Danyelo 3:18 - Baibo Busansulushi Bwa Libuku Ili

¹⁸ Nabi wabula kucita boobo, nobaami mulyeelete kwishiba ayi teshi tukasebenselewo balesa banu nabi kulambila cibumbwabumbwa ca golodi ncemwakeemika.”

Danyelo 3:18 ပူးပေါင်းရင်းမြစ်များ

1 Baami 19:14

Lakwe wakakumbula ayi, “NoBaami baLesa Beshinkusu shoonse, nebo ndasebenselabo ndimwe nweenka. Sombi bene Isilaeli bamwi boonse bapwaya cipangano ncemwakapanga ambabo, bapwayoola shipaililo shanu akucaya balaluki banu boonse. Nebo ndime ndacaalaawobo neenka, ono anebo balisuni kuncaya!”

1 Baami 19:18

Nakubi boobo ndaakushiyaawo bantu bali 7,000 boomi muIsilaeli, abo boonse bashomeka kuli ndime alimwi batana kufukaminaawo Baali nabi kufyontaawo cibumbwabumbwa cakwe.”

Jobo 13:15

Nabi ayi Lesa utooncaya, ndanoocinkite manungo muli nguwe. Sombi ndaakutondesha pameenso akwe ayi nshicite mulandu mucikani cangu ici.

Tushimpi 28:1

Bamucita shibi balacicabo nabi taakuuwo abatoobatandaanya, sombi baluleme mbayumu myoyo bweenka mbuli nkalamu.

Danyelo 3:28

Lyalo mwaami wakaamba ayi, “Aalumbaishikwe Lesa wakwe Shadileki, Mishaki awakwe Abedinego! Wakatuma munjelo wakwe kwaamba ayi afune basebenshi bakwe. Bakacinka manungo muli nguwe akusuula mulawo wangu nemwaami. Bakalinga kulibambite kufwa kwiinda kusebensela akulambila lesa umwi, sombibo Lesa wabo.

Bene Lefi 19:4

“Tamweelete kushiya ndime akutalika kulambila shibumbwabumbwa. Tamweelete kubumba balesa ba sheela akutalika kubalambila. Nebo ndime Mwaami Lesa wanu.

Mateyo 10:28

Mutaloondi baabo bacayabo mubili, sombi tabacikoonshi kucaya muuya. Amuloonde Lesa ukonsha kucaya mubili amuuya woonse mumulilo utamaani.

Mateyo 10:39

Uyo woonse usunishi buumi bwakwe ulaakubusowa, sombi uyo usowa buumi bwakwe ceebo ca ndime, ulaakubucana.

Mateyo 16:2

Sombi Jesu wakabakumbula ayi, “Na lisuba lyepila, mwebo mulaamba ayi, ‘Bulaakuca kabotu ciilo ceebo kwiculu kwasalala.’

Milimo ya Batumwi 4:19

Sombi Pita aJoni bakabakumbula ayi, “Mwebo nobeene amusale ciluleme pameenso akwe Lesa, na swebo tunyumfwile ndimwe nabi kunyumfwila Lesa.

Bene Ebulu 11:25

Wakasuna kupenshekwa pantu pomwi abantu bakwe Lesa kwiinda kusangalalila mububi kwaciindi ciniini.

Joshuwa 24:15

Ono na tamusuminite kusebenselabo Mwaami Lesa, amusale sunu nobeene uyo ngweshi munoosebensela, na mbalesa abo bakalinga kulambila bamashali banu bakulukulu mucishi ca Mesopotamya, nabi na mbalesa ba bene Amoli abo bene cishi ncemutekwikalaamo. Sombi nebo abamuŋanda yangu, tulanoosebenselabo Mwaami Lesa.”

Ciyubululo 12:11

Bamakwabesu bakamukoma kwiinda mubulowa bwa Mwanaambelele alimwi amaswi alushinisho ayo ngobakashimikila. Bakalinga kulibambite kwaaba buumi bwabo.