Danyelo 3:7 - Baibo Busansulushi Bwa Libuku Ili

⁷ Lyalo ndibakanyumfwa kulila kwa mapeenga ashakulisha shimwi isho, bantu boonse bamumishobo yoonse, bashikanda shipusenepusene amumilaka yoonse bakafukama akulambila cibumbwabumbwa cakeemika mwaami Nebukadinesa.

Danyelo 3:7 ပူးပေါင်းရင်းမြစ်များ

Jelemiya 51:7

Babiloni wakalinga anga ninkomeshi ya golodi mumaansaangu akulengesha cishi coonse ca panshi kukolwa. Mishobo ya bantu yoonse yakanwa waini wakwe. Aboobo paciindi cino ilicinkukite.

Danyelo 2:46

Lyalo mwaami Nebukadinesa wakafukama cakushisha ciwa panshi kunembo lyakwe Danyelo mukumulemeka. Mpeeke wakaamba ayi milambu ibengwe kuli nguwe akumupa shipo.

Danyelo 3:10

Nobaami, mwebo mwabika mulawo wakwaamba ayi na munyumfwe mapeenga, pesule munyumfwe mitoolilo, tunkobele, tulumbu tunene atuniini alimwi akulila kwa shakulisha shimwi shoonse, mulyeelete kufukama akulambila cibumbwabumbwa ico ca golodi

Danyelo 3:4

Lyalo ushikwaambilisha wakoolobesha aliswi lyapeculu ayi, “Nobantu bamumishobo yoonse, bashikanda shipusenepusene abamumilaka yoonse amukutike!

Danyelo 3:5

Na munyumfwe kulila kwa mapeenga, pesule munyumfwe mitoolilo, tunkobele, tulumbu tunene atuniini alimwi akulila kwa shakulisha shimwi shoonse, mulyeelete kufukama akulambila cibumbwabumbwa ca golodi cakeemika mwaami Nebukadinesa.

Danyelo 3:6

Muntu uli woonse uyo weshi akabule kucita boobo, ciindi ceenka ico ulaakuwaalwa mumunyumbi mutoonyaka mulilo uyoosha.”

Danyelo 3:8

Kuswawaawo bene Babiloni bamwi bakatalika kupa milandu baJuda.

Milimo ya Batumwi 14:16

Kale kale Lesa wakaleka bantu ayi inga bacita cili coonse kweelana akuyanda kwabo.

1 Joni 5:19

Tulishi kwaamba ayi tuli bakwe Lesa nabi bantu bamwi boonse batokweendeleshekwa aMubiibi.

Ciyubululo 12:9

Lyalo shinshimwe uyu bakamuwaala panshi, njensoka ikulukulu ilya, iitwa ayi Mubiibi nabi Satana, uyo ucenjeeka bantu boonse mucishi ca panshi. Wakawaalwa panshi pantu pomwi abaanjelo bakwe boonse.

Ciyubululo 13:14

Mpeeke wakabeca bantu boonse ba mucishi ca panshi kwiinda mushaankamiko nshaakasuminishikwa kucita ceebo ca munyama mutaanshi. Munyama uyu wakabaambila ayi bapange cibumbwabumbwa cakubonesha bulemu kumunyama uyo wakabuka ndyaakalinga wayaswa mupeeni.

Ciyubululo 13:3

Kumutwi umwi wa munyama kwakalinga kuboneka anga kuli cipwaloonda, sombi cipwaloonda ico cakamana. Bantu boonse mucishi ca panshi bakakankamana abuumbi pamunyama uyu, mpeeke bakamukonkela.

Ciyubululo 13:8

Bantu boonse bekala mucishi ca panshi balaakulambila munyama uyu, kukushakobo baabo bacite meena akalembwa mulibuku lya boomi cishi kacitana kulengwa, ee, mulibuku lilya lya Mwanaambelele wakacaikwa.

Ciyubululo 17:8

Ulya munyama ngowabona, wakalinga muumi, sombi bulya teshi muumi. Uli pafwaafwi kuswa mucilindi citeeli kwaamba ayi akaye akanyonyoolwe. Bantu boonse bali mucishi ca panshi, abo bacite meena atakwe kulembwa mulibuku lya buumi kuswa kumatalikilo a cishi, balaakukankamana pakubona munyama uyu. Kale kale, munyama uyu wakalinga muumi, sombi bulya teshi muumi, nakubi kwaamba ayi ulaakuboneka alimwi.

Ciyubululo 19:20

Munyama uyo wakacatwa pantu pomwi amulaluki mubeshi uyo wakalinga kucita shaankamiko ceebo ca nguwe. Kwiinda mushaankamiko nshemunya ishi, wakacenjeeka bantu abo bakalinga kucite keshibilo ka munyama alimwi abaabo balambila cibumbwabumbwa cakwe. Mpeeke munyama uyo alimwi amulaluki mubeshi, bakawaalwa mulweenge lwa mulilo uyo unyaka asalufa, kabalasha.