Danyelo 4:13 - Baibo Busansulushi Bwa Libuku Ili

¹³ “Ono kaanciyeeya pacili anga nciloto ico, ndakabona shinkombe usalalite keesa kuswa kwiculu.

Danyelo 4:13 ပူးပေါင်းရင်းမြစ်များ

Jobo 12:24

Ulalengesha bamatanjilili babo kuba bakaluyaluya, akubeengoosha muluundu mutaamu nabi kashila.

Kulumbaisha 103:20

Amulumbaishe Mwaami Lesa nobaanjelo bakwe beshinkusu, mwebo nomukonkela milawo yakwe akunyumfwila maswi ngaamwaambila.

Kulumbaisha 89:7

NobaLesa mulaloondwa abuumbi munkuta ya basalalite. Ncakwiila boonse abo balamulemeka noBaami baLesa.

Danyelo 4:10

“Ndindakalinga kulete ndakabona cisamu cilaamfu abuumbi pakati ka cishi ca panshi mucili anga nciloto.

Danyelo 4:17

Beshinkombe basalalite mbobaambilisha kupingula uko kwaamba ayi bantu boomi boonse beshibe ayi Mwaami Lesa Shinkusu shoonse ngoocite nkusu pamalelo a bantu alimwi ngooapa kubantu bali boonse mbwaasuni. Ncakwiila ulapa bantu balibombya kweendelesha malelo ayo.’

Danyelo 4:23

“Nobaami, mwebo mwakabona shinkombe usalalite keesa kuswa kwiculu akwaamba ayi, ‘Amutimbule cisamu ico akucinyonyoola. Sombi mushiye cishiki panshi kacaangitwe ncetani ya nshimbi abulonse. Mucileeke cinoolibo muluundu, mubwiisu amiyanda ya ncico keeli mubulongo. Mume aulokele pali nguwe, eekale anga mbanyama bamuluundu kushikila myaaka yosanwe amyaaka yobilo ikeende.’

Danyelo 4:5

Sombi ndakalota cintu ciloondesha akubona shili anga nshiloto shilensha boowa ndindakalinga kulete.

Danyelo 7:1

Mumwaaka wakutaanguna wa bwaami bwakwe Beloshasa, mwaami wa bene Babiloni, nebo neDanyelo ndakalota akubona shili anga nshiloto mashiku kaandete pabulo bwangu. Ciloto ico ndakacilemba.

Danyelo 7:17

Wakaamba ayi, ‘Banyama banene bone abo baleemikanina malelo one ayo eshi akabe mucishi ca panshi.

Danyelo 7:23

“Wakansansulwita ayi, ‘Munyama wane uyo uleemikanina bulelo bwane ubo bweshi bukabe mucishi ca panshi alimwi bweshi bukapusaneeko amalelo amwi. Bulaakupwayoola cishi coonse ca panshi akucilyatoola.

Danyelo 8:13

Lyalo ndakanyumfwa usalalite umwi kaamba aumwi usalalite wakamwaambila ayi, “Citooba ciindi cilaamfu buyani cili anga nciloto ici kacitana kucitika cancinencine? Citooba ciindi cilaamfu buyani bubi ubo bulensha bunya kabushinkila kubengwa kwa milambu ya bushiku abushiku? Citooba ciindi cilaamfu buyani likoto lya nyenyeenshi sha kwiculu kalilyatililwa pantu pomwi aŊanda yakwe Lesa?”

Sekaliya 14:5

Lyalo mwebo mulaakuloboka akwiinda mucinyika ceenka ico ceebo cilaakuya mukushika akuAselo. Mulaakucica bweenka mbomwakacica ciindi cilya citentanshi ndicakacitika mubwaami bwakwe Usiya mwaami wa bene Juda. Kuswawaawo Mwaami Lesa ulaakwisa pantu pomwi abasalalite bakwe boonse.

Mateyo 25:31

“Ono MwanaaMuntu ndyeshi akese mubulemu abaanjelo bakwe boonse ba kwiculu, ulaakwikala pacuuna cakwe ca Bwaami.

Maako 1:24

“Anu twamucitanshi mwebo nobaJesu ba kuNasaleti? Sa mwesa mukutunyonyoola? Ndimwishi, ndimwe wooyo Usalalite uswa kuli Lesa!”

Luka 4:34

“Anu twamucitanshi mwebo nobaJesu ba kuNasaleti? Sa mwesa mukutunyonyoola? Ndimwishi ndimwe wooyo Usalalite uswa kuli Lesa!”

Dutolonomi 33:2

Wakaamba ayi, “Mwaami Lesa wakaswa kuKalundu ka Sinayi. Wakaboneka anga ndisuba kuEdomu akumunikila bantu bakwe kuswa kuKalundu ka Palani. Wakesa abaanjelo bali shuulu likumi, kululyo lwakwe kwakalinga kunyaka mulilo.

Judi 1:14

Mbobaaba mbwaakalaluka Enoki, wasanu abobilo mubushalwe kuswa kuli Adamu, ndyakaamba ayi, “Amubone, Mwaami ulaakwisa abaanjelo bakwe basalalite bali shuulu ashuulu.

Ciyubululo 14:10

ulaakunwa waini wa bukali bwakwe Lesa, uyo ngweshi ukatiilwe munkomeshi ya bukali bwakwe cakutatilako cakubombya bukali. Boonse bacita sheeshi balaakupenshekwa mumulilo alimwi asalufa pameenso abaanjelo basalalite alimwi aMwanaambelele.