Danyelo 2:9 - Baibo Busansulushi Bwa Libuku Ili

⁹ na mubule kundwiita ciloto cangu mbocalinga ntoomupa mulandu womwi. Mwebo noonse mwasuminishanya kumbeca ayi mpashi shintu shitooba kabotu. Ono bulya amundwiite ciloto mbocalinga, lyalo ntooshiba ayi anu inga mwakonsha kundwiita mbocaamba.”

Danyelo 2:9 ပူးပေါင်းရင်းမြစ်များ

1 Baami 22:22

Mwaami Lesa wakeepusha ayi, ‘Ulaakumucenjeeka buyani?’ Mushimu wakakumbula ayi, ‘Ndaakuya mukulengesha balaluki bakwe Aabu kwaamba shabubeshi.’ Mwaami Lesa wakaamba ayi, ‘Koya ukamucenjeeke. Ulaakucikonsha.’ ”

1 Baami 22:6

Mpeeke Aabu wakeeta balaluki bakalinga mpashi myaanda yone akubeepusha ayi, “Sa nje nkalwaane ndabala ya Lamoti nabi na sobwe?” Balaluki bakakumbula ayi, “Kamuya mukalwaane. Mwaami Lesa utoomucafwa kwaamba ayi mukome.”

Esita 4:11

“Bacinenenene boonse ba mwaami abantu bamwi boonse bekala mushipansha sha cishi, balishi kwaamba ayi musankwa uli woonse nabi mwanakashi uyo weenga wenjila mulubansa lwa mukati muŋanda ya mwaami kwakuteetwa, ulyeelete kucaikwa. Uyu ngomulawo uliiwo. Sombi na mwaami watondeka muntu uyo nkooli ya bwaami ya golodi, inga taacaikwi. Ono peenda nshiku makumi otatwe mwaami ndyaakaswa mukunjitaawo.”

Tushimpi 12:19

Lushinisho lulakalilila lyoonse alyoonse, sombi bubeshi bulafwambaana kwishibwa.

Isaya 41:23

Kamwisa mutwaambile sheshi shikacitike kunshiku sha kunembo kwaamba ayi twishibe ayi ncakwiila muli balesa. Tubone amucitewo cintu comwi cibotu nabi cibiibi kwaamba ayi tukankamane akunyumfwa boowa.

Isaya 44:25

Ndime Lesa uyo ulubaanya bulaluki bwa balaluki babeshi akulengesha bamukamwaami kuboneka buluya. Ndime Lesa uyo ukoma lushibo lwa basongo akululengesha kuba buluya.

Esekelo 13:17

Mwaami Lesa wakaamba ayi, “Ono webo omuntu, lansha ciwa ca bukali kubanakashi bali pabene mishaanu abo balaluka shamumitwi yabo beene. Ulaluke mapensho pali mbabo akubalwiita ayi

Esekelo 13:19

Mulanyansha pakati ka bantu bangu kwaamba ayi mucanebo bale ukwanabo mumapaka aniini alimwi abusekele bwa shinkwa Mulacaya bantu abo bateelete kucaikwa akushiya baabo beelete kufwa. Mwebo mulaambila bantu bangu shabubeshi, abalo balamunyumfwila.’

Esekelo 13:6

Shili anga nshiloto shabo nshabubeshi abulaluki bwabo mbwakucenjeekabo. Balaamba ayi, ‘Mwaami Lesa waamba,’ kakuli teshi ndime ndabatuma. Nakubi boobo balangila maswi abo ayi acitike cancinencine.

Danyelo 2:16

Danyelo ndyaakanyumfwa makani ayo wakaya kuŋanda ya mwaami akumusenga ayi amupe ciindi kwaamba ayi amusansulwite ciloto ico.

Danyelo 2:21

Ulasandula nshiku ashiindi sha mumwaaka. Ulabika bantu pabwaami alimwi akubakushaawo. Ulapa busongo amaano akunyumfwisha shintu.

Danyelo 2:8

Ndibakaamba boobo, mwaami wakaamba ayi, “Bweenka mbondalinga kuyeeya! Ndishi ayi mutoocita boobo kwaamba ayi ciindi kaciya buya mukwiinga mwebo mwabona ayi miyeeyo yangu njakwaamba ayi,

Danyelo 3:15

Ono bulya na mukanyumfwe mapeenga, pesule mukanyumfwe mitoolilo, tunkobele, tulumbu tunene atuniini alimwi akulila kwa shakulisha shimwi shoonse, mukafukame akulambila cibumbwabumbwa. Ono na mukabule kucita boobo, ciindi ceenka ico mulaakuwaalwa mumunyumbi mutoonyaka mulilo uyoosha. Sa mutooyeeya ayi kuli lesa weshi akamupulushe kuswa mumaansaangu?”

Danyelo 5:28

“PASINI, nkwaamba ayi bulelo bwanu bwabaanishikwa akupekwa kubene Mediya alimwi abene Pesha.”

Danyelo 5:31

Mpeeke Dalyasi mwine Mediya wakabwesa bwaami kaacite myaaka ili makumi osanwe amyaaka yobilo.

Danyelo 7:25

Mwaami uyo ulaakunokwaamba shintu shakulwana Lesa wa kwiculu Wiindaawo akupensha bantu bakwe Lesa. Ulaakweelesha kusandula nshiku shakusekelela shibambitwe alimwi aMilawo yakwe Lesa. Bantu basalalite bakwe Lesa balaakuba mumaansaakwe kwamyaaka yotatwe amusa.

2 Bene Kolinto 2:17

Tatubete mbuli bamwi baanji bashimikila maswi akwe Lesa anga batoocitabo makwebo mwakucanina shiyandika mubuumi. Sombi ceebo Lesa wakatutuma, tulashimikila cakushomeka pameenso akwe, mukwiinga tuli muli Klistu.