Danyelo 3:12 - Baibo Busansulushi Bwa Libuku Ili

¹² Ono Shadileki, Mishaki alimwi aAbedinego, baJuda bamwi abo mbomwakalengesha kuba bacinenenene mucishi ca Babiloni, tabakwe kumunyumfwila. Bantu aba batookaka kulambila balesa banu nabi cibumbwabumbwa ca golodi ncemwakeemika.”

Danyelo 3:12 ပူးပေါင်းရင်းမြစ်များ

Esita 3:8

Mpomunyaawo Amani wakaambila mwaami Sakisesi ayi, “Kuli mushobo umwi wa bantu bapalangene mubwaami bwanu boonse abo bakonkela kwishibila kupuseneeko akwa bantu bamwi boonse. Bantu abo balakaka akukonkela milawo yanu. Aboobo taaku mbweshi cimucaafwe kubalekabo.

Tushimpi 27:4

Bukali mbubiibi, kukalala ca lushinga kulanyonyoola, sombi munyono walo uleendaawo kubica.

Shikushimikila 4:4

Ndakabona alimwi ayi milimo yoonse akuswitilila koonse kwa muntu shilaswa kulunkumbwa lwa munyono pamubye. Ono ici coonse taaku mbocibete, cilibo anga nkutandaanya muuwo.

Danyelo 1:7

Wacinenenene munene uyo wakabapa meena amwi. Danyelo wakatumbwa ayi Beloteshasa, Ananiya wakatumbwa ayi Shadileki, Mishaelo wakatumbwa ayi Mishaki aAsaliya wakatumbwa ayi Abedinego.

Danyelo 2:48

Mpomunyaawo wakabika Danyelo pacuuna capeculu mubulelo bwakwe akumupa shipo shiinji. Wakamupa buleli bwa cishi ca Babiloni alimwi akwaamba ayi abe munene wa basongo boonse.

Danyelo 2:49

Lyalo kweelana akusenga kwakwe Danyelo, mwaami wakalengesha Shadileki, Mishaki aAbedinego kuba bacinenenene mucishi ca Babiloni. Sombi Danyelo lakwe wakacaala kaasebensela kuŋanda ya kubwalo.

Danyelo 3:11

alimwi ayi uyo weshi akabule kufukama akulambila, ulaakuwaalwa mumunyumbi utoonyaka mulilo uyoosha.

Danyelo 3:16

Shadileki, Mishaki aAbedinego bakakumbula mwaami ayi, “Nobaami baNebukadinesa, tatweelete kuliimikanina pamakani aya, sobwe.

Danyelo 3:29

“Ono bulya ndabika mulawo wakwaamba ayi muntu wa mushobo uli woonse, cikanda ca mushobo uli woonse nabi wa mumulaka uli woonse weshi akanyanshe Lesa wakwe Shadileki, Mishaki alimwi awakwe Abedinego, ulaakucaikwa mukutimbulwa shipimpitapimpita. Ayalo ŋanda yakwe ilaakupwayoolwa cakubabo matongo. Ncakwiila taaku lesa nabi womwi weenga wafuna bobulya.”

Danyelo 3:30

Mpomunyaawo mwaami Nebukadinesa wakasumpula Shadileki, Mishaki aAbedinego mukubapa shuuna sha peculu mucishi ca Babiloni.

Danyelo 6:13

Mpeeke bakaambila mwaami ayi, “Danyelo womwi wa basha abo bakaswa kucishi ca Juda taamulemeki nobaami nabi kukonkela mulawo uyo ngomwakapanga. Lakwe ucipaila kuli Lesa wakwe mankanda otatwe pabushiku.”

Danyelo 6:14

Mwaami ndyaakanyumfwa boobo, wakoongumana abuumbi akweelesha kuyandoola nshila yakufuninaamo Danyelo. Wakeelesha cankusu tibili lisuba ndilyakawa.

Milimo ya Batumwi 17:7

Lakwe Jasoni wabatambula muŋanda yakwe. Bantu boonse aba batosotoka milawo yakwe Sisa muleli munene wa kuLoma ceebo batokwaamba ayi kuli aumwi mwaami wiitwa ayi Jesu.”

Milimo ya Batumwi 5:28

“Mwebo twakamukasha akumukonkomesha ayi mutakeeleshi lyobilo kwiisha makani aamba pali Jesu. Sombi mwebo mweeisha muJelusalemu yoonse alimwi mukucita boobo mutooyanda kutupa mulandu wa lufu lwa muntu uyu.”