Danyelo 3:20 - Baibo Busansulushi Bwa Libuku Ili

²⁰ Mpeeke wakaambila bashilumamba beendaawo nkusu mulikoto lyakwe lya bashilumamba ayi baange Shadileki, Mishaki aAbedinego akubawaala mumunyumbi mutoonyaka mulilo uyoosha.

Danyelo 3:20 ပူးပေါင်းရင်းမြစ်များ

Danyelo 1:7

Wacinenenene munene uyo wakabapa meena amwi. Danyelo wakatumbwa ayi Beloteshasa, Ananiya wakatumbwa ayi Shadileki, Mishaelo wakatumbwa ayi Mishaki aAsaliya wakatumbwa ayi Abedinego.

Danyelo 3:15

Ono bulya na mukanyumfwe mapeenga, pesule mukanyumfwe mitoolilo, tunkobele, tulumbu tunene atuniini alimwi akulila kwa shakulisha shimwi shoonse, mukafukame akulambila cibumbwabumbwa. Ono na mukabule kucita boobo, ciindi ceenka ico mulaakuwaalwa mumunyumbi mutoonyaka mulilo uyoosha. Sa mutooyeeya ayi kuli lesa weshi akamupulushe kuswa mumaansaangu?”

Danyelo 3:19

Mpomunyaawo Nebukadinesa wakakalala abuumbi pali Shadileki, Mishaki aAbedinego. Ncakwiila ciwa cakwe cakasanduka ceebo ca bukali. Lyalo wakalwiita basebenshi bakwe ayi babike mulilo mumunyumbi akulengeshaamo kulungula kwiinda mbomuba lyoonse mankanda ali osanwe aobilo.

Danyelo 3:21

Aboobo bakabaanga kabafwete mingaanjo, matangaasa, kubikaawo ashisani shakufwala kumitwi ashakufwala shabo shimwi shoonse akubawaala mumunyumbi uyo.

Milimo ya Batumwi 16:23

Ndibakamana kubooma cankusu, bakababika muntolongo. Lyalo boomboloshi bakaambila shikulindilila ntolongo ayi abalaame cancinencine.

Milimo ya Batumwi 16:25

Ingayi pakati ka mashiku Paulo aSailasi bakalinga kupaila akwiimba nyimbo shakulemeka Lesa. Abalo bakailinyinaabo bakalinga kukutika mbuli mbobakalinga kwiimba.