Danyelo 3:17 - Baibo Busansulushi Bwa Libuku Ili

¹⁷ Na mukatuwaale mumunyumbi mutoonyaka mulilo uyoosha, Lesa uyo ngotulambila ulakonsha kutufuna kuswa mumulilo uyo. Ncakwiila nobaami, ulaakutufuna kuswa mumaansaanu.

Danyelo 3:17 ပူးပေါင်းရင်းမြစ်များ

Matalikilo 17:1

Abulamu ndyaakaba amyaaka ili 99, Mwaami Lesa wakaboneka kuli nguwe akwaamba ayi, “Ndime Lesa Shinkusu shoonse. Nyumfwile alimwi kocita shiluleme lyoonse.

Matalikilo 18:14

Sa kuliiwo ciyumu kuMwaami Lesa? Ono bweenka mbondaambaawo kale ayi ndaakwisa kuli ndiwe paciindi ceelete mwakali alimwi Saala ulaakushala mwaana musankwa.”

Jobo 34:29

Na woongulusha, anu ngani ukonsha kumutongooka? Na wabafutatila ngani weenga wapekwa coolwe?

Jobo 5:19

Nabi mapensho ali buyani akupolela, Lesa ulaakukufuna kwaamba atakuciisi.

Kulumbaisha 115:3

Ndushinisho Lesa wesu uli kwiculu. Ncakwiila ulacita cili coonse ncaasuni.

Kulumbaisha 37:39

Mwaami Lesa ngoopulusha baluleme, muli nguwe mobayuba muciindi ca mapensho.

Kulumbaisha 37:40

Mwaami Lesa ulabacafwa akubafuna. Ulabafuna kuswa kubamucita shibi akubapulusha mukwiinga balayuba muli nguwe.

Kulumbaisha 73:20

Bweenka bulubwa ciloto na muntu wabuka macuunsa, mbweshi bakaloobe bamucita shibi na noBaami baLesa mukabuke.

Isaya 12:2

Ncakwiila noBaami baLesa ndimwe bapulushi bangu. Nanooncinkite manungo muli ndimwe, lyalo teshi nkaloondeewo. NoBaami baLesa ndimwe mumpa nkusu abulemu, alimwi ndimwe lwiimbo lwangu. Ee, noBaami baLesa mwaba bapulushi bangu.”

Isaya 54:14

Koombolosha kwakutanyengelela abululami bulaakukushimpya. Kulyatililwa alunkutwe shilaakunooli kulaale awebo. Taaku nabi comwi nceshi ukanoolisukama. Shakuloondaloonda shilaakumaninabo limwi, cakutashinyumfwaawo tubili pafwaafwi awebo.

Jelemiya 1:8

Kutabaloonda ceebo ndanooli awebo alimwi ndanookufuna. Nebo ne Mwaami Lesa ndaamba.”

Jelemiya 15:20

Ndaakukulengesha kuba lubumbu kubantu aba, ee, lilinga lya bulonse kuli mbabo. Balaakukulwana, sombi teshi bakakukomeewo ceebo ndi awebo kwaamba ayi nookufuna akukupulusha.

Jelemiya 15:21

Ndaakukufuna kuswa munkusu sha bamucita shibi akukulubula kuswa mumaansa a beshilunkutwe. Nebo neMwaami Lesa ndaamba.”

Danyelo 3:26

Kuswawaawo Nebukadinesa wakasena pamulyango wa munyumbi akwiita ayi, “Shadileki, Mishaki, Abedinego, nobasebenshi ba Mwaami Lesa wa kwiculu Wiindaawo, amuswe!” Lyalo bakaswa ciindi ceenka ico.

Danyelo 4:35

Kuli nguwe bantu boonse ba mucishi balabonekabo anga taaku mbobabete. Lakwe uleendelesha baanjelo ba kwiculu pantu pomwi abantu ba mucishi ca panshi. Taaku muntu weenga wamukasha kucita cintu, nabi kumwiipusha ayi, ‘Wacitilanshi bobulya?’

Danyelo 6:16

Paceebo ceeco mwaami wakaamba ayi Danyelo aacatwe akuwaalwa mucilindi ca nkalamu. Nakubi boobo wakaambila Danyelo ayi, “Lesa wako, uyo ngoosebensela cakushomeka, aakupulushe.”

Danyelo 6:23

Mwaami wakasangalala abuumbi akwaamba ayi Danyelo akushikwe mucilindi. Ndyaakakushikwa mucilindi ico, wakacanika ayi taacitewo cimenga nabi comwi ceebo wakacinka manungo muli Lesa wakwe.

Danyelo 6:27

Ulafuna akupulusha, ulacita shitondesho sha nkusu sha kwiculu ashaankamiko kwiculu alimwi apacishi ca panshi. Wakapulusha Danyelo kuswa kumilomo ya nkalamu.”

Mika 7:7

Sombi nebo ndanoolangila lucafwo kuswa kuMwaami Lesa. Ndanoolindila Lesa Mupulushi wangu. Ndushinisho Lesa wangu ulaakunkutika.

Luka 1:37

Mukwiinga kuli Lesa taaku ciyumu.”

Milimo ya Batumwi 20:24

Nshicitaaco mulandu nabi ndafwa, cinene nkumanisha mulimo wangu uyo ngwaakampa Mwaami Jesu, wakushimikila Makani Abotu aamba paluse lwakwe Lesa.

Milimo ya Batumwi 21:13

Sombi lakwe wakakumbula ayi, “Ino mutoolililanshi akuntutumya? Nshilibambitebo kwaangwa kweenka muJelusalemu, sombi akufwa momunya umo ceebo ca liina lya Mwaami Jesu.”

Bene Loma 8:31

Pasheebo shoonse ishi inga twaamboonshi? Na Lesa ulatusuminisha ngani weenga watupikisha? Taaku nabi womwi.

2 Bene Kolinto 1:10

Wakatufuna mumapensho alufu amushobo uyo alimwi ulaakutufuna. Ono tulishomete kwaamba ayi ulaakutolelela kutufuna

Bene Ebulu 7:25

Nceceeco bulya anshiiku shoonse, ulakonsha kupulushisha baabo besa kuli Lesa kwiinda muli nguwe mukwiinga ngumuumi lyoonse kwaamba ayi anoobasengelaako kuli Lesa.

1 Samwelo 17:37

Mwaami Lesa uyo wakamfuna kunkalamu abasuntwe banene, utoomfuna akumwine Filisiti ulya.” Lyalo Saulo wakaambila Defedi ayi, “Ncibotu, koya alimwi Mwaami Lesa abe awebo.”

1 Samwelo 17:46

Sunu Mwaami Lesa utookwaaba mumaansaangu ayi kuncaaye akukusutula mutwi. Mibili ya bene Filisiti sunu ntooipa bayuni abanyama bamuluundu. Lyalo bantu ba mucishi ca panshi coonse batooshiba ayi muli Lesa muIsilaeli.