kushikila myaaka yosanwe amyaaka yobilo ikeende.’

Danyelo 4:29

Ono ndipakeendabo myeenshi likumi amyeenshi yobilo, mwaami Nebukadinesa kaaendaana peculu lya ŋanda ya bwaami ya cishi ca Babiloni,

Danyelo 5:20

Sombi ndibakatalika kulisumpula, kuba beshicimpamya alimwi beshilunkutwe bakakushikwa pacuuna ca bwaami akuswa pamusena wa bulemu.

Danyelo 5:21

Kuswawaawo bakabatandaanya kuswa pakati ka bantu alimwi maano abo akasanduka kuba abunyama. Bakekala ambongolo sha muluundu akunoolya bwiisu anga niŋombe alimwi mume kuswa kwiculu wakalinga kubatontosha. Kuswawaawo bakasumina ayi Mwaami Lesa wa kwiculu Wiindaawo ngomwaami pamalelo a bantu alimwi ngooapa kubantu abo mbwaasuni.

Mateyo 3:10

Bulya keembe kakutimbwishako shisamu kumiyanda kalibambitwe kale. Aboobo, cisamu coonse citacati shisepo shibotu, cilaakutemwa akuwaalwa mumulilo.

Mateyo 7:19

Cisamu cili coonse citacati shisepo shibotu cilatemwa akuwaalwa mumulilo.

Luka 3:9

Bulya keembe kakutimbwishako shisamu kumiyanda kalibambitwe kale. Aboobo cisamu coonse citacati shisepo shibotu, cilaakutemwa akuwaalwa mumulilo.”

Ciyubululo 10:3

Lyalo wakoolobesha muliswi lyakanyumfwika anga nkubuluma kwa nkalamu. Ndyaakamana koolobesha, shilulumo shili shosanwe ashobilo shakanyumfwika.

Ciyubululo 18:2

Wakoolobesha ayi, “Yawa, yawa ndabala inene ya Babiloni! Yaba momwakwikala bashikaswa ba mishobo yoonse. Yaba momwakwikala shiyuni shitasalalite alimwi shilensha bunya.